لمن يريد ان يغير اسم عضويته بالمنتدى ((الأحوال المدنية )) ^^

تذكير بمساهمة فاتح الموضوع :

شويه مصطلحات فلسطينية قح يعني غزاويه ع مجدلاويه ع حماميه ع نابلسية

بنكيت = الرصيف في الشارع

البيارة = المزرعة

شمينت = نوع من انواع اللبن مفردة من مخلفات العدو الصهيوني

ككسة = كيكة

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = طبيخ مرات وهي عجين بنحشي لحمة أو كفتة مفرومة وبنطبخ مع اللبن

بشكير = منشفة اللي بنشف فيها وجهنا على الصبح

فرشة = معناتها فراش بس احنا بندلعها فرشة هههههههههه

ابطيني = يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز (بابور
الكاز) عليوة هههه

مخدة = وسادة

زرفيل = قفل الباب

اقلط الشارع = اقطع الشارع

عشرطعش = يقصد فيها الكثرة من الشئ

تخت = سرير

رمزون = إشارة مرور ضوئية

كلنس = محارم

سطل = جردل = دلو

هواية = مروحة

نونة = يعني شوي

نتفة = اقل من شوية هههههههه

ونجك حالك = يعني زبط حالك

روق يا ضاوي = يعني وحد الله يا مجنون ههههههههههه

على بلاطة = يعني من الآخر

كوشي = يعني اسود

شكشوكه = (اكله ) بندوره وبيض

بابوج = شبشب

معصلج = مزرجن = مش راضي أو بمعنى آخر راكب راسه

مقلمة = علبة الأقلام اللي بكون شايلها الطالب تاع المدرسة

فورسة = فسحة اللي في نص الحصص في المدرسة

كنتين = كافتيريا المدرسة

صف = فصل المدرسة

الدالية = هي شجرة العنب
يقال تعال نقعد تحت الداليه بمعني هيا بنا نجلس تحت شجرة العنب

الزغيرة = الزغنونة = صغيرة

جمطة = يعنى ما بتنبلع = ما تنزل من زور

طشه = يعني فسحة او طلعة علي البر او علي البحر
اجنص = لنج =جديد

مواسرجي = السباك ... الرجل الذي يقوم بتصلح المجاري

حنفية = صنبور= مصورة

مية متلجة = مياة مثلجة

ورا الدار = خلف البيت

قاع الدار = الجزء الامامي للدار

قزاز = زجاج

سيرج = زيت الذرة او زيت عباد الشمس

سقاطة = حصالة

قداحة = ولاعة

بربيج = خرطوم المياة

لنش = سفينه صيد اسماك كبير

حسكة = سفينة صيد صغيرة

شياطة = الاداة المستخدمة في التزحلق على امواج البحر

زمور = منبه السيارة

منقرز = محتاج الى سيجارة

مخرمن = محتاج شاي او قهوة ههههه

شخبطة = خرابيش الجاج

شقلب وجهك عني= يعني ما بدي اشوف خلقتك

سبهللة = يعني بدون مسؤولية

افتح مخك وطقطق دنيك = ركز معي الله لايسيئك

تلقحيه = واحد رامي حالو علينا

دكانة = سوبر ماركت

نتخرف = ندردش مع بعض

ام العبد و ابو العبد = اسم فلسطيني قح

قح = عالاخر

فرم الشاب = طحنه = خلاه زي الطحينه

فعص في بطن الشاب = خبط في بطنه هلكه

جلدة راسه خميله = عبيط او بفهمش بسرعه

بدكاش = ما بدك

شاكوش = مطرقة

فطبول = كرة قدم

طقية = قبعة

قرفان = واحد مش طايق حالو بالمرة

سك عالدم = يعني انسى ومش فايقلك

برقان = برتقال بس الواحد بيكون مستعجل

بوزك = وجهك

زير = الاناء المصنوع من الفخار يوضع في الماء

قشاط = اللى بيكون على البنطلون

طنجره = بالمصرى حله هاى اللى بيكون فيها الطبيخ اسمها طنجره

الحين = الان بس احنا النا بعد تانى عن الحياه ( حمامي) ههههه

حبيبى يا حج = حبيبى يا قلق = حبيبى يا لوز = حبيبى يا حوت

شقفه = حته قطعه

يع = يعنى قرفان من اشى

اوعى تتزحلق = يعنى تندب دير بالك فى صابون على البلاط

الخوصة = السكين

شرشف = ملاية

جربان = شراب ( في الرجل بلبسوه )

شاف = اللي بيحطو فيه الميّة

ليدن = علكة

احلقلو = طنشو = ماتعبرهوش

ترللي = مهوي = اهبل

يجاكر = يعاند

زبدية = صحن من الفخار لعمل الدقة الغزاوية

ورق دوالي: ورق عنب

قمباز = لباس فلسطيني يلبسه الختارية

سجرة = شجرة

اسكومية = يعني ايس كريم هههههههه ( الدلع )

الفرشوحه = يعني سندويش الشاورما بالغزاوي القح

ريحة : يعني عطر

قصافة = يعني مقص أظافر

هلأ = الان = هسا = الحين بالفلاحي

مستهلسكو = يعني مش معبركو

مطعوج = من الفعل انطعج

والمصدر تاعو انطعاج وهو الشء المعوج

فشكة = بيت الرصاصة الفارغه...

ازعق عليه = نادي عليه

ضلك كاوي = ضلك ماشي على طول (نفس الطريق )

يختي = اسلوب نداء للمؤنث

يخو= اسلوب نداء للمذكر

بعكش = فتش = ابحث = دور

بسكليت = يعني دراجة

بنكش راس= بمزح

أنطي = معلمه =أبلة

عرسة= فأر كبير يععععععععع هههههه

مشرف سابق المشاركات : 5259

هههههههههههه
والله يامنال زي زيك
لانو في جداد
بس انا قلت يعني الي من غزة باعرفهم اما الي من الضفة مش كلهم
عادت انتي العكس
ههههه

شو اول مرة عنجد ماتسمعش فيهم
ههههههههه
حلوة هاي
بعدين تنساش انو شام احنا
يعني في مصطلحات قريبة من بعضها

مشرف سابق المشاركات : 9254

هههههههههههههههه

خلص انا بحكيلك اللي بعرفوا ومشهور عنا بالضفة
وانت احكي يلي بتعرفيه ومشهور عندكم في غزة

كلهم بعرفهم باستثناء:بنكيت
زرفيل
اقلط الشارع
الفرشوحية
كنتين
عرسة
بس هدول اول مرة اسمع فيهم
وانت ايش ما كنتي تعرفيه؟؟؟؟؟

جمطة باعرفها جكمة
حسكة
شياطة
ضلك كاوي

الخوصة
معقولة بتعرفيش العرسة
هاد يابنتي الفار الكبير
الي كنت دايما العب انا وهو
بس هو كان يسبقني

ههههههههه

لا اول مرة اعرف ان اسمها عرسة
اكيد انت اللي كنت تخليه يسبقك
مشكورة على التوضيح

اخخخخخخخخخ

قديش كنا نلعب مع بعض
كانت ايام
وماعشنا غير الذكرى تعتها

صدقي بالله يامنال
ماكان يرضى ينام مع حد غيري هالفار
هههههههههههه

ههههههههههههه

يا عيني
يا هيك الدلال يا بلى
هو لسه عايش ولا ايه
احكيلنا قصته

هههههههههههههه

الله يسامحك يامنال خلتيني اعيط بدل الدموع دم

ذكرتيني بايام جلسات السطع معه يالله شو كان نقور بالغراض قصدي ندرش
هههههههههههه
ولا لما يشوف العرسة تعته

يقلي
ياسو عن اذنك حبيتي بدي اروح اشوف البلوة وارجعلك

كنت اطعميه احسن انواع الجبن

احيانا اكل معه
شويه مصطلحات فلسطينية - صفحة 2 Icon_biggrin

اخخخخخخخخخخخخخخخ

يا عيني
قصة مؤثرة
بتعرفي انه قصتك تنفع تصير فيلم رومانسي
اسمه عرسة ياسو
او فلم اكشن
اسمه
امممممممممممم
ياسو والعرسة
ولا شو رأيك

هههههههههههه
الله يسامحك
هي جزاتي اني بافضفضلك همومي

يختي نهاية الفراق كانت

اصلا جننا الاهل

والاهل حطو سم بالاكل

انا رحت على المستشفى وهو راح على المقبرة

قصة محزنة

بس شو بدنا نسوي
هيك الاشياء الحلوة في حياتنا بتروح بسرعة

ههههههههههههههههه

شايفة سبحان الله كل مااتعلق بفار اهلي بقتلوه
ههههههههههههه

اها

شكرا ياسو

بس في منها ما عرفته

هه

يا الله شو حلو الموضوع
والله حلوة ايام ياسو
وينها اشتئتلها
امممممممممم

اها

جد اشتئنالها

يارب ترجع بالسلامه

هه

يا رب

الله يوفئها

آمين

الله يسمع منك

ان شاء الله
شوشو ما بدك تجيبي مصطلحات اردنية
ههه

هه

ليش يختي

انا ما بحكي اردني والله

و كمان انا .......... ولا بلاش

مو نائصني

ههه

بس ادور عليهم وافهمهم بجيبلكم اياهم

هه

ههههه الحمدلله فلسطينيه والنعم . هيدول شويه ههههه والله يما انهم كتار ههه:D يسلمو عالموضوع

يسلمو عالموضوع الحلو

» شوية مصطلحات فلسطينية الجزء ((2))
» شويه نكت جااااااااامده
» مصطلحات شريبة المتة
» مواقع فلسطينية
» امثال فلسطينية