لمن يريد ان يغير اسم عضويته بالمنتدى ((الأحوال المدنية )) ^^

أول شي لازم تعرف أنو الجنسية الحمصية هبة من الله سبحانه

( و رفعنا بعضهم فوق بعض درجات )

- لازم تكون مقتنع انو حمص مستقلة و لازم تكون كرماوي لإنو الكرامة إنتماء منفصل.

- أن تكون مستعدا لأن تعيد يوم الأربعاء ، يعني تصيف عالأخير تمشي بعكس السير مثلا ، تلعب بالطابة بالشارع ، تلحق بنت وتلطشها ، تسبح عالشاطئ ، مع إنو ما في شاطئ عنا بحمص ، بس بدك تدبر راسك ، يعني : تخرج عن كل الضوابط والأعراف المألوفة ، فكل ما هو مألوف يجبتغييره يوم الأربعاء .

- لازم تكون من العالم اللي بحبو أكلة المجدرة . مع البصل طبعا . فإذا ماكنت هيك روح دور على غيرنا

- لازم تكون مطيع كتير لزوجتك ، لأنو الحماصنة مرضيين كتير ، يعني بدك تخفف شوي من رجولتك ..يعني مايكون إلك كلمة بالبيت .

- بدك تكون ظريف كتير مع الموظفين ، لأنو عنا الموظفين بحمص الموظفين حساسين كتير و بيزعلو أوام ، يعني بدك تراجعهم بذوء وهدوء بدون ما تجرح مشاعرهم ، ولا تنسى .. المعلوم !! اي اي هه المعلوم لأنو بلاه ما في شي بيمشي .

- لازم يكون عندك فراسة وسرعة بديهة ، وتعرف الشوفير اللي ماشي قدامك لوين رايح وكيف بدو يلف او بدو يضرب فرام ولا لاء !! لأنو عنا بحمص ما حدا بيعطي إشارة وكلو بيطحش على كلو !! وعلى فكرة لازم تزكرو ا كمان انو يشغلك العداد لأنو وين مارحت رح ياخد منك 50 ليرة لذلك فزكرو منشان يشغل العداد

- لازم تكون رئتك ملوثة بنسبة 99.999 % لأنو إذا كنت متعود على الهواء النظيف والعليل ، ما راح يمشي حالك عنا بتمرض بعدين بأمراض مزمنة . لأنو عنا كل أنواع التلوث .. والحمد لله ، إلا إذا حبيت تسكن غرب حمص ، على ضهر القصير مثلا أو بالقرب من مرمريتا ،فيمكن يشي حالك وبيجوز تموت هنيك لأنو الحماصنة بس طلعو من حمص بموتو و طلع السبب انو عم يشمو برات حمص هوا نضيف .

- لازم تحكي عالعريض ، أما شو يعني عالعريض ، فلازم تسأل مهران يوسف تبع برنامج سؤال عالماشي ، وإذا حزرت إنت وعشرة كمان فراح يقسم الجائزة بيناتكم ، وغالبا راح يحجبها عنكم

- ولا ننسى الأركيلة .. لازم يكون عندك نفس ماكن يعني شفيط نمرة ون .

- ممكن تحصل على مرتبة الشرف إذا قتلت تنين حموية ..

- أكيد بدك تحفظ شعار الحماصنة .. وهويالحماصني الصقور الحرة .. نظرتهم حادة ومرة .. واللي بيحبهم مرة بيحبوه ألف مرة ومرة ..

وأخيرا وليس آخرا : إذا وجدت هذه الشروط منطبقة عليك أو بإمكانك الوفاء بها ،فلحق حالك ها لأربعاء لأنو كل أربعاء الشروط بتتغير

انا عملت هل الاختبار من قبل وفشلت .... لاني مابحب المجدرة مع البصل ........

ههههههههههههههههههههههههه
مشكورة لموش على مرورك

واجبنا ولااااااااااااو ..... بس انا بتكفيني الجنسية الحلبية ...

و الله ما في متل الجنسية الحلبية

يا محمد بدنا إختبار سلموني

طيب رح حاول حطلكن اختبار
بس أنت إذا عندك ما تقصر
مشكور على مرورك

مشكور ابو عبدو

على راسي
مشكور على مرورك

خلص عندي محمد

رح نستنى مصطفى

يالله فرجونا

و بدك تشوف أحلى لغة كمان

احلى لغة .........ههههههه ......يالله ناطرين

بصراحه انا مابدي غير جنسيتي الفلسطينيه
بس كمان قريت وشفت قلت بركي بتنفع معي
بس كمان المجدره مع البصل ما بحبها
يسلمو عالموضوع

ههههههههههههههههههههههههههه
هي الجنسية الحمصية ... لكا شو
مشكورة على مرورك

حمصية وحلبية
بدنا لاذقانية

هههههههههههههههههه
جهزلنا اختبار نضال
و نحنا جاهزين

يالله ناطرين الاختبار ... لاني عم اتعلم لاذقاني من جديد..

ما عم اعرفك لموش

» نكت عن الحمصية
» حتى تكتسب الجنسية الحمصية
» تخيلو تكون شروط الزواج هيك
» شروط وقوانين منتدى الصور
» اربع شروط هامة لحياتنا

شروط اخذ الجنسية الحمصية ..