لمن يريد ان يغير اسم عضويته بالمنتدى ((الأحوال المدنية )) ^^

تذكير بمساهمة فاتح الموضوع :

السلآم عليكم ورحمة الله وبركاته ..

أرحب بكل من يمر بهذه الصفحة .. بتحية ملؤها الود والأخوة التي جمعتنا

وستضل تجمعنا على مدى الأيام بإذنه تعالى ..

فأهلا بكم أعضاء ومشرفين ومراقبين وزوار لهذا المنتدى الغالي ..

//

سوف نحلق مع ضيف هذا االحلقة في هذه الجلسة الجديدة من كرسي الإعتراف
إنه أخ عزيز وغالي علينا ومشرف مميز
بادلناه المحبه والاخوة من لحظة دخوله المنتدى
وعشنا معه لحظات التميز والابداع طيلة فترة تواجده بمنتدانا الغالي
طبعا رياضي وكتلوني من الطراز الأول ومتابع رياضي مميز
و هو متوقع ماهر بسباق التوقعات وبطل توقعات الدور الألماني لهذا العام
ربما الاصدقاء الجدد لا يعرفونه بسبب غيابه الاضطراري في الفترة الاخيرة

إالا أنه عاد الينا كالعاد ليشع نورا وحيوية ونشاط وليزين ارجاء المنتدى باطلالته العطرة

إنه الأخ الغالي والمشرف المميز أبو صالح ( MARWAN1985 ) ضيفنا العزيز على الكرسي
..

فأهلا به ضيف شرف على كرسي الإعتراف ..

شاكرين قبولك الدعوة ..

متمنين لك المتعة والراحة بتواجدك معنا ..

//
والبداية مع الاسئلة التقليدية ببداية الجلسه

1
- الإسم 2- العمر 3- المدينة - 4-المستوى الدراسي - 5 - قصة وطريقة تسجيلك بالمنتدى بالتفصيل (
عم كنت تبحث § من دعاك وكيف سجلت .... استرجع الذكريات واعترف بالتفصيل
الممل )

وإليكم أعزائي .. حرية طرح اسئلتكم على ضيفنا

مع مراجعة قوانين كرسي الإعتراف ..

تقديري واحترامي للجميع ...

مشرف سابق المشاركات : 10115

مين تتوقع يربح الكاس
ومين انت تتمنى يربح الكاس

مشرف سابق المشاركات : 10095

tarek كتب:: يامية هلا باللي منور الكرسي والله

ولو هاد نورك اخي طارق

شو كيف الكرسي معك ان شاء الله مريحة؟؟؟

تمام التما بس فارس ماسك ايدو شوي لازم يغير الفرش تاع الكرسي

أنا لحد هلق ما سألتك شي يعني اجا دوري بالأسئلة بدك تتحملني ههههههه

هههههههههه اي خود راحتك اخي طارق طبعا مو رراحة الحجي ههههه

يلا رح نبلش

اوك على بركة الله

1‏_‏ شو طولك هههه؟

هههههه 170

2‏_‏ قديش وزنك ؟؟

74

3‏_‏ كم ساعة بتنام باليوم؟

حسب تعب ولاكن بمعدل تقليدي 5 ساعات

4‏_هل انت من محبي السهر ولماذا ؟؟

نعم لانا مصلحتي مملا بعض الشيء واحب تغيير جو الورشة

5‏_انت بتحب المزح بس لأي درجة بتتحمل المزح؟

اذا ضمن الاصول لأبعد الحدود

6‏_ممكن تزعل من المزح؟

ايضا اكرر اذا ضمن لأصول لا

7‏_ايمت ما بتحب حدا يمزح معك؟؟

وقت بكون الموديل يلي عم اشتغلو صعب وغارق في الشغل

8‏_انت لاعب كرة قدم بس بأي مركز بتلعب؟

وسط متقدم

9‏_المعدل الوسطي لراتبك الشهري ؟

شو بدك تشاركني 10 الى 15

10‏_‏ اديش بتصرف من راتبك بالشهر تقريبا وشو بتعمل بالباقي هههه؟

قلتلك بدك تشاركني ههههههه مصروف شهري مايقارب 5 الاف

11‏_‏ بتحب حلب أكتر ولا ادلب؟

من ناحية الطبيعة ووضع البيئة ادلب ولاكن من ناحية الشباب حلب

12‏_بتحب تسافر كتير ولا بتحب تضل بمدينتك احسن؟

بحب سافر ولاكن بسيارة خاصة لاني لا احب ركوب البولمان

13‏_شو أكتر عادة بتحبها بأهل حلب وأكتر عادة بتكرها؟

اكتر عادة ربما اقول الكرم وابشع عادة عدم المحاقظة على الطرقات

14‏_بتحب البحر ؟
طبعا

وشو أكتر شي بتحبه بالبحر
بداية طلوع الشمس

وأكتر شي بتكره فيه؟
مالو امان

15‏_وجهة نظرك بأهل اللاذقية؟

منهم الصالح زي احسانكن ومنهم الطالح

لاني رئيت اشياء للاسف مؤسفة للغاية

مابدنا ننشر غسيلاتنا هههههههه

هذه صراحة واذا بتحب جاملك كلون كويسين

16‏_يوم لن يمحى من ذاكرتك؟
اول لقاء لي مع من كان سوف يكون نصفي الاخر

17‏_‏ يوم لا تحب أن تتذكره ابدا؟

اول يوم بخدمة العلم

18‏_‏ أكتر يوم بتحبه بالاسبوع ولماذا؟

الجمعة لاني التقي مع كل اخواتي وكل اصدقائي

19‏_يوم لا تتمنى أن ينتهي؟

الجمعة

20‏_يوم تتمنى أن ينتهي سريعا؟

الخميس سبب ضغط الشغل

يلا بيكفي هدول اليوم هههههه
اوك

بس لا تسبنا ياحلو هههه

هههه لاطمن بس بقلبي هههههههههههه

الي رجعة تانية اذا الله راد

ان شاء الله اخي بتنور ايمتا ماحضرت

وشكرا الك يا غالي

هلا وغلا عيوني

دمعة فرح كتب:: اليوم ما في اسئلة
لانه طارق مكفي
هههههههههههههه اوك اختي

بس سؤال

هو مو سؤال استفسار
بس بشبه السؤال

المهم

دمعة فرح
كلماتها في ردود
او المزح قد تكون محروفة عن بعض الاعضاء

ما فهمت شي احسن هاد المطلوب ههههههههههههه

اي يعني قد تشاهدين عضو يتشابه مع عضو اخر في الردود وفي طريقة المزح

لاكن انتي تكون مختلفة عن طريقة الاعضاء وخاصتا في المزح

اي لكي لون خاص

فاطمة الخوالده كتب:: اليوم دو ر عمو ط ارق

كلام واقعي ههههههههه هي رأفتن فيني

ان شاء الله بنرجع مرة تاني

ان شاء الله اختي بتشرفي ايمتا ماحللتي

fareslove كتب:: ولي عحظك يا مروان مستلمينك عشرة بلدي هههههههههههههه

ههههههههههههههههه اي وانت مبسوط ما

عفكرة اظن رح تحطم عدد الصفحات بالكرسي من بين يلي كانو باقيلك اسبوع تاني ان شالله بفصفصو عضامك منيح هاهاهاها

هههههههههه بس دير بالك شوفك شي نهار على كرسي الاعتراف بدي طالع كل الفرق ههههههه

لك كنت رح اسال شغلة من زمان بس نسيت

اي لحمد لله

انت بتابع الدوري الالماني حتى تصدرت توقعاتو ؟؟؟؟؟؟؟؟؟

لا بتابع بس دوري الاسباني والمباريات المميزة من باقي الدوريات

وسوال تاني

شو السبب الحقيقي لعدم مشاركتك بسباق توقعات كاس العالم علما انو النظام عالجميع ؟؟؟

صراحة ماعجبني النظام بس ما اكتر, ولو على الجميع لانو مادام الجميع شاركو مابصير

تغير التوقعات كرمال عضو وانت ماكنت كاتب انو فيك تعدل او انا مانتبهت انا كنت بدي حط قسم قسم من التوقعات

بس قلت بدو يصير قال وقلنا لذلك قررت الابتعاد

وسوال تالت ايمتا اخر مرة مارست أجد مهام الاشراف ونقلت موضوع او ثبتت اووو؟؟؟؟

بقسم الصور لحد الان متابعو ولاكن بقسم العام ماعم فوت مواضيع لانو ماشاء الله كل

يوم عم ينزل شي كيلوووووو يعني ماعاد في تأني

وسوال رابع ؟؟

عم فكر اخطب بنت من حلب شو بتنصحني قول الله
ولا اعقل يا هذا وتوكل ههههههههه ؟؟؟؟؟؟؟

والله ست الحلبية بلبيت ونفس الطبخ اكثر من رائعة ولاكن

اذا بتطلع قادرة اول شهرين من الجازة بتفقد شعراتك هههههه

لؤلؤة كتب:: مين تتوقع يربح الكاس

في واقعية اخر لقائات المانيا

ومين انت تتمنى يربح الكاس

اسبانيا طبعا بعد ماطار الارجنتين

طيب مين هو اللاعب العالمي الي تتمنى يكون سوري حتى يكون بالفريق السوري؟
انت اتابع اخبار الفريق السوري؟
اي نادي سوري تشجع؟

MARWAN1985 كتب:

دمعة فرح كتب:: اليوم ما في اسئلة
لانه طارق مكفي
هههههههههههههه اوك اختي

بس سؤال

هو مو سؤال استفسار
بس بشبه السؤال

المهم

دمعة فرح
كلماتها في ردود
او المزح قد تكون محروفة عن بعض الاعضاء

ما فهمت شي احسن هاد المطلوب ههههههههههههه

اي يعني قد تشاهدين عضو يتشابه مع عضو اخر في الردود وفي طريقة المزح

لاكن انتي تكون مختلفة عن طريقة الاعضاء وخاصتا في المزح

اي لكي لون خاص

احم احم
هي انا

-ماذا تفعل لو حكمت العالم مدة 24 ساعة؟؟؟

- ما تفعل عند رؤية دموع امك ؟؟

بكفي سؤالين

لؤلؤة كتب:: طيب مين هو اللاعب العالمي الي تتمنى يكون سوري حتى يكون بالفريق السوري؟

ابراهيمو فيتش لانو اخلاقو نفس اخلاق افراد المنتخب السوري بيتأقلم بسرعة

انت اتابع اخبار الفريق السوري؟

لا
اي نادي سوري تشجع؟

ولا نادي قد اتعاطف بعض الشيء مع امية

دمعة فرح كتب:: -ماذا تفعل لو حكمت العالم مدة 24 ساعة؟؟؟
بموت من اول ساعتين من وجع راس

بس بتمنا يرجع كل حق لصاحبه

جولان لسوريا والقدس لفلسطين ووووووو الى اخره

- ما تفعل عند رؤية دموع امك ؟؟

ابكي معها

بكفي سؤالين
اوك براحتك

طيب سؤال على الماشي
كيف مزاجك الان

شفت منال تولت عني الاسئلة
مش رحماك هيها
هههه

طب خد مني شوية اسئلة ..؟؟
قد نفر حابب تخلف..؟؟
لو سار طوشة بين امك وزوجتك والتنتين خطا مع مين بتقف..؟؟

حلو سوال ياسو

اي مروان هالمرة سوال عاطفي

احكيلنا عن اخبارك العاطفية

منعرف كان الك مواضيع سابقة عن الخيانة وتعرضت للخاينة ومن بعدها ما منعرف اذا حبيتن من جديد ولا خطبت ولا شوو

هات لنتشوف احكيلنا خيو

السلام عليكم اخ مروان اسفه على التاخير
كيف الحال عندي بعض الاسئله لك
1_ما هو افضل كتاب قراته ؟
2_من هو شاعرك المفضل ؟شو اكتر بيت شعر بتحبه ؟؟
3_لمن تحكي همومك امك الله يخليلك اياه ,اخوك صديقك غير ذلك؟؟
4_من هوالعضو الذي تحس انه يشبهك بالاسلوب؟؟
5_ما هو اكتر شخص يؤثر فيك ..وتشعر بأنك بحاجه الى استشارته في امورك الخاصه ؟؟
6_كيف برايك يستطيع الشاب ات يصمد امام المغريات والفتن التي تعرض عليه صباح ومساء؟؟
7_أريد رايك بصراحه في الشباب الذين يلجؤون الى معصيه الله سبحانه وتعالي بحجة ان هذا يخفف عنهم ؟؟
8_ماذا يعني الانترنت بالنسبه لمروان ؟؟وكيف يستطيع ان يمنع نفسه من الانحراف معه ..؟
9_ما هي القناعه بنظرك؟؟
واخيرا كلمه ..او انتقاد اردت ان توجهه لاختك بنت القسام

فاطمة الخوالده كتب:: طيب سؤال على الماشي
كيف مزاجك الان

تمام التمام بس متكسر من لعب طابة

yasoo كتب:: شفت منال تولت عني الاسئلة
مش رحماك هيها
هههه

ههههههه اي والله فاتحتلا

طب خد مني شوية اسئلة ..؟؟

اوك

قد نفر حابب تخلف..؟؟

والله انا برأي كل ماقلو لولاد بتتحسن وضع كدراسي وترباي ولدين مو اكتر اذا رب العالمين طعمني اياهون

لو سار طوشة بين امك وزوجتك والتنتين خطا مع مين بتقف..؟؟

اول شغلة دائما الكبير على حق

وقت يلي بكونو تنين على خطا

بظن مع امي لانو مرتي بقدر سيطر عليها بس امي مابظن سيطر عليها

وان شاء الله مابتصير كل هل قصة

fareslove كتب:: حلو سوال ياسو

هوا عادي بس عيونك الحلوة

اي مروان هالمرة سوال عاطفي

احكيلنا عن اخبارك العاطفية

وقت يلي بتنصب برنامج على الموبايل بيعطيك الشهادة منتهية وانا هيك ماعاد بنت تفوت بقلبي

لانو ماعدت اوثق بحدا بعرف انو كل اصابعي مو متل بعض بس حاليا ماعم اتقبل

منعرف كان الك مواضيع سابقة عن الخيانة وتعرضت للخاينة ومن بعدها ما منعرف اذا حبيتن من جديد ولا خطبت ولا شوو

هات لنتشوف احكيلنا خيو

والله حب ماعاد في بس خطبة ان شاء الله لحتى يجي وقتها يعني مو مفكر فيها هلء وانا صرت فضل

الخطبة الاهل افضل من خطبة التعارف لكل واحدها جمال يختلف عن التاني

ولاكن الخطبة عن طريق حب يمكن شلتها من بالي وان شاء الله يلي صار معي ومعك مايصير مع

ولا شب او بنت يارب

بنت القسام كتب:: السلام عليكم اخ مروان اسفه على التاخير

وعليكم السلام ورحمت الله وبركاتو وشوفي بجيبك هاتوووووووووو بس ماتكوني مفلسي

ولايهمك اختي لغايب عزرو معو

كيف الحال

تمام والحمد لله انت كيفك

عندي بعض الاسئله لك

اوك لنبدأ ونتوكل على الله
1_ما هو افضل كتاب قراته ؟

انا مالي مهتم بلكتب الثقافية

في كتاب اسمو رياض الصالحين

والباقي على الاغلب نكت ومضحك

2_من هو شاعرك المفضل ؟

نزار قباني

شو اكتر بيت شعر بتحبه ؟؟

ايها المارون بين الكلمات العابرة

والحب المسحيل

3_لمن تحكي همومك امك الله يخليلك اياه الله يسلمك يارب ويخليلك اهلك كمان ,اخوك صديقك غير ذلك؟؟

اختي اكتر شي يليه اخي

4_من هوالعضو الذي تحس انه يشبهك بالاسلوب؟؟

الاسمر املعن مني كمان هههههههههههههههه

5_ما هو اكتر شخص يؤثر فيك ..وتشعر بأنك بحاجه الى استشارته في امورك الخاصه ؟؟

اخي

يكبرني ثلاث سنوات عضو بلمنتدى بس ماعم يشارك ليبدأ التوقعات سنة يلي جاي

6_كيف برايك يستطيع الشاب ات يصمد امام المغريات والفتن التي تعرض عليه صباح ومساء؟؟

اول شيء يجب ان يعلم بأنا الله يراه

القناعة والايمان لذي في قلبه

اويفكر قليلا في اخوته البنات

7_أريد رايك بصراحه في الشباب الذين يلجؤون الى معصيه الله سبحانه وتعالي بحجة ان هذا يخفف عنهم ؟؟

والله لكل شب عقل ويعرف ان يفكر فيه

بس بقول كل بني ادم خطاء وخير الخطائون التوابون

انا برأي انو سن المراهقة يجب ان يكون الاهل اقرب من ابنه من اي زميل ويعرف كل شيء عنه

لانا هناك شباب قد يكون الخطأ ليس منهم قد يكون الاهل على نفس النهج شو بدو يطلع الولد

يعني بأختصار متل مابتزرع بتحصد نادرا لتحصد غير شيء

8_ماذا يعني الانترنت بالنسبه لمروان ؟؟

علم تاني
معرفة وثقافة وهناك الكثير من الافادة اذا اراد الذي يقعد على نت ان يستفيد

ولاكن غير ذلك كل واحد بيعرف شوبدو

وكيف يستطيع ان يمنع نفسه من الانحراف معه ..؟

القناعة والارادة فقط

9_ما هي القناعه بنظرك؟؟

أن يتقبل الإنسان ما كتبه الله له ويرضى به دون إعتراض مع وجود الرغبة في الحصول على الأفضل والسعي لتحقيق ذلك

واخيرا كلمه ..او انتقاد اردت ان توجهه لاختك بنت القسام

والله كلمة الك او انتقاد مافي بس بحب وجه هل كلمة لكي ولكل الاخوة لذي اعزهم

إذا و قعتي في ازمة فتذكري كم أزمة مررتي بها ونجاك الله منها, حينها تعلم أن من عافاك في الاولى سيعافيك في الاخرى
لانا هذه المقولة انا احبها ونصيحة رائعة

الله يسعدك يارب اخي مروان

انا متاكد انو الخطبة حتى عن طريق الاهل اذا كانت البنت منيحة ومرباية رح يخلق الحب بقلبك من جديد وجتحبها اكتر من اي حب تاني لانو حتكون عرضك وشرفك وماواك وام ولادك

والله يوفقك يارب لكل خير

حبيت اسالك عن رايك اذا بيوم عرضنا عليك تلعب لمنتخب منتدى الاصدقاء وخاصة انو في دوري منتديات برعاية منتديات الكرة السورية وتم توجيه الدعوة النا وقد نشارك به

شو رايك ؟؟؟

رجعت عمو
بدي اسئلك كم حكمة حافظ
ومين الشاعر المفضل

fareslove كتب:: الله يسعدك يارب اخي مروان

الله يسلمك يارب اخي فارس

انا متاكد انو الخطبة حتى عن طريق الاهل اذا كانت البنت منيحة ومرباية رح يخلق الحب بقلبك من جديد وجتحبها اكتر من اي حب تاني لانو حتكون عرضك وشرفك وماواك وام ولادك

كلام رائع نت اخ اروع

والله يوفقك يارب لكل خير

تسلم هاد زووووووووووئك اخي

حبيت اسالك عن رايك اذا بيوم عرضنا عليك تلعب لمنتخب منتدى الاصدقاء وخاصة انو في دوري منتديات برعاية منتديات الكرة السورية وتم توجيه الدعوة النا وقد نشارك به

شو رايك ؟؟؟

اولا لا اعلم اينا البطولة سوف تكون في اي محافظة يعني

وثانيا على حسب توقيت البطولة اذا لن تمس وقت عملي ماعندي مانع اي لوقتها بقول اي او لا

لانو مابعرف ايمتا موسمنا

فاطمة الخوالده كتب:: رجعت عمو
بدي اسئلك كم حكمة حافظ

كتير اختي صراحة مو عاددهم
ومين الشاعر المفضل

نزار قباني

طيب عمو شو هوي اكتر متل بتستخدمه

اخي مروان حابه اسالك اذا حدا غلط بحقك ...برأيك
متى بتطبق قول ربنا وأن تعفو اقرب للتقوى
ومتى بتطبق العين بالعين والسن بالسن

عمو انت حافظ اشعار
وشو رائك بعرار

فاطمة الخوالده كتب:: طيب عمو شو هوي اكتر متل بتستخدمه

نجار وبابو مخلوع لانو دائما ماتطبق علي انا

» الصديق احمد شاكول ضيف كرسي الإعتراف ( تفضلوا )
» الصديق (( الشامي ))ضيف الحلقة الجديدة من كرسي الإعتراف ((تفضلوا ))
» أختنا (( رولا ((ضيفة الحلقة الجديدة من كرسي الإعتراف (تفضلوا )
» أختنا (( تميمية يمانية ))ضيفة الحلقة الجديدة من كرسي الإعتراف (تفضلوا )
» أختنا ((خولة عطر الورد )) ضيفة الحلقة الجديدة من كرسي الإعتراف ((تفضلوا ))

الصديق العزيز مروان (MARWAN1985 ) ضيف كرسي الإعتراف ( تفضلوا )