لمن يريد ان يغير اسم عضويته بالمنتدى ((الأحوال المدنية )) ^^

تذكير بمساهمة فاتح الموضوع :

"قال شعب الجبارين قال ..هدول شعب الحمير مش الجبارين" هكذا تلفظها امامي رجل في الخمسينيات من عمره ....[ندعوك للتسجيل في المنتدى أو التعريف بنفسك لمعاينة هذه الصورة]

ذهبت
اليوم إلى محال لبيع الادوات المنزلية لأشتري غرضا وعند دخولي للمحال وقع
نظري على رجل ذو لحية بيضاء خفيفة يرتدي ملابس متواضعا نوعا ما ليس
للتواضع لكن يبدو انه يعاني بعض الفقر أظنه في الخمسين من عمره

يحكي
مع صاحب المحال وظننته انه يحكي عن عمال يشتغلون تحت يده وهو يصفهم
بالمحتالين والكذابين ولم اكن ادري انه يتحدث عن قضية فلسطين كما تسمى لم
آبه بكلامه فليس لي دعوة بما يقول وفجأة رأيته يرفع الشبشب الذي يلبسه
ويبدو ان الشبشب يعاني من ازمات وتمزق عضلي [ندعوك للتسجيل في المنتدى أو التعريف بنفسك لمعاينة هذه الصورة]
رفعه
وهو يقول "شايف هالشبشب هيو مقطع من هان ومن هان بس هالشبشب انظف واشرف من
احسن واحد فيهم ... يعني في الشعب الفلسطيني ..." صراحة أخذت انظر الى
صاحب المحال وهو ينظر لي وتبسمت في وجهه ابتسامة خفيفة والتزمت الصمت ..
فلم أكن أريد أن اجادل ذلك الرجل لاني متاكد لن يجدي نفعا جدالي معه
فالتزمت الصمت أفضل لي وعندما هم الرجل بالخروج فخرج وهو يقول "قال شعب
الجبارين شعب الحمير مش الجبارين"

استوقفتي
هذه الجملة بعض الوقت ... قلت في نفسي أليس هذا الرجل من الشعب أم انه يرى
نفسه افضل من الشعب وانا متاكد انه هو وامثاله عالة على الشعب مع احترامي
لعمره ...؟!!

هل
يمكن ان وضعه المعيشي هو من اوجد عنده مثل هذه الحالة من النفور من الشعب
متذرعا بذريعة الوضع السياسي الأليم الذي يعاني من الشعب؟!!

شو رايكمـــــ في الموضوع...؟؟

منقول على لسان فلسطيني

عضو مشارك المشاركات : 96

[quote="yasoo"]

اسمها اناشيد نو اغاني يعني
وطبيعي يكون في فاصل اعلاني فاعتقد بخطاب وطني يكون في انشودة وطنية

لا اظن انك فهمتي قصدي
ما علينا انشيد اغاني كلها سوا عندي
دام انو مالها تاثير الا الالهاء..فكلها سوا

انا استغربت لوجودها لانو الحالة اللي عايشتها فلسطين لا تستدعي الاهاء او الفواصل زي ما سميتيها......

الخطاب بمعنى الخطاب يا اختي ...و اللي اقصدو الخطاب التحريضي...اللي لازم يكون كلو شحن ورفع الهمم...و الدعوة الى الجهاد....و تاليف القلوب على نصرة الوطن...لا يستدعي الاناشيد اللي تلهي العقل بيها...على اساس انها فواصل..فطبيعي الخطاب المخزي..اللي اغلبها كنت اشوفها....كلها كلمات رنانة لا تدعو الا الى الجهاد بصيغة التمني و الحلم....و شفت كثير من التجمعات الفلسطينية قليل منها اللي اثر فيني.....ليش لانو الخطاب لا يحتاج الى اوراق و تحظير و اناشيد كفواصل
الخطاب المرتجل النابع للقلب مايحتاج لا الى انشودة ولا الى منصة و لا الى بودي غارد...و غيرها

ان شاء الله تكون فكرتي وصلتك

و شوفي و لاحظي لما كانو المسلمين في قوتهم ايام الفتوحات...هل كانو يستعينيون باناشيد
شوفي خالد بن الوليد لما راح مشان يفتح بلاد اوروبا بدءا من جبل طارق ..ماذا فعل..احرق السفن

و خاطبهم: البحر من ورائكم والعدو من امامكم.......ما احتاج لا لورقة ولا لانشودة ولا لشيء تاني...

الخطاب الوطني في حالة فلسطين لا يحتاج لا الى تحظير و لا الى فاصل.....لانو فلسطين عايشة حالة استنفار قصوى..هاذا المفروض اللي يكون..بس ماني شايفة هالشيء

الفلسطينين مع احترامي لهم و حبي لفلسطين الحبيبة.....ليش يستنو العرب ..العرب مو فاضيين لهم
العيب اللي فيهم انو يستنو الشعب العربي انو يهب لنجدتهم.....انا اقلهم افيقو من الحلم..يا اخواني
لو مانتفضتو انتم ماراح يجي حدا يساعدكم....
في على الاخبار كل يوم شهداء ومرابطين بيقعدوا بالليالي بالاقصى ومافي عندهم اي نوع من
الغذاء
وكل يوم في اصابات يهودية
والمرابطين عند المسجد مابدهم غير ربنا يكون معهم
لكن شوفي المقابل بكيمة ونوعية الاسلحة

هاذي يسموها المقاومة الغير منظمة.....و هوما ابطال و شباب الجنة اسميهم..يضحو بكل شيء و مواجهين الموت....

انا ما احكي على هاذول المجاهدين

لو ارجع للتاريخ كمان احنا قبل الثورة التحريرية الكبرى كانت في مقاومات متفرقة....بس كانت سرعان ما تهزم..ليش لانها كانت متفرقة

لا اظن انك قد فهمتي قصدي بعد
انا احكي على الاتحاد...بين الشعب الفلسطيني و اسقاط اشباه الحكام اللي عندهم...كلهم اللي ماسوو شيء

و البدء من جديد بقلب رجل واحد و روح مجاهد واحد

لكن احنا الي بعاد وقياداتنا الي بعيدة وموقادرين نصل
بنحكي اتحركوا ياعرب
واحنا عارفين انو ماراح يتحركوا
بس راح يضل شاهد عليهم يوم القيامة
انو مانصروا اخواتهم المسلمين

و الله يا اختي هاذي اعذار واهية..لانو اللي يحب يسوي شيء يسويه وماراح يمنعو شيء
و عذرا ..بس اذا كنتي تحكي على القيادات الرسمية تبع فلسطين..فماني مستعدة اسمع عنها لانها متواطئة و خانة
احكيلي على المجاهدين
اوكي بس الحكومة و السلطةو القيادة فما منهم خير

انتي تقوللي انو العرب ما سوو شيء لفلسطين وانو يوم القيامة راح نتحاسب

بس راح اذكر شيء
الرئيس الراحل ياسر عرفات اعلن قيام دولة فلسطين من الجزائر

الرئيس الحالي عبد العزيز بو تفليقة في الستينيات او السبعينيات...لا اذكر التاريخ..طرد ممثل اسرائيل و انجلترا..لانهم احتجو على دخول الرئيس الراحل يا سر عرفات لقاعة الامم المتحدة على اساس انها دولة الها كيان

فاللي حابة اوصلولك..انو فلسطين ماراح يساندها الا الرجال الحقيقين...و العرب اليوم قلو رجالهم و غلبتهم كثرة الخونة اللي محيطين بففسطين واولهم الفلسطينيين انفسهم الخونة اللي باعو ارضهم قبل التانيين

فيا ريت تقراي كلامي بتمعن و تفهمي لب الامور

عضو مشارك المشاركات : 96

لكن احنا الي بعاد وقياداتنا الي بعيدة
وموقادرين نصل
بنحكي
اتحركوا ياعرب
واحنا عارفين
انو ماراح يتحركوا
بس راح
يضل شاهد عليهم يوم القيامة
انو
مانصروا اخواتهم المسلمين

نسيت اقول شيء تاني

حسب ماني شايفة نفس الكلام اللي قاعدة اشوفو يوميا
قاعدين تقولو اتحركو يا عرب.........و عارفين انهم ماراح يتحركو...شو تسميها هاذي......

مثال بسيط
واحدة عندها مشاكل في بيتها....و بيتها مقسوم شو تقول لجيرانها تعالو حللولي مشاكلي

مستحيل هاذي لانها ادرى ببيتها مهما يكون

فمسالة انكم تنادو العرب انهم يجو يحررو فلسطين او يساعدوها هاذي صارت قديمة

كان يا مكان في قديم الزمان ..قامت حرب تحرير فلسطين و انهزمو تعرفي ليشو الا لا

لانو العدو ضربهم في عقر دارهم ...فالواحد لما يروح يحل مشكلة جارو ...و يلقى الفساد متفشي في بيتو او حركة تمرد

اكيد راح يرجع لبيتو اولى من بيوت الناس

الدول العربية اليوم شو ملهيها في رايك عن فلسطين..ملهيتها مشاكلها..هاذا اول شيء و تاني شيء ملهيتها الصراعات اللي في مابينها
كل واحدة حابة تكون الها الريادة ...يعني بالكلام الفصيح...رجعنا لجاهلية العرب الاولى و تفاخرهم و محاربتهم لبعضهم البعض بس مشان انو كل قبيلة ينقال عنها هي القوية...على حساب اخوانها.....
الخليج ملتهي بالدنيا اللي انفتحت قدامو و المال اللي مش عارفين يودوه فين فصارو يقيمو المهرجانات و المعارض....و الترف و الغناء الفاحش و عادو للجاهلية بس بشكل حديث و الادهى و الامر كل واحدة من الدلول تشوف ناسها متكبرين على باقي العرب.....
وباقي العرب قاعد يطاوعهم
المشرق مشاكلو تكفيه..من دول محتلة و دول بعض اراضيها محاصرتها اسرائيل...و تانية ملتهية بالغناء و اغلمجون

مصر ما نحكي عنها لانو فتاوى الازهر تحكي حالها

المغرب العربي..فياللي طالع من تجربة الارهاب و ياللي مو لاقي يوكل هالشعبالمسكين
فمنين راح يجو يساعدو فلسطين....من الهم اللي عندهم

نجي للدول الاسلامية التانية
قاعدين تحكو تقولو فلسطين قضية عربية.....و ناسيين المسلمين غير العرب او مهمشينهم
فطبيعي ما يتحرك لهم ساكن لاننا ببساطة مهمشينهم لاقصى حد

الدول العربية اليوم منقسمة لقسمين
قسم ثري ملتهي بالدنيا و بايع نفسو و بايع هويتو مشان يثبت نفسو للعالم

الناسس رايحة تستوطن المريخ و العرب طبخو اكبر كبسة في العالم..فبلاها تمني...و كلام الاحلام

و النصف التاني مو لاقي يوكل هالشعب الفقير اللي التهى هو نفسو عن قضايا الامة.....يقوللك الواحد مش لاقي اوكل اولادي حتى اتكلم عن فلسطين..الها رب يحميها

و الدول الغربية قاعدة تضغط على الحكومات انها ما تساعد فلسطين مقابل الغذاء و السكوت على الديون المتراكة.....فليش ننسى هالمعطيات و نقعد نحاسب

و يا ريت ما نجامل و نقول كلام معسول على حساب الحقيقة و قضايا الامة

و لو نرجع للراجل اللي بدا فارس عليه حكيو ...فما اظن انو قال هالكلام كرها في فلسطين و شعبها..بس من القهر

و في الاخير كل واحد ورايو

و شوفي و لاحظي لما كانو المسلمين في قوتهم
ايام الفتوحات...هل كانو يستعينيون باناشيد
شوفي خالد بن الوليد لما راح
مشان يفتح بلاد اوروبا بدءا من جبل طارق ..ماذا فعل..احرق السفن

عفوا لقد ارتكبت جريمة في حق التاريخ
لتصحيح السهو الذي وقع مني

طارق بن زياد و ليس خالد بن الوليد...فعفوا مرة اخرى

و للعلم فطارق بن زياد لم يكن عربيا......

أنا مع اختي زهرة بأغلب كلامها ونورتي الموضوع خيتا

أنا حابب بس احكي عن اشي تم التطرق اليه

فيما يخص موضوع انو اهل فلسطين ما ينطرو اخوانهم العرب ويبدو ينتفضو بانفسهم وينظممو أنفسهم

أنا أرى أنه الفلسطينين المتقاعسين هم محاسبون أمام ربهم

لكن بالمقابل أنا وكل مسلم على وجه الأرض محاسب أمام ربه عز وجل لأن فلسطين لنا كلنا وهي مسرى رسولنا محمد عليه الصلاة والسلام والأقصى أقصانا كلنا

والجهاد فرص عين عكل مسلم عندما تحتل أحد أراضي المسلمين

ولا يكفي المظاهرات وطرد السفراء بل يجب ان يكون هناك دعم عملي للمقاومة والمساهمة كذلك بالمقاومة لأن هذا هو الحل الوحيد لطرد المحتل

وكل من يقول أن الحكومات هي السبب فهو مجرد قناع وتهرب من المسؤولية الملقاة على عاتقنا كلنا

لأننا يجب ان نبحث عن الوسيلة حتى نصل لتحقيق فرض الله علينا

واصحاب الكهف ما قعدو لامو امبراطور بلادهم وقوانينها بل بالعكس واجهو الصعاب وسافرو لنصرة كلمة الله والحق

والا كيف باخر الزمان لما يظهر المهدي سيكون هناك الاف العوائق لوصول اليه والانضمام لجيشه ومن لاينضم حينها فهو لن يكون مؤمنا

المفروض كل انسان يبدأ بنفسه ويحاول حسب المستطاع وانا اظن اننا كشباب بعز عمرنا وقوتنا قادرون على الكثير لكن بعد أن نرمي حب الدنيا من قلوبنا

أنا نقطة أخرى حاب اتكلم فيها تخص الشعب الفلسطيني وما عليه ان يفعله وما هي اشكال هذا الشعب الموجودين داخل الأرض المقدسة

لكن الان ساذهب لصلاة المغرب بالمسجد ولي عودة إن شاء الله

وكل من يقول أن الحكومات هي السبب فهو مجرد قناع وتهرب من
المسؤولية الملقاة على عاتقنا كلنا

لأننا يجب ان
نبحث عن الوسيلة حتى نصل لتحقيق فرض الله علينا

اخالفك الراي

الحكومات لها دور كبير في عرقلة و الضغط على الشعب المسكين
تخيل انك ذهبت لتجاهد في فلسطين ..اسرائيل علمت بوجود سوريين تسللو الى الاراضي الفلسطينية و ان حركة التمرد و التسلل قاعدة تزيد..راح تصير مشكلة بينها و بين سوريا و تدخل الدول التانية لتفضي النزاع و مساومة الحكومة السورية...بارغامها على ارجاع المتسللين الى البلاد

انتم ترفضون الرجوع فتلجأ الى الضغط عليكم مثلا بعائلاتكم
ان ترى اباك او امك او احد افراد عائلتك في السجن لا سمح الله او يعذب
وقتها راح تقوللي انك راح تبقى في فلسطين

مستحيل.....

المهم حابة اناقش نقطتين
الاولى انو يا ريت نعبر عن ارائنا بواقعية حسب معطيات الامور..و مش احلام في اوهام..تنبع نروح نجاهد و نخللي الامور الدنيوية......لانو لو تخلينا عنها ماراح نتخلى عن عائلاتنا......

ثانيا....الوطن العربي و المسلم جسم مريض تاكله الحروب و الفتن من كل جهة......خلينا نعتبر فلسطين قلب هالجسم...اذا كان القلب يا فارس مريض فكيف سيصح باقي الجسد

و المرض اللي اقصدو مو العضوي بس المعنوي

و في هاذا الزمان مو بس فلسطين المحتلة..كل دولة و منزوع منها جزء او مزروعة فيها قاعدة عسكرية..او خايفة على حدوودها من الجيران...او في مشروع تقسيمها طائفيا........

فاكره ان اكون متشائمة و لكن لا احب ان اكون حالمة على حساب الحقيقة و قضايا الامة الاسلامية
اظن اني حكيت اكثر من الازم..و اللي اتمناه بس انو وجهة نظري تنفهم لانو مافي حد فهمها لحد الساعة

اختي الغالية زهرة

أنا فاهم عليكي وفاهم وجهة نظرك

والمشكلة متأصلة فينا اكثر من مشكلة جهاد وهجرة لنصرة الاقصى

بكل بساطة يمكن لكل انسان فينا البحث بعقله وبمنطقيه لنصرة دين الله

والجهاد ليس فقط جهاد مادي بالجسد بل هناك جهاد اخر وسلاح قوي جدا يمكن ان نساند به المجاهدين بالارض المحتلة كتقديم المال والتبرعات لهيئات المقاومة

وكذلك هناك سلاح أجدى من الكل الا وهو سلاح الدعاء قلبيا وروحيا لأهلنا المضطهدين داخل الارض المقدسة

لكن مانراه نحن ونعيشه هو أن شباب المسلمين وبناتهم مشغولون بشهوات الحيات ومتاعها وكانهم دون قضية يعيشون من اجلها
ماأريد الوصول اليه اختي زهرة هو ان المسؤولية تقع على عاتقنا جميعا

وفي بلدي سوريا معروف لدى الجميع بما فيه الاعداء ان مكاتب فصائل المقاومة منتشرة بكل ارجاء البلد عندنا وان الدعم المادي بالاسلحة والعتاد هو من الحكومة السورية وهم يعرفون ذلك ويكرهوننا لذلك لكن هذه هي قضية بلدنا وهذه هي حياتنا ومن اراد ان يدعم المقاومة يمكنه ذلك باكثر من وسيلة
وسنبقى على صراع مع الصهاينة للأزل لأنهم احتلو فلسطين واحتلو جولاننا السوري

لكن كل الخيبة لمن يعيشون داخل الارض المحتلة والجولان وهم قنعين بحالهم وسعيدين بعيشتهم وكم هم كثر ونسو عروبتهم وقوميتهم وحملو الهوية الاسرائيلية بكل فخر وتكبر على اصلهم

وانا حابب ارجع لموضوعنا عن الشعب الفلسطيني

الكل يعلم انه هناك ابطال ابرار وشهداء يقدمون ارواحهم ودمائهم واشلاءهم لنصرة قضيتهم وارضهم

لكن ما يحز بالنفوس ان الكل يعلم انه هناك المستهترين من هذا الشعب بقضيتهم وهم يجرون وراء الدنيا ومتاعها والحكومة الحالية اكبر دليل والصراع بين الحركات كذلك والرضوخ للمحتل ايضا

ولربما قصد هذا العجوز الذي ذكر بالموضوع بعض اركان الحكومة الجبارين المتكبرين الذين ينعمون بالرفاهية على حساب الشعب ... والله اعلمومن الواضح ان كلمة الجبارين التي قصدها بكلامها عائدة لجبروت والتكبر والطغيان الذي يراه هو

ودمتم بود احلى اخوة
ياسو ومنال وهدى وزهرة الغالية

الحمدلله اخيرا في واحد اخيرا فهم قصدي

الجهاد مو بالذهاب بس او الحرب
قبلو جهاد النفس على شهوات الدنيا و التحكم فيها
و زي ما قلت فارس الدعاء لفلسطين
بس كمان بعد الدعاء في شيء تاني راح اذكرو بعد ما ارجع ان شاء الله

اي الحمد لله زهرة هههه
ربي يسعدك

وترجعي باسلامة

شو هاد يازهره

كنت فايتة اكمل نقاش معك بس ردودك كبيرة وانا مش فاضية عليا امتحانات

بس بعد ماقرات الرد الاول
انو بتحترمي فلسطين وبتحترمي الفلسطينين
لكن نعتتيهم بانو كتير في خونة عنا

ع اساس انو فلسطين خلصت وماضل غير القيادات
والجواسيس

والشعب الي مش قادرين يجيبوا أرضهم
وساكتين بتعبرتيهم خونة؟؟

فبدي اقلك
جربي عيشي يوم واحد عنا
راح تعرف ايش يعني فلسطيني

وفي حديث
يضمن الجنة لناس العايشين بارض الرباط فلسطين
ماحدد قئة من الشعب
مجرد انك عايش بارض الرباط
وبتستحمل كل الي بسير معك فيها
فانتا مرابط

كان بتلاقي كل البلد شاردة ومهاجرة
ولا تحكي انو في ناس بتهاجر بس لو في معابر

البلد مش كلها هادول الناس

وكلمتك الي بدو يعمل اشي بيصله

مش لعبة هاي

وبدك كلنا نكون ايد وحدة
والله ياريت
حلم كل فلسطيني شريف

(سرت بدي استخدم كلمة شريف مع فلسطيني)

الي انتي بتحكيه هاد مابسيرالا بالخيالات
لانو في كل مكان في السيء وفي الكويس

ومانطلب من العرب اشي لانو ماراح يعملوا

احنا مابنطلب تجيبوا ناس تتحررنا
بس
هو مين االي مستولى على معابرنا
والحدود ؟؟

بيقدروا يدخلوا اي اشي لالنا بدون موافقة اسرائيل
يعني احنا الشعب مابدنا اشي من اي دولة ولا مساعدات
بس يسيبونا
يتركوا المعابر مفتوحة بس
وخلص

ويازهره ماتبيني انو الفلسطينين
اصبحوا ملهيين بالشهوات والامور الي بتعيق الدين

فش اشي عنا بالبلد
يليهينا
طلعي على نسبة التعليم بفلسطين
شوفيها قديش بس

لانو مافي قدامنا غير التعليم
كسلاح نقاوم فيه

قوليلي ليش لليوم اسرائيل مااستولت على غزة
عارفة ليش
لانو في مرابطين على الحدود
طول نهارهم يحرسونا

وعلى حكاية الاناشيد
الي مش مقتنعة فيها
روحي شوفي المقاومين هاول
قديش بينبسطوا عليها
جربي بس عيشي يوم عنا يازهره

باسو كلامك صحيح خيتا

لكن انتي عايشة بغزة وعم تحكي عن واقع غزة واغلب كلامك عن مطابق لاغلب اهل غزة

لكن فلسطين مش بس غزة

يعني انا بعرف انا ناس من الضفة حياتهم فيها رفاهية كبيرة وطيش كبير وبرضو خونة

ومش كلهم يعتبرو مرابطين الا يلي صامدين بوجه المحتل مش يلي متخاذلين مع المحتل

انا باحكي هيك يازهره لانو الي انتي بتحكيه
هاد كلنا نفسنا يسير يعني مافي اشكالية

بس احنا لما نصل لفترة انو بس بدنا نلاقي مؤنة نعيش منها
هاد مصيبة كبيرة والعرب السبب فيها

وانا مابالووومك بالمرة
لانو كتييييييييير كان الي قرايب يقولوا نفس كلامك
انو من السهل
تجمعي كل الفلسطيني ويلا على الاقصى يعني؟؟؟
بس اجوا عنا فترة عاشوا
ماقدروا يستحملوا يوم واحد يعيشوه بالبلد

وحكوا الله يعنيكوا بجد
وبالرغم من هيك يافارس
اهل غزة الي باحكي انا عنهم لانهم عندي وحوليا وباعرف الكل
بنحكوي انو احنا عايشين بجنة من ناحية اهل الضفة ومن الي بشفوه

مجرد انك تمشي بالشارع مهدد للاسر
وانا كنت زيك احكي انو انا يااهل غزة بنقاوم
واهل الضفة المعابر فاتحة والرفاهية كتيرة
بس طلع انو ولا اشي احنا جمبهم

كتير في اشياء نفسي اتنااقش فيها
واخوض فيها

وافصلها اكتر
لكن اهلي دايما بحذروني انو ماافوت بمناقشات سياسية
باي مكان
لانو البلد اصبحت بتخوف فعلا

بس كان فعلا نفسي افصل اكتر
لكن الانسان الفلسطيني دوما بخاف من الجواسيس
ومابتعرف شو ممكن يسير
طبعا مش تحكوا انو انا الي بشغل المقاومة
ههههههههههه
ياااااحسرة

بس يعني لما ناقشتك يااختي زهره
كنت اسالك وومااقلك المعلومة وتجيبها انتي يعني
اخذ الحيطة والحذر
هههههههههههههه

حابة اقوللك شيء بسيط يا ياسو

مين قاللك انو ماجربنا القتل
الارهاب سوى فينا اكثر ماسوى فيكم....ولمعلوماتك الفضائع اللي كانت تصير عندنا باليوم الواحد من ذبح و من قتل ......ماصارت عندكم...
اتحداك تكوني شفتي واحد مذبوح قدامك بالسكين.............و لا تبدي تقوليلي احنا واحنا

لاني عارفة الوضع ومثل مانتو عايشين احنا عشنا وشفنا .......و كمعلومة جديدة هربنا من بيتنا.....في ومن الارهاب و ليومنا هاذا مارجعنالو ..من الذكريات السيئة اللي فيه
فيا ريت ما تغلبي مشاعرك على كل من يقول راييو اللي مقتنع فبه

و مو لانك فلسطينية او غزاوية تخاطبي التانيين بهاذي اللهجة.....لانها ماراح تغير مواقفهم

هو مين االي مستولى على معابرنا
والحدود ؟؟

و بما انك استعملتي التعميم لمواقف لا تصلح للتعميم فيا ريت تذكري مين هاذول الناس اللي عم بيقفلو معابركم
و يا ريت تذكريلي ليش خاضعين وراضخين..لو انهم ما لقوكم راضخين

اما نو حكيك عن خيالاتي فاحب اقوللك انيي من متابعي القضية الفلسطينية و دارسة تاريخ عنها......فعيب عليكي تتهمي شخص بالتخيل لمجرد انو ادلى برايوو.....و اتحداكي كمان انو اكون تعديت جدودي...في كلامي لانو اللهجة اللي خوطبت بيها من طرفك يا آنسة....تدل على كلامك مع شخص اساء لفلسطين
و ماني شايفة الاساءة هون

و ككلمة اخيرة...حابة اقوللك اني مو من الناس المجاملين على حساب الحقيقة و قضايا الامة

و مو ذنبي انك ما تناقشت مع واحد الا في حدود المجاملة

شعب الحمير ... عذرا يا شعب فلسطين