لمن يريد ان يغير اسم عضويته بالمنتدى ((الأحوال المدنية )) ^^

تعرفت عليه عن طريق الانترنت واعجب بي واعجبت به وتطور ذلك الى حب،فكيف يتطور الى زواج... ساعدوني!

انا
بنت من بلاد الله الواسعة احببت شخصا عن طريق النت وهو يحبني جدا وصادق
معي بمشاعره اتجاهي اكثر مني انا، وطلب مني الزواج مع انه ما صارلنا مدى
بنعرف بعض.

هو حبني حب جنون مع انه ما كان بيؤمن بعلاقة الحب عن طريق النت او بنت من
برات بلده، هو من سوريا وانا من فلسطين. هو بدو يتزوجني اليوم قبل
بكرا.... بس انا مش عارفة الاقي طريقة نوصل فيها لبعض او انه كيف بدي افهم
اهلي.... لانه احنا ما عندنا هاد الشي... زواج عن طريق النت او من غير
دولة.... انا كثير محتارة شو بدي اعمل وكمان كيف.

بدي افهمه انه زواجنا مستحيل اولا لبعد المسافة وكمان انه هو ما بيقدر يجي
لعنا على فلسطين.... انا بحبه بس هو بحبني حب جنون بدو اياني بأي طريقة
وانا مش عارفة شو اعمل.

ساعدوني وقولولي رأيكم بكل صراحة انا محتاجة لمساعدتكم أتعذب من حبي الذي لا اعرف ما نهايته (ساعدوني ) Icon_cry

وشكرا لكم موقع الأصدقاء

******

اول شي اهلا وسهلا فيكي

تاني شي والله يا اختي انا بدي انصحك نصيحه لوجه الله تعالى

انه تتركي كل هالموضوع من اصله وتنسيه لانه وخلينا نحكي انه صار وتزوجتو انا بحكيلك ومتيقنه من الموضوع انه رح تصير

كتيييير خلافات ومشاكل وما رح تكونوا سعيدين ابدا والا ما يمر يوم ويحكيلك انت تعرفت علي وحكيت معي شو يضمنلي انك ما رح تحكي مع غيري

وما رح يكون في بينكم ثقه ودايما رح تشكو ببعض وسدئي انا رح احكيلك كبنت ولو انا في هاد المكان ما رح اوثق فيه وما رح اسدئه لانه متل ما اتعرف علي اكيد رح يتعرف على غيري

وهاد ان ما كان عم يضحك عليكي

وبس عم يتسلى

لا تحكيلي هو بحبني وهو غير

كتيييييييرقصص مرئت علي وكانت تحكيلي البنت والله هو غير وهو بحبني ومستعد يعمل اي شي عشاني

وطلع بالاخر كزااااااااب

ما تتعلئي في وازا انت مصرة انك تضلي معه وانه هو غير بنظرك فأنا بطلب منك طلب واحد انه لاتعطيه كل ثقتك

ابدا ابدا وحتى لو هو اعطاك كل ثقته ولو شو ما صار احتفظي بشوي لذاتك عشان ان صار شي وعرفتي انه كزاب وانا بتمنى انه يكون لاء ما تنصدمي وما تضرري كتييير لانه اكيد بتهمني مشاعر كل بنت وما بحب اشوف حد منجرح

انا صحبيتي عاشت نفس التجربه ونصحتها وما ردت وبالنهايه عنجد طلع واحد مو منيح وبكلمه وحدة وبكل برود باعها

انا آسفه ازا تئلت عليكي بكلامي

بس والله ما بحكي هيك الا لصالحك والواحد كتيييير بيسمع قصص

فحلو انه يتعلم من تجارب غيرة

لانه بالنهايه سعيد من وعظ بغيره

اتمنى ان تتقبلي مروري وتاخدي كلامي على محمل الجد

وآخر شي بحب احكيلك اياه

انه انت بنت انا ما بعرفها ولا شفتها وحتى لحد لان ما تعرفت عليكي

فيعني اكيد انا ما بحكي شي الا لصالحك وانت حره بالاخر ازا بدك تعملي بنصيحتي او لاء

وانا بالنهايه وصلت رسالتي وسدئي انها من القلب واتمنى انها تدخل للقلب

بتمنى كل خير الك وان شاء الله موفئه

في امان الله

رح رد عليك مو عضوة او صديقة
لا انا رح كون متل اختك
وقلك انو لما بدك تدخلي بقصص حب هيك
لازم تكوني متاكدة من النهاية
لانها واضحة ومعروفة
وانتي كمان عارفتيها
بس ما بدك تعترفي او تسدئي حالك
انا بقلك النهاية الفراق
فلازم تتعلمي كيف تتحكمي بعواطفك ومشاعرك
ولا تخلي اي شي او اقل غلطة تدمر حياتك
ومتل ما حكت سينشي وزيادة
نحنا اولا نريد مصلحتك
تقبلي رأيي
اختك منال

السلام عليكم

اولا اختي احب اقولك ان سينشي محقة في كل ما قالته لك
ومستحيل تضمني ان هذا الشاب صادق في كلامه لان الكثير من البنات وقعن في هذا الموقف و معظمهم فشلن بالنهاية
و انا لو كنت مكانك مش حكمل
وانت قرارك بيدك مادام متعرفيش اذا هو صادق او كاذب الاحسن تقصي الموضوع
وبيدك القراااااار

اهلين فيكي اختي نورتي منتدانا

وسلامتك من العذاب

انا بحيي جراتك وانتي بالفعل بنت جريئة وصادقة

وكثيرين منا بمرو بمشاكل ومش قادرين يصارحو فيها

عالعموم الصبايا حكو حكي كتير حلوووو والله يبارك فيهن

والموضوع بالفعل بدو نقاش

ولي عودة قريبة ان شاء الله وبانتظار بقية الاراء

اهلا فيك اختي
انا لا يوجد لدي ما اقوله او لا ادرك معنى ما تقولين اتمنى استفادة من غيري

قصتك اختي بتشبه قصص كتيرة وانا بتمنى من قلبي ساعدك لانو كل وحدة مننا غالبا مامرت بهيك ظروف ووفقوا غالبا معها ناس بيحبوها واعطوها نصائح صادقة من القلب بس رح اقولك شي ..الحقيقة كل كلامهم مش رح يفيدك لانو كل شي حكوه انا وائقة انك بتعرفيه والموضوع اكبر من مجرد كلام ...ياريت اختي تاخدي ايميلي من المدير او تبعتيلي ايميلك معو عندي كلام كتير بتمنى اني يصلك ...وانا عشان انتي فلسطنية بتمنى تضلي بخير وماتتلوتي بوساخة الشباب الحقيرين ...ونلتهي بأمور تانية اهم بكتير من الحب والعلاقات الواضحة نهايتها ..

انا متأكدة رح اقدر فيدك ولو بجزء بسيط واعتبريني اختك في الله وخودي ايميل يمن فارس او ابعتيلي ايميلك ولكل مشكلة بهالدنيا حل ....

شكرا كتيييييير الكم كلكم يا احلى اخوة

الحقيقة انا تعرفت عفارس بموقع ثاني كنت حاطة فيه مشكلتي هاي نفسها وفارس نصحني اسجل عندكن وااوضع مشكلتي واني راح الاقي اخوة يساعدوني وينصحوني

وبالفعل ماندمت لاني سمعت منو

بشكرك كثيييييييير يافارس لانك عرفتني عاحلى اخوة

وعشانك دمعة الأمل ..أنا حبيتك كثير وراح اوديلك اميلي برسالة خاصة وبنحكي ان شالله

ادعولي مالي غيركم وان شاء الله احاول طبق كلامكم

ان شاء الله

نحنا عنجد حبيناك وكلامنا طلع من ألبنا

الله يوفئك

موفئة اختي الكريمة

وانا حبيتككككككككككككك كتير

اناسمعت رأي الكل وعجبني رأيهون بس انا عندي رأي خاص صديقتي انت كان غلطك من البداية كان لازم تحسبي حساب هالوقت ولامفكرة تحبي بدون ارتباط انابرأي انو فينك تنسي لأنو ماكان بينكون لقاء طبعالازم تاخدي رأيو هو وبعدين تتخذي قرارك مشان ماتجرحي مشاعرو اذا كان بحبك وبتمنا منك تعتبري كلشي صار معك تجربة صعبة وتكوني استفدتي منها

حكيك حلو اورهان وعجبني حلك

انا حكيت اختي حنان رايي بالموقع التاني

ورح احكي بشكل مقتضب هون مرةى تانية كرمال يشوفوه الاعضاء

لقلك شغلة حطيا ببالك منيح : احتفظي لحالك بخط رجعة

لانو هالعلاقة معروفة شو نهايتا ومعروفة الآثار اللي رح تتركا هالعلاقة بنفسك

انتي بتعرفي شو نهاية الحب بس عم تقنعي حالك انك مابتعرفي لانو النهاية صعبة عليكي .. بس مع هيك لازم ترضي بالحقيقة وتوقفي قبل ما تتعلقي فيه اكتر وتكبر المشكلة ..

وبفضل انك تبعدي عنو شوي شوي مع انكن رح تتعذبو اول فترة بس هيك احسنلكن انتو الاتنين

( لاتقولي مابتقدري ادعي ربك وتوكلي عليه وعزمي عالشي ربنا بساعدك مابيترك حدا )

ولاتسدئي في شي اسمو حب من ورا الشاشة .. انتي ماشفتي كيف حياتو بالواقع ولاتفكيرو ولاتصرفاتو .. واد ماكنتي شايفتيه سادئ وحلفلك وعملك وسوالك بالآخر رح تصير شغلة تكشفو ورح تندمي كتير

فكري بعقلك وخلي قلبك ع جنب .. لانو ازا فكرتي بقلبك رح تدمري كتير

بتمنى تكوني قوية وتسمعي نصيحتنا الك نحن هون كلنا اخوة ومنريد الخير لبعض

لوسي كتب:: لقلك شغلة حطيا ببالك منيح : احتفظي لحالك بخط رجعة

لانو هالعلاقة معروفة شو نهايتا ومعروفة الآثار اللي رح تتركا هالعلاقة بنفسك

انتي بتعرفي شو نهاية الحب بس عم تقنعي حالك انك مابتعرفي لانو النهاية صعبة عليكي .. بس مع هيك لازم ترضي بالحقيقة وتوقفي قبل ما تتعلقي فيه اكتر وتكبر المشكلة ..

وبفضل انك تبعدي عنو شوي شوي مع انكن رح تتعذبو اول فترة بس هيك احسنلكن انتو الاتنين

( لاتقولي مابتقدري ادعي ربك وتوكلي عليه وعزمي عالشي ربنا بساعدك مابيترك حدا )

ولاتسدئي في شي اسمو حب من ورا الشاشة .. انتي ماشفتي كيف حياتو بالواقع ولاتفكيرو ولاتصرفاتو .. واد ماكنتي شايفتيه سادئ وحلفلك وعملك وسوالك بالآخر رح تصير شغلة تكشفو ورح تندمي كتير

فكري بعقلك وخلي قلبك ع جنب .. لانو ازا فكرتي بقلبك رح تدمري كتير

بتمنى تكوني قوية وتسمعي نصيحتنا الك نحن هون كلنا اخوة ومنريد الخير لبعض

شكرا كتير الك لوسي والله جبيتك كثير

انا حاولت طبق هاي الحكي لكن هو متعلق فينني كثير او عالاقل هاي يلي بشوفو من كلماتو

حكيتلو كل اشي بقلبي واني خايفة كثير من علاقتنا وخايفة من ربي عشاني بخونو وبخون تربية اهلي لكنو دايما بيحلفلي انو هو صادق وفشي بقلبو الا كل خير

orhan كتب:: اناسمعت رأي الكل وعجبني رأيهون بس انا عندي رأي خاص صديقتي انت كان غلطك من البداية كان لازم تحسبي حساب هالوقت ولامفكرة تحبي بدون ارتباط انابرأي انو فينك تنسي لأنو ماكان بينكون لقاء طبعالازم تاخدي رأيو هو وبعدين تتخذي قرارك مشان ماتجرحي مشاعرو اذا كان بحبك وبتمنا منك تعتبري كلشي صار معك تجربة صعبة وتكوني استفدتي منها

شكرا خيا

دمعة الامل كتب:: وانا حبيتككككككككككككك كتير

ربي يسعدك ياعسل

والله انك عسلللللللللل بحبك يا امول كثير الله ما يحرمني يا قمر سوريا

tarek كتب:: موفئة اختي الكريمة

شكرا خيا

سينشي كتب:: ان شاء الله

نحنا عنجد حبيناك وكلامنا طلع من ألبنا

الله يوفئك

شكرا سينشي الله يسعدك وانا حبيتكم كثير

sara كتب:: السلام عليكم

اولا اختي احب اقولك ان سينشي محقة في كل ما قالته لك
ومستحيل تضمني ان هذا الشاب صادق في كلامه لان الكثير من البنات وقعن في هذا الموقف و معظمهم فشلن بالنهاية
و انا لو كنت مكانك مش حكمل
وانت قرارك بيدك مادام متعرفيش اذا هو صادق او كاذب الاحسن تقصي الموضوع
وبيدك القراااااار

شكرا كثير على رايك ياسارة

دمعة فرح كتب:: رح رد عليك مو عضوة او صديقة
لا انا رح كون متل اختك
وقلك انو لما بدك تدخلي بقصص حب هيك
لازم تكوني متاكدة من النهاية
لانها واضحة ومعروفة
وانتي كمان عارفتيها
بس ما بدك تعترفي او تسدئي حالك
انا بقلك النهاية الفراق
فلازم تتعلمي كيف تتحكمي بعواطفك ومشاعرك
ولا تخلي اي شي او اقل غلطة تدمر حياتك
ومتل ما حكت سينشي وزيادة
نحنا اولا نريد مصلحتك
تقبلي رأيي
اختك منال

شكرا الك كثير دمعة فرح

سينشي كتب:: اول شي اهلا وسهلا فيكي

تاني شي والله يا اختي انا بدي انصحك نصيحه لوجه الله تعالى

انه تتركي كل هالموضوع من اصله وتنسيه لانه وخلينا نحكي انه صار وتزوجتو انا بحكيلك ومتيقنه من الموضوع انه رح تصير

كتيييير خلافات ومشاكل وما رح تكونوا سعيدين ابدا والا ما يمر يوم ويحكيلك انت تعرفت علي وحكيت معي شو يضمنلي انك ما رح تحكي مع غيري

وما رح يكون في بينكم ثقه ودايما رح تشكو ببعض وسدئي انا رح احكيلك كبنت ولو انا في هاد المكان ما رح اوثق فيه وما رح اسدئه لانه متل ما اتعرف علي اكيد رح يتعرف على غيري

والله حكيك درر يا كونان يسلمووووووووووو

» سبحان الله كأنه حس نهايته بالدنيا قريبه
» ايهما تختار الذي يحبك ام الذي تحب؟
» مشكلة عجيبة ما عم لاقيلها حل ......ساعدوني
» ساعدوني يا من اعتبركم اهلي و اصدقائي
» هناك عضو يزعجني بالرسائل الخاصة....ساعدوني