لمن يريد ان يغير اسم عضويته بالمنتدى ((الأحوال المدنية )) ^^

تذكير بمساهمة فاتح الموضوع :

بداية الكلام تحية الاسلام

شخصيات موجودة بكل عيلة

في كل عيلة توجد مثل هذه الشخصيات اللتي
تضفي على الجلسات ألوان معينة

.شوفوها :

الشخص الخفيف الدم اللي بيسلي القعدة

و عادة بيكون لسانه زفر شوي و مسموح له يحكي شو ما بده

طول ما هو عم بيضحك بالبشر

و هو اللي خالد لما يخطب لميا بيحكيلها عنه

لو تشوفي ابن عمي زياد نهفة بموتك ضحك

و بيجي زياد عالقعدة نافخ ريشه لانه عرفان شو بينحكى وراه

و شو ما حكي زياد الكل بيضحك

حتى لو قال صباح الخير

نمامة العيلة

و هاي عادة بتكون زوجة احد الاعمام او اولاد الاعمام

ما بعرف ليش ما تسالوني

هاي اللي عندها الاخبار دايما

و اخبارها لازم تشيل نصها و تصدق نص اللي شلته مشان توصل للحقيقة
بتبهر و بتفلفل على كيفها و بتضيف من عندها
بيحبوها النسوان و بيكرهوها و بنفس الوقت بخافوا منها

بتحس هيي بأهميتها لما حدا يسألها شو الاخبار

و بتفرد حالها و بتبلش تذيع و بالاخر بتقولك بالله ما تجيبي سيرة اني قلت لك انا شو دخلني ,بتعرفيني :بمشي الحيط الحيط و بقول يا رب السترة

غني العيلة

كل عيلة فيها واحد بيكون اغنى من الكل

و بكل عيلة بتكون مرته مركز نظر النساوين شو لبست ووين راحت و شو عملت

و بتكون نمامة العيلة متل الدنب الها مشان تجيبلهم الخبر اليقين

بتحكي من طرف مناخيرها

و بتقعد عطرف الكرسي كانها قرفانة

و اذا بتضيفها شي يا بترفضه يا بتاخده بس ما بتاكله ع اساس انها شبعانة ببيتها

كلامها و احاديثها لا تتعدى شو عملت الفلبينية

و كيف تقاتلت مع السيرلنكية

و اديش الشوفير منشف دمها

يعني كمان شوي بتحزن عليها

كبير العيلة

و هذا اللي بدك تسد بوزك و تسمعه و هو بيعيد القصة مرة ورا مرة ورا مرة ورا مرة

بيحكيلك قصص ايام الحصيدة و الثلجة الكبيرة

و لما كان بالجيش

نص قصصه كذب بكذب او مبالغ فيها

((بقولو ما اكذب من شاب تغرب الا ختيار ماتت أجياله))

كان رح يشتري نص البلد

وفندق ومطعم إنعرض عليه بالف ليرة

لما كان كيلو اللحمة بعشرين قرش
ووو وخليها لربك

دكتور العيلة

و هذا المسكين اللي ما بيتهنى بقعدة

بس يوصل لمحل بيلتموا عليه و يا امي خواصري عم يوجعوني

و شوف يابا مبارح و انا لما ...(و بيصير يوشوشو)

و اللي بتنادي ابنها تعال ورجي الدكتور حلقك

هاتي معلقة يا غدير خليه يشوف زلاعيم اخوكي

و اللي بيعرض عليه روشتات دكاترة تانية

و اللي بيجيب له صور اشعة

و االلي بقولوا شوفلي ضغطي)طبعا كل القاعدين بفحصوا ضغطهم بعده)

و كل حياته بتكون هيك بغض النظر ان كانت زيارة او عرس او حفلة

طبعا هو ما بيقصر

و ممكن يصير يقولك مين الحمار الي اعطاك هذا الدوا ارميه و بيكتبلك غيره

متغرب العيلة

كل عيلة فيها على الاقل واحد بالخليج

بيجي بالصيف و الكل بيكون يستنى الهدايا

لما يوصل بيلاقي الكل متجمع و الكل بيسلم عليه

و بتكون امه عامليتله ورق عنب و كبة

و شباب العيلة بينلموا و اشتقنالك يا ابو الزوز

و شوفلنا شغل معاك و الله اخوك ما لاقي ياكل

كانه المسكين صاحب شركة هنيك

طبعا الخرط بيشتغل من طرفه

و بيحكيلك عن سيارته البورش و بيته الفيلا و بيكون عايش مع تلاته بغرفة

بعد يومين بتلاقيه قاعد عالبلكونة بالشيال

لحاله بيشرب شاي

ولا حدا سائل فيه

و امه بالمطبخ عم تعمل مجدرة

عزابي العيلة

او الدون جوان النسونجي

بيكون حليوة نسبيا طبعا

و بس يزور حدا من القرايب عندهم بنات بينضبوا

و بيصيروا يبصبصوا عليه من بعيد و بتشتغل المسجات

هدا بيكون عنده شوية غرور على شوية عجرفة

بيقعد و بيحط رجل على رجل و عادة بيصير عمره فوق الاربعين و ما بيتجوز

وبكل قعدة بيحكي عن غرامياته و بيتجمعوا حواليه شباب العيلة

و بيصير يفرجيهم صور و مسجات

شقفة العيلة احلى بنت بالعيلة

بتكون محط انظار اولاد العم و الخال بس هيه نظرها بعيد شوي

بتمشي يا ارض اشتدي ما عليكي قدي

و بتقعد مع نساوين العيلة حتى يصيروا يمدحوا جمالها

كمان متل دون جوان العيلة ما بعجبها العجب و بتطوّل لتتجوز

اذا تجوزت اصلا

ما بتكون صحبة مع بنات العيلة و بتلاقيها دايما في الاعراس بتتلقط عريس من بعيد

من مبدأ نفسي فيه و تفو عليه

كمبيوترجي العيلة

هذا طبعا بعد طفرة الكمبيوتر صار له اهمية كبيرة

بالاول كان الفاشل التافه اللي ما بيعرف شي

وضعه متل دكتور العيلة

و بتقول امه بكل خيلاء

بس يجي علاء بيزبطلك الكومبيوتر

و الله ما في اشطر منه

و بيجي علاء المسكين

شوف كمبيوتر ابن خالتك اللعبة ما عم تشتغل

و بيجي حمودة و بيقعد يتفرج على علاء

مثله الاعلى بالحياة و هو بيشغّل الكومبيوتر

و ينبهر حموده

و بيفهمه علاء انه مشان تقدر تلعب اللعبة لازم بالاول تشغّل الكومبيوتر

طفل العيلة الموهوب

هذا اللي بكل لمة بنادوه يغني

تعال عبود انشد لعمو اغنية (يا طيبة) لو تشوفو كيف بينشدها

وطبعا في نوعين من عبود في عبود اللي ما بيستحي

و بتلاقيه قرفك وهو بيعيد الاغنية

و امه فرحانه فية و كل شوي بتقول ما شاء الله

كأنه ما حدا خلّف غيرها

او النوع اللي بتطلع روحك و امه بتقنعه يغني

و ياللا فرجي عمو اديش انت شاطر

و بتصير انت بدك تخلص

بتقوله غني حبيبي بعطيك شوكولاتة

و بيكون بجيبتك شوكولاتة مفعسة من عرس قديم

بتفرجيه اياها كنوع من الاغراء

و في حالة كان دكتور العيله قاعد بيجي التهديد المباشر

اذا ما بتغني الدكتور بيضربك ابرة

انا قتنعت بتلتين الحكي مابعرف عندكم هيك

مما وصلني على الايميل

استودعكم بمثل مابدأت

مشرف سابق المشاركات : 9448

MARWAN1985 كتب:

سينشي كتب:: ههه
يسلمو مروان

الله يسلمك ويحفظك يارب اختي

والله صح كلامك
بالغالب موجودين

ماشاء الله تقريبا الكل موافق على الموضوع اوك اختي احصائيات حلوة ههههه

شكرا على المرور الكريم

هه

شكرا الك
وانت كمان يارب

اهاااا
تئريبا موجودين
بس نحنا الحمد لله ما عنا عيله
ههه
كل واحد بحاله
ههه

العفو
ولو واجبنا
يسلمو مرة تانيه

مشرف سابق المشاركات : 10095

اهلين اختي منورة بس شي الملفت للنظر

انو تقولي الحمد لله ماعنا عائلة

حسبي الله ونعم الوكيل على هل زمن

ان شاء الله خير

ههههههه
يسلموا مروان عنجد كل هالشخصيات موجود بالعيلة

اها صح ميمي
بس انت اي وحده منهم؟؟
ههه

والله يا أخي مروان طارق وإنت وكل رفقاتي يمكن يسبقوني لأنو أنا شخص فاقد الثقة بالبنات هيك شفت بهالدنيا عكتر ماشفت كرهت الجنس هاد كلو
هههههه

meme كتب:: ههههههه
يسلموا مروان عنجد كل هالشخصيات موجود بالعيلة

الله يسلمك اختي وشكرا على رأيك وشكرا على المرور

سينشي كتب:: اها صح ميمي
بس انت اي وحده منهم؟؟
ههه

مابعرف ماجاوبت

بس قتبست لانو ردت احكي كلمة

بنسبة لتوقيعك وتوقيع ميمي بتعملو قناة سبيستو مثلا هههههههه

[quote="orhan"]والله يا أخي مروان طارق وإنت وكل رفقاتي يمكن يسبقوني لأنو أنا شخص فاقد الثقة بالبنات هيك شفت بهالدنيا عكتر ماشفت كرهت الجنس هاد كلو
ههههههed]ههههههههههههه اخي مو لهل درجة شو عم تتبعلي نت وحكي فاضي نت كلو حكي جرايد اذا انا عم احكي معك قلي كذاب

طبعا مو بناحيت الصداقة لانو مالي مصلحة عندك بس بين البنت والشب على نت بس دخل لحب شتغل لكذب

شكرا على المرور عيوني وان شاء الله بشوفك عريس وبنصب دبكة للصبح بس طارق جنة الاطفال بيوتهم هههههههههه

/quote]

ههه
اي مروان
انا عملتلها اياه
ههه
ما عجبك؟؟
نحنا بنحب الرسوم
شو نعمل مثلا؟؟
ههه

سينشي كتب:: ههه
اي مروان
انا عملتلها اياه

اه وفرحانة على حالك انو عملتيه ههههه

ههه
ما عجبك؟؟

لا كيف ماعجبني بخاف قول ماعجبني تصيري غرندايزر على حظي

نحنا بنحب الرسوم
شو نعمل مثلا؟؟

هههههههههه عملو شاي وعزمونا ههههه اي حبيهم مين ماسكك هههههههههه

ههه

ههه
اها طبعا مكيفه على حالي
ههه
امم ما بحب الشاي بالمره
ههه

اه لحمد لله

بعدين مين قلك انك رح تشرب قلت عملي شاي مو شربي شاي هههههه

هههههه
شخصيات روعة
يسلموو عمو

هلا اختي منورة

ههه
مهو الشي الي ما بحبه ما بعمله
ههه

بله شوووووووووو

اي واكيد مارح تحب شي نهائيا من اجل ماتنحفي شوي

» شخصيات موجودة بكل عيلة ((وعندكن شو ))
» شخصيات موجودة في كل عائلة
» مصاصو الدماء حقيقة موجودة منذ الأزل !!!!!
» شخصيات البنات من شهر الميلاد
» شخصيات الشباب من اشهر الميلاد