السنة والإجماع على "حرمة الموسيقى" حتى في الاناشيد

اعذروني يا جماعة انا راقبت الموضوع كتير بس ما عاد فيني اضل ساكتة وحابة ادخل عالخط واعطي رأيي

(( ليكونن أقوام من أمتي يستحلون الحر والحرير والخمر والمعازف ))

والمعازف هي: آلات اللهو التي يعزف بها كالعود والمزمار والطبل والطنبور والشبابة والصنوج وغيره

اول شغلة الحديث كتيييييير واضح

يا ميمو حضرتك قلتي هي متغيرات العصر بس انا بخالفك الرأي بأمور الدين وكلام ربنا

ما فينا نتهاون أبداً ونقول هي متغيرات العصر

وبعدين في ثوابت بالدين وخلص بدون نقاش يعني لو عحكيك متغيرات العصر معناها انا فيني

مثلاً احج وانا ببيتي بحط الكعبة مباشر عالانترنت او التلفزيون وبعمل حج وعمرة كمااان

استمراء الناس لاستماع هالاغاني يلي عميسموها اناشيد ما بيعني انو صارت حلااال

ولازم ندافع عنها ..

يعني كيف ضميري راح يكون مرتاح وان عمبسمع اغنية دينية المفروض تكون بتقربني من ربنا

بس الواقع انو هيي ما بترضي الله وعمتبعدني عنو لانو عمخالف امرو بالاستماع الها

ولو مبررنا انو عمنسمعا لنتقرب من ربنا اكيد ترك هالاغاني حيقربنا من الله اكتر ويخليه يرضى علينا كمان لانو ما

بدو ياها ونحن تركناها لوجهه

و كوني حذرة رجااااء يا اختي ميمو انتي عمتدافعي عن شي واضح تحريمو شرعاً

واجتمع الائمة على حرمته ديري بالك عهالنقطة

وبالنسبة لكلام اخ فارس انو ما بينطبق عهالزمن انا بشوف انو هو ما جاب شي من عندو

وانما كلو من كلام ربنا وسنة نبيه والدين بينطبق على كل زمن بس نحن يلي ما عمنعرف نطبقوا

واكيد يا اختي ما في بهالزمن متل الرسول عليه الصلاة والسلام بس في احاديث نبينا يلي تركلنا

اياها وللناس يلي بعدنا كمان وهو قدوتنا ولازم نمشي عخطاه

لانو حبيبنا ومعلمنا واكيد لو كان عليه الصلاة والسلام يننا ما كان راضي ابداً عن هالموضوع

اللهم صل ّ على سيدنا محمد وعلى آله وصحبه وسلم

ان شالله يا رب تتقبلي رأيي أختي الله يهدينا جميعاً يا رب

وإن شالله بكون رمضان فرصة النا جميعاً لنبدا بالتخلي عن هيك مخالفات

الله يجزيك الخير أخي فارس عالموضوع ويجعلو بميزان حسناتك