القاموس الشامي الجديد / تحديث لمفردات القاموس الشامي ومع أنه بسيط إلا أننا أضفنا في شهر أكثر مما يضيفه "المورد" في سنة

>>· شاضومة
>>
>>تعبير مؤنث لا مذكر له يفيد كون المرأة غير مرتبة وليست من الأكابر وتحب
>>الكلام غير المنمق وكثرته
>>
>>· شرنه
>>
>>(إنظر الشرح في تفسير مصطلح شاضومه )
>>
>>
>>
>>· ملحو على ديلو
>>
>>يعني لا يقيم وزناً للعشرة والخبز والملح
>>
>>· يلي ببلي بالك
>>
>>كناية عن أمر يتعذر ذكره
>>
>>· معصمص
>>
>>نحيل بارز العظام صغيرها
>>
>>· يا إيدكم!
>>
>>تعبير عن الهرب من شيء ما بسرعة
>>
>>· زمق
>>
>>أي هرب ببراعة وحذق، وزمط شرحو
>>
>>· سرّي مرّي
>>
>>أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها
>>(خدني جيتك) و(كيلي ميلي)
>>
>>· حط بالخرج
>>
>>أي لا تعبأ بما يقال
>>
>>· على قفا مين يشيل
>>
>>كناية عن كثرة الشيء وشيوعه و(قابر القنى) مثلها
>>
>>· مأنّيََف
>>
>>يعني لا يعجبه العجب ولا الصيام برجب
>>
>>· فش نيعو
>>
>>يعني انتقم منه شر انتقام وهي بالحلبي: يفشر حنكو
>>
>>· أزّت نفسو
>>
>>أي نفر من الشيء نفوراً كأنه رأى صرصوراً
>>
>>· جفص
>>
>>صفة للجلف غليظ الروح
>>
>>· حنتر
>>
>>أي "تيّس" و"بوزم" في الوقت نفسه
>>
>>· طلع من عيونو عامص
>>
>>يعني دفع ثمناً غالياً وندم على ما نال
>>
>>· كل طلقة براحة
>>
>>أي يقوم بالشيء رويداً رويداً بين الفينة والأخرى
>>
>>· يلي بدو يموت يوصّيك بولادو
>>
>>ذم بصيغة المدح يعني أن المذكور غير أهل لحمل المسؤولية
>>
>>· على كراريت حلقو
>>
>>يعني مصاب بغثيان شديد وإقياء لا يستطيع كبحه لا بحلال ولا بحرام
>>
>>
>>
>>· لا تكرّك عليه
>>
>>يعني لا تلح عليه إصراراً
>>
>>· قلبه عميقول حق بق (كما قلنا أن القاف تقرأ ء)
>>
>>يعني أنه يريد أمراً بشدّة لكنه يضمره إضماراً ولا يظهره إظهاراً ( مشان ما
>>يزعل سيبويه)
>>
>>· لحم السير عالقبقاب وصاروا المبغضين صحاب
>>
>>مبينه وما بدها شرح
>>
>>· يلي بيجي منمدلّه فرشة ويلي ما بيجي منرتاح من وشه
>>
>>مثل نسائي بحت يفيد عدم الترحيب بأشخاص معينين ما عم يجوا أصلاً
>>
>>· شو هالتجرة
>>
>>يعني الأفندي ما عجبته هالحكاية كلها وحاسس إنو تعبو ذهب سدى أو أدراج الرياح
>>(كمان مشان سيبويه الله يرحموا)
>>
>>· وحياة خالقك ماني مفارقك
>>
>>تعبير يفيد غلاظة المتكلم وتغالظه على المتكلم عنه ويتبعه عادة: مومحبة فيك بس
>>بدي دايئك
>>
>>· العين الطرّاءة
>>
>>عبارة عن التمسخر على المتكلم عنه وأن لا شيء فيه بينحسد عليه
>>
>>· بيقطش وبيلحش
>>
>>يعني المهذار كثير الهفوات ومن يهرف بما لا يعرف ولسانه يسبق عقله
>>
>>· ولي على كسرتو
>>
>>تعبير يفيد التحسّر على شخص ما مع لومه على ما فعل (في تناقض، مهيك؟)
>>
>>· كـــــــن
>>
>>بكسر الكاف وتسكين النون يعني اهدأ أحسنلك
>>
>>· كروج
>>
>>يعني درمل، وبتعبير أفصح افرنقع من هنا، وادحال مثلها
>>
>>· فــز
>>
>>كمان بكسر الفاء يعني قوم (أوقف وانت بتكلمني)
>>
>>· جماش
>>
>>أي همجٌ رعاع مستجحشون
>>
>>· مصطهج
>>
>>يعني مسلطن، مكيّف، مبسوط أو كما قال سيبويه: منتشي
>>
>>· أفّّعت معو
>>
>>يعني حمل القشة التي قصمت ظهر البعير وبلغ السيل الذبى
>>
>>· مو نفعان لا للخل ولا للخردل
>>
>>يعني بلا فائدة تذكر، وأحياناً بقولو من نافع لألله بنافعة
>>
>>· لاطيلو
>>
>>يعني كمن له منتظراً ومنها المتل القائل: "قلّو لاطيلك قلّو صاحيلك" يعني هدول
>>تنين ناويين عالشر لبعض وكل واحد منتبه للتاني بس بدون كبريته ليشعلو
>>
>>· ادفشو وشوف ما أجحشو
>>
>>يعني بالإنكليزي: Fools rush in where angels fear to tread
>>
>>· ما فيه الوتكة
>>
>>يعني صاغ سليم خالي من العيوب وأحياناً يعني فاضي
>>
>>· ما معو نكله
>>
>>مفلّس وحالو عدم
>>
>>· أول باشتان.....ثاني باشتان
>>
>>طريقة النسوان في تعداد الأمور والأوامر والأسباب والمسببات
>>
>>· بظّت عيونو
>>
>>يعني جحظت العينان حتى كادت المقلتان تخرجان من محجريهما (على طريقة الجاحظ)
>>
>>· سك
>>
>>حقيبة تقليدية تصنع من قماش (مستعمل عادة) تستعمل للتسوق وخصوصاً من سوق
>>الجمعة
>>
>>· نازل عالمدينة (أو رايح عالشام)
>>
>>يعني رايح عالسوق التحتاني، i.e. going downtown
>>
>>· خسكار
>>
>>كمية من العمل المقرر ليوم واحد أو بضاعة معدّة للبيع ضمن اليوم
>>
>>· من دهنو سئّيلو
>>
>>تعبير يفيد الكحتنة والجرب وصرف النقود على الشخص أو الشيء بعد أخذها منه دون
>>التكلف عليه بقرش
>>
>>· ما صرلو بالقصر إلا مبارح العصر
>>
>>يعني أنه جديد على أمر ما وغرّ فيه وأحياناً تكون إشارة للنفاريش أي
>>باللاتينية nouveau riche
>>
>>· ولاد آدو
>>
>>يعني المشكلجية والعونطجية وولادين الحرام (يالطيف الله يبعدون عنا وعنكن أولو
>>آمين)
>>
>>· سبرتاكو
>>
>>القطعة الصغيرة التي تكون مسمّرة في كعب الكندرة النسائية من الأسفل (وبتطلع
>>عند أول لبسة بالكنادر الوطنية)
>>
>>· قراضة
>>
>>يعني نوع عاشر، شي تعبان بنوب (متل الكنادر المذكورة آنفاً والمسمّاة عند
>>البعض: بضاعة لا حول)
>>
>>· متمسح
>>
>>يعني واحد متبلد المشاعر والأحاسيس متل التمساح بفرد شكل (وبمعنى آخر: لا الحر
>>بحرّو ولا البرد بضرّو)
>>
>>· كل ما حدو بيت السلطان خيلهن بتمد الخنفسة رجلها
>>
>>مثل شعبي يقال كناية لمن يحب الاشتراك دوماً في أمور لا ناقة له فيها ولا جمل،
>>ولا فهم ولا علم له بها وهو يعتقد أن له ما للآخرين
>>
>>· اندفس
>>
>>أي: نام أحسنلك، انقبر
>>
>>· تكورت
>>
>>متل تدولق، فعل يفيد تناول الطعام، وتزهرم مثله أيضاً
>>
>>· من بيت شقاع لبيت رقاع (وهي تقرأ كالعادة: من بيت شآع لبيت رآع)
>>
>>تعبير نسواني عن المرأة الشطاطة النطاطة التي تنتقل من بيت لآخر ولو بالشحاطة
>>
>>· عم يحاسب القاضي
>>
>>أي يقوم بقضاء حاجته في بيت الخلاء
>>
>>· آرعو ونادبو وشــ*شــ*ي وأبو مخطة
>>
>>أي سوقة القوم والرعاع
>>
>>· يلي ببالك منو
>>
>>كناية عن أمر يتعذّر ذكره لأسباب عديدة
>>
>>· انطمز
>>
>>أي انزعج وبوزم وقلب خلقتو وما عاد يتحاكا
>>
>>· مطهمز
>>
>>أي مطأطأ أو مطأطئ الرأس
>>
>>· طمبرو (جديد جداً )
>>
>>أي خورفو وهي بالمعنى الحرفي ركبلو طمبر وفهمكم كفاية
>>
>>· شامم ريحه كرهه
>>
>>تطلق على المتكبر يلي رافع مخاره وقالب وجهه
>>
>>· آكل كم بحالو
>>
>>انظر تفسير شامم ريحه كرهه
>>
>>· خود منّي
>>
>>إنهاء للنقاش ودعوة الطرف الآخر للثقة بما يقول المتكلم دون نقاش.
>>
>>· دواليب الجنة
>>
>>مصطلح جديد للفلافل ومحاولة لرفع شأن هذه الأكلة الشعبية
>>
>>· عليّي ما عليّي
>>
>>قسم يريد به المتكلم أن يحلف بالطلاق ولكن سمع أنو هذا لا يجوز فبطلها واستعاض
>>عنها بهذه العبارة.
>>
>>· سم الكرّاتي
>>
>>تقال عندما يكثر الطرف الآخر من الأكل.
>>
>>· فجعان
>>
>>أي الحالوش أو الشره
>>
>>· مكولك
>>
>>أي اللألوء الذي يحب تمسيح الجوخ.
>>
>>· كعي في
>>
>>يعني كثير ألح وأصر عليه ولكن الطرف الآخر يرفض
>>
>>· طرفنده
>>
>>تعبير مؤنث يدل على أنه شيء جميل جداً ومميز
>>

>>· سبرتاكو
>>
>>القطعة الصغيرة التي تكون مسمّرة في كعب الكندرة النسائية من الأسفل (وبتطلع
>>عند أول لبسة بالكنادر الوطنية)

حلوة هاي ههههههههههههه
يسلمو ايديك مصطلحات لطيفة قريبة منا

إهااااااااااااااااا
يحرق حريشك يا رجل
هاهاهااههههههه

مشكور

هههههه



حلوووين كتير



شرنة وشاضومة احلى شي

ههههههههههه حلوين كتير مصطلحاتكم قريبة منا

سنبلة الخير كتب:

هههههههه حلوين يسلمو بس غريبة هي شاضومة هههه

يعطيك العافية اخي

الله يعافيكي

زهرة قلبي كتب:

ههههههههههه حلوين كتير مصطلحاتكم قريبة منا

الله يحلي أيامك

ههههه حلووو



مشكور

>>· مصطهج
>>
>>يعني مسلطن، مكيّف، مبسوط أو كما قال سيبويه: منتشي

هههههههههههه والله الكلام السوري غير هههههههههه

الله يسلمكن كلكن كلكن ما لح اقدر ارد على كل واحد بسسب بطئ النت اسف بس مشكورين والله

من دهنو سئّيلو ههههههه
يسلمو أخي طير
مصطلحات حلوة ههههه

يحرء حريشك وين اختفيت هيك
ان شالله ترجعلنا بالسلامة يارب

اي رجعت الحمدلله

الحمد لله على سلامتك اخي اشتقنالك والله

تشتقلك العافية
وانا اكتر

مشكور اخي .. تقريبا كلن جدد

ما عدا شرنة وشاضومة بعرفهم

من ايام طوشات فريال وسعاد