لمن يريد ان يغير اسم عضويته بالمنتدى ((الأحوال المدنية )) ^^

شويه مصطلحات فلسطينية قح يعني غزاويه ع مجدلاويه ع حماميه ع نابلسية

بنكيت = الرصيف في الشارع

البيارة = المزرعة

شمينت = نوع من انواع اللبن مفردة من مخلفات العدو الصهيوني

ككسة = كيكة

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = طبيخ مرات وهي عجين بنحشي لحمة أو كفتة مفرومة وبنطبخ مع اللبن

بشكير = منشفة اللي بنشف فيها وجهنا على الصبح

فرشة = معناتها فراش بس احنا بندلعها فرشة هههههههههه

ابطيني = يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز (بابور
الكاز) عليوة هههه

مخدة = وسادة

زرفيل = قفل الباب

اقلط الشارع = اقطع الشارع

عشرطعش = يقصد فيها الكثرة من الشئ

تخت = سرير

رمزون = إشارة مرور ضوئية

كلنس = محارم

سطل = جردل = دلو

هواية = مروحة

نونة = يعني شوي

نتفة = اقل من شوية هههههههه

ونجك حالك = يعني زبط حالك

روق يا ضاوي = يعني وحد الله يا مجنون ههههههههههه

على بلاطة = يعني من الآخر

كوشي = يعني اسود

شكشوكه = (اكله ) بندوره وبيض

بابوج = شبشب

معصلج = مزرجن = مش راضي أو بمعنى آخر راكب راسه

مقلمة = علبة الأقلام اللي بكون شايلها الطالب تاع المدرسة

فورسة = فسحة اللي في نص الحصص في المدرسة

كنتين = كافتيريا المدرسة

صف = فصل المدرسة

الدالية = هي شجرة العنب
يقال تعال نقعد تحت الداليه بمعني هيا بنا نجلس تحت شجرة العنب

الزغيرة = الزغنونة = صغيرة

جمطة = يعنى ما بتنبلع = ما تنزل من زور

طشه = يعني فسحة او طلعة علي البر او علي البحر
اجنص = لنج =جديد

مواسرجي = السباك ... الرجل الذي يقوم بتصلح المجاري

حنفية = صنبور= مصورة

مية متلجة = مياة مثلجة

ورا الدار = خلف البيت

قاع الدار = الجزء الامامي للدار

قزاز = زجاج

سيرج = زيت الذرة او زيت عباد الشمس

سقاطة = حصالة

قداحة = ولاعة

بربيج = خرطوم المياة

لنش = سفينه صيد اسماك كبير

حسكة = سفينة صيد صغيرة

شياطة = الاداة المستخدمة في التزحلق على امواج البحر

زمور = منبه السيارة

منقرز = محتاج الى سيجارة

مخرمن = محتاج شاي او قهوة ههههه

شخبطة = خرابيش الجاج

شقلب وجهك عني= يعني ما بدي اشوف خلقتك

سبهللة = يعني بدون مسؤولية

افتح مخك وطقطق دنيك = ركز معي الله لايسيئك

تلقحيه = واحد رامي حالو علينا

دكانة = سوبر ماركت

نتخرف = ندردش مع بعض

ام العبد و ابو العبد = اسم فلسطيني قح

قح = عالاخر

فرم الشاب = طحنه = خلاه زي الطحينه

فعص في بطن الشاب = خبط في بطنه هلكه

جلدة راسه خميله = عبيط او بفهمش بسرعه

بدكاش = ما بدك

شاكوش = مطرقة

فطبول = كرة قدم

طقية = قبعة

قرفان = واحد مش طايق حالو بالمرة

سك عالدم = يعني انسى ومش فايقلك

برقان = برتقال بس الواحد بيكون مستعجل

بوزك = وجهك

زير = الاناء المصنوع من الفخار يوضع في الماء

قشاط = اللى بيكون على البنطلون

طنجره = بالمصرى حله هاى اللى بيكون فيها الطبيخ اسمها طنجره

الحين = الان بس احنا النا بعد تانى عن الحياه ( حمامي) ههههه

حبيبى يا حج = حبيبى يا قلق = حبيبى يا لوز = حبيبى يا حوت

شقفه = حته قطعه

يع = يعنى قرفان من اشى

اوعى تتزحلق = يعنى تندب دير بالك فى صابون على البلاط

الخوصة = السكين

شرشف = ملاية

جربان = شراب ( في الرجل بلبسوه )

شاف = اللي بيحطو فيه الميّة

ليدن = علكة

احلقلو = طنشو = ماتعبرهوش

ترللي = مهوي = اهبل

يجاكر = يعاند

زبدية = صحن من الفخار لعمل الدقة الغزاوية

ورق دوالي: ورق عنب

قمباز = لباس فلسطيني يلبسه الختارية

سجرة = شجرة

اسكومية = يعني ايس كريم هههههههه ( الدلع )

الفرشوحه = يعني سندويش الشاورما بالغزاوي القح

ريحة : يعني عطر

قصافة = يعني مقص أظافر

هلأ = الان = هسا = الحين بالفلاحي

مستهلسكو = يعني مش معبركو

مطعوج = من الفعل انطعج

والمصدر تاعو انطعاج وهو الشء المعوج

فشكة = بيت الرصاصة الفارغه...

ازعق عليه = نادي عليه

ضلك كاوي = ضلك ماشي على طول (نفس الطريق )

يختي = اسلوب نداء للمؤنث

يخو= اسلوب نداء للمذكر

بعكش = فتش = ابحث = دور

بسكليت = يعني دراجة

بنكش راس= بمزح

أنطي = معلمه =أبلة

عرسة= فأر كبير يععععععععع هههههه

والله بدى سبع برامج ترجمي ارجو من الاخ ابو عبدو تأمين البرامج هاهااهاهاهاهاهاها

مشكورة ياسوووووووووووو بس والله صعبات كتير كتير

لعيونك ابو صالح حمل من هنا اخي الكريم

مشكوووووور ياسوووووووووو على المعلومات بس منعرفون

MARWAN1985 كتب:: والله بدى سبع برامج ترجمي ارجو من الاخ ابو عبدو تأمين البرامج هاهااهاهاهاهاهاها

مشكورة ياسوووووووووووو بس والله صعبات كتير كتير

ههههههههههههههه

والله انكوا لادعين

هاد الحق عليا بدي اعلمكوا كيف تحكوا فلسطيني

لا ياسو حلبي بكفي على كل حال

مشكوووووووووووووووووووووور اختي

king -2009 كتب:: لعيونك ابو صالح حمل من هنا اخي الكريم

مشكوووووور ياسوووووووووو على المعلومات بس منعرفون

لا بجد واحد بقول صعبين واحد بقول بنعرفهن

مشكورين على المرور المشقلب

الاسمر كتب:: لا ياسو حلبي بكفي على كل حال

مشكوووووووووووووووووووووور اختي

هو مكتوب اللهجات العريبة مو السورية ولا الحلبية

بعدين تعلموا شو وراكوا

هههههههههههههههههههههههههههههههههههههههههههههههههه هه
ههههههههههههههههههههههه
حلوين كتير ها المصطلحات بس شلون تقولونهم مادري
لان غريبين شوي هههههههههه

مشكورة خيوتي ياسو على الموضوع الرائع

ههههههههههههههههه

يعني ماشاء الله على اللهجة الحلبية والله مابافهم الطسة من اللصة

احسن لانو اذا فهمتي اكيد بدك تفهمي شو يعني حول من الى حول

على كل الاحوال مشكوووووووورة كتر كتر كتر جدجدجد

ههههههههههههههه

مشكورة ياسو
قريت المصطلحات وعرفت انك لحد هالوقت عمتدرسي اللغة الفلسطينية
ههههههه

ههههههه

والله ضحكتني ابو جملو

اميرالشهباء كتب:: مشكورة ياسو
قريت المصطلحات وعرفت انك لحد هالوقت عمتدرسي اللغة الفلسطينية
ههههههه

الله يخليك
هو في مصطلحات مرت علي ولاول مرة
بتكون نابلسية مو غزاوية يعني

وهينا بنتعلم

لسع بدك تتعلمي اللغة بتاعتكن ايه توفقنا لكان

بس ديري بالك لتتعلمي اللغة الحلبية لانو اذا تعلمتية ليش بدك تتعلمي

اذا بدك تتعلمي بدك 1000 سنة بتعرفي ليش لانووو

لغتنا تاني لغة بعد اللغة الصينية

ياعمي والنعم

والله

وانا الي خاطر اتعلم كل اللغات واللهجات
واسير ولا عنتر زماني
هههههههههههههه

مشكوووووووووورة على مرورك

ههههههههه نورتي الموضوع

شو هاد سار الك كمان

‏ ‏

اغلبهم موجوده باللهجه السورية ياسو
بس برضو في جداد
وبضل للهجة فلسطين طعم خاص لولا أهلها يلي اتخلو عن ارضهم

مع احترامي لأهل غزة الابية
شكرا اختي

fareslove كتب:: ‏ ‏

اغلبهم موجوده باللهجه السورية ياسو
بس برضو في جداد
وبضل للهجة فلسطين طعم خاص لولا أهلها يلي اتخلو عن ارضهم

مع احترامي لأهل غزة الابية
شكرا اختي

يعني في جداد طب كويس
في عنكوا العرسة
ههههههههههههههه
منور الصفحة

لا فش عندنا اول مرة بسمعها ههههههههه

هههههههههههههه

كويس

تعلم مني

هههههههههههههههههه

والله احلى لغة
ايش هاد يا سوسو من وين جايباهم
في بعض الكلمات اول مرة اسمعهم في حياتي
؟؟؟؟؟؟؟؟؟؟؟
ليكون انا مو فلسطينية
معقولة هذه

في مفردات موجودة باللهجة السورية وفي مفردات ما فهمتش منها أي شي لأني أول مرة بسمعيش فيها

هههههههههههه
والله يامنال زي زيك
لانو في جداد
بس انا قلت يعني الي من غزة باعرفهم اما الي من الضفة مش كلهم
عادت انتي العكس
ههههه

شو اول مرة عنجد ماتسمعش فيهم
ههههههههه
حلوة هاي
بعدين تنساش انو شام احنا
يعني في مصطلحات قريبة من بعضها

هههههههههههههههه

خلص انا بحكيلك اللي بعرفوا ومشهور عنا بالضفة
وانت احكي يلي بتعرفيه ومشهور عندكم في غزة

كلهم بعرفهم باستثناء:بنكيت
زرفيل
اقلط الشارع
الفرشوحية
كنتين
عرسة
بس هدول اول مرة اسمع فيهم
وانت ايش ما كنتي تعرفيه؟؟؟؟؟

» شوية مصطلحات فلسطينية الجزء ((2))
» شويه نكت جااااااااامده
» مصطلحات شريبة المتة
» مواقع فلسطينية
» امثال فلسطينية