كيف تفسر حرية المرأة او حقوقها من وجهة نظرك ... اهم شيء الصر

موضوع بدو قعدة أبو عبدو الغالي ورح ارجعلك ان شالله
بس نضلة الغالي معقول كلامك انو (اصلا اذا بتربي البنت وبتقمعها من الاول مابتفكر بالقتاعة)

شو بنتك قلبت ثورة أو نار أو شريرة حتى تقمعها ..بيش ما بتقول انو بريبها من صغلاها وبزرع فيها بذرة حب الدين وحب الخير وحب الله ورسوله
ضروري قمع يعني
كمان منشان انو (بدي اسئلها الشب ممكن يعمل شي كثير بس ماباثر عليه مثل البنت)
فمين قال هالحكي كيف يعني ما بيأثر شو يعني يعمل اللي بدو اياه ومابهم

حبيبي كنت اقرا الحكي الاخير بعدين فسر على كيفك
وتصير تعلق على حكي لانو نص هالحكي هو رايك انت شو نسيت حبيبي
يابعدي وصار يعلق على رايي كمان
بعدين هو قايلك علق على الموضوع موعلى راييي
لعمى شو هالناس؟

مشكورين نضال و فارس
و الاختلاف لا يفسد للود قضية
اختلاف الآراء لا يؤثر على صداقتنا بالمنتدى

ههههه ومين قلك باثر؟

مشكور نضال

سأحكي رأيي وبموضوعية أنا بنظري الشب والبنت واحد ولا إختلاف بينهما وليس لدي فرق في البنت المحجبة أو غير المحجبة المهم سلوك البنت وتصرفاتها هذا أهم شيء فسأطرح عدة أمثلة وموجودة بكثرة في مجتمعنا
1- عندما نشاهد شاب وفتاة يتمشون وحدهم وليكن في الجامعة في الشارع في مكان عام فقط نقول عنهم عشاق ونبدأ بالكلام عن الفتاة وبأنها بالمشرمحي فلتانة صح ولا غلط كلامي وأنا ردي هنا ألا توجد صداقة بين الشب والفتاة كما هي بين الشب والشب والفتاة والفتاة لماذا ننظر للأمر من نظرة الحب فورا
2- بعض الأشخاص وهم كثرة تراهم طوال اليوم يحكون لك عن الفتاة التي يحبونها ويتحدثون معها على الهاتف لساعات طوال وعن حبهم لهذه الفتاة وأن هذه الفتاة حبابة إالخ من هذا الكلام وفجأة يأتيه خبر أن أخته تحب أحد الشباب وتتكلم معه على الهاتف هنا يقيم هذا الشخص الدنيا فوق راس أخته وحبيبها وبيكسر وبيضرب وبيحرمها من الطلعة والفوتة شو رايكم بهيك ناس
3- في مجتمعنا النظرة دائما بخطورة لموضوع العلاقة بين الشب والبنت أنا مع الصداقة بين الشب والبنت ومع أنو يتمشو ويروحوا على الكافيتريا ويشربوا قهوة وكلو بأماكن عامة أي أمام أعين أين الغلط في ذلك
4- عندما يحب احدهم فتاة ويريد أن يراها ويتكلم وجها لوجه يقول لها تعالي نذهب للكافيتريا تقول له بخاف أحد يشوفني من أهلي طيب تعي شوف عند باب المدرسة بتقلوا بخاف أحد يشوفني إذا الخوف دائما موجود طيب ليش الخوف وشو الغلط إذا شفتوا بعضكم بمكان عام وأمام أعين الناس أنا بقلكم وما في داعي تفكروا كتير الغلط أنو بيبلشوا الناس يحكوا على البنت وبتصير مسموعياتها مو كويسة صح طيب ليش شو هي عم تعمل جاوبوا بصراحة لأنو جلست مع الشخص اللي بتحبو بمكان عام وهذا ما يدفع البعض منهم إلى الإلتقاء في أمكن بعيدة عن الأعين مما يؤدي لوقوع الحرام
5- ومشان أسئلتك محمد تفضل رأيي
دراسة المراة وحقها في ان تكون مثقفة تربي اجيال جديدة وواعدة
أنا مع هذا الأمر وبشكل واضح
- حقها في اختيار زوجها تحت اشراف الاهل طبعا وعدم اجبارها على شخص لا تحبه
كمان أنا معك بس للأسف في كتير عائلات ما بيشاوروا البنت وهذا اكبر غلط ولازم الزواج يكون مبني على الحب
- حقها في ان تعيش كانسانة وهذا اقل ما يمكن لان الله خلقنا جميعا بنفس المستوى
طبعا لكن مع المساواة مع الرجل بكل شي لأنو في مجتمعنا كتير بيسليروا البنت على حسابنا مثلا إذا ماشي السرفيس وأنت أشرتلوا وكان في بعدك بشي مترين بنت واقفة بيوقف وبيطالع البنت وأنت بضل ناطر وفي كتير أمثلة
فلماذا نحرم على غيرنا ونحلل على انفسنا ؟ هل لان عضلاتنا قوية ؟
طبعا محمد أنا مع الحرية للمرأة وبشكل كبير لكن ضمن الأصول
- ان ضد ان تضرب المراة او تهان من قبل اي شخص كان سواء من افراد عائلتها
او زوجها مثلا
أكيد لأنو المرأة مثلها مثلي فلماذا الضرب
6- يعني خلاصة حكيي أنا مع الحرية للفتاة لكن ضمن الأصول ومع أن يحب الشب والبنت وأن يعلنوا الحب ويلتقوا في اماكن عامة وأنا ضد كل تخلف يحرم على المرأة أحد حقوقها هذا رأيي ولكل منا رأيه

موضوع حلو ورائع والصراحة الدنيا ما خربت غير من لما طلعوا بشي اسمو حقوق المراة مع العلم انو ما في ديانة او اي منطق بيحفظ كرامة المراة متل الاسلام بعدين يا استاذ نضال وقت رب العالمين بدو يحاسبك ما بقلك يلا انت شب ما بين عليك الغلط وفوت عالجنة وما بقول للبنت انتي بين عليكي ادخلي عالنار ومشكور اخونا محمد

مشكورين كتير على ردودكن و اثراءكن للموضوع و خاصة القيصر و فوفو