لمن يريد ان يغير اسم عضويته بالمنتدى ((الأحوال المدنية )) ^^

تذكير بمساهمة فاتح الموضوع :

السلآم عليكم ورحمة الله وبركاته ..

أرحب بكل من يمر بهذه الصفحة .. بتحية ملؤها الود والأخوة التي جمعتنا

وستضل تجمعنا على مدى الأيام بإذنه تعالى ..

فأهلا بكم أعضاء ومشرفين ومراقبين وزوار لهذا المنتدى الغالي ..

//

سوف نحلق مع ضيف هذا الاسبوع
إنها أخت وصديقة جديدة شرفت منتدانا منذ فترة قصيرة ليست بعيده فدخلت قلوبنا بتواجدها العطر وبدمها الخفيف وإطلالتها المميزة

..

من المؤكد أنكم قد عرفتموها من عنوان الموضوع ..إنها اختي وصديقتي العزيزة (دمعة فرح)

فأهلا بكِ ضيفه على كرسي الإعتراف ..

شاكرين قبولك الدعوة ..

متمنين لك المتعة والراحة بتواجدك معنا ..

//
والبداية مع الاسئلة التقليدية ببداية الجلسه

1‏ ‏- الإسم 2- العمر 3- المدينة - 4 - قصةو طريقة تسجيلك بالمنتدى بالتفصيل ( عم كنتي تبحثين من دعاك وكيف سجلتي .... )
والآن إليكم أعزائي .. حرية طرح اسئلتكم على ضيفنا

مع مراجعة قوانين كرسي الإعتراف ..

تقديري واحترامي للجميع ...

مشرف سابق المشاركات : 9254

fareslove كتب:: مادام بتحبي أسئلتي تفضلي هالسوالين

ساعطيك ورقه وقلم مع القليل من الالوان الخافته واريد منك ان ترسمي لوحه معبره عن حال العالم العربي ؟ ماذا ستفعلين ؟

لوحتي رح تكون عبارة عن رجل صغير في العمر ولكن الياس جعله كبيرا
وهاد الشخص موجود في الحبس ومش عارف وين المخرج من هاد الحبس مع ان الباب مفتوح
وههيك حال العالم العربي هو عارف ان الخلاص بالوحدة بس للاسف متجاهلها

التاني

انتي عارفة وسامعة عن عرب ال 48 يلي أخذو الهوية الاسرائيلية وصارت جنسيتهم منهم
إيش النظرة العامة عندكم لهاي الفئة من عرب فلسطين ؟؟؟؟
اكيد عارفاهم والنظرة العامة مو نظرتي انا بس اعتقد انهم ناس عاديين ما دامو يحترمون الاخرين
وانتي ايش رأيك الخاص بواحد فيهم لما تٍساله عن هويتو او جنسيتو او وطنو او دولتو ويجاوب أنا اسرائيلي من اسرائيل وما يذكر عروبتو وانو من فلسطين ؟
رأي الخاص هو ان كل انسان بتنازل عن وطنو لاي غرض هو انسان خائن
وبتمنى الرد بكل صراحة

المدير العام المشاركات : 22454

يلا منال جاوبي عالأسئلة قرب النطق بالحكم عليكي هههههه

1 - مـــاذا تعني لك الكتابه ؟

2 - نص قرأته بالمنتدى و لن تنسايه ؟

3 - شئ تتمنى إنه يتغير بهاالزمن ؟

4 - من هو أعز الناس إلى قلبك ؟

5 - اذا شعرت بالحزن كيف تعبري عن حزنك ؟

6 - ماذا يعني لك : ( الحزن , البحر , الصداقه , الحب )

7 - الحـــياة مليئة بالعجائب والغرائب.. أبرز ما تعجبتي منه ؟

8 - في نظرك: هل الكـتـابـة : مـوهـبـة أم عـاطـفـة ؟

9 - وأخر سؤال شو رايك بكرسي الاعتراف ؟ ومين ترشحي بعدك ؟

عم نستناكي

إن شاء الله ستعود وتجاوب ويارب تكون بخير اختنا منال

ان شاء الله يارب

يمكن مللت من كتر الاسئلة

لا ابو عبدو اليوم رجعت بس هلأ اكيد عندها امتحانات ورح نطرها لتجاوب وحجتجاوب بإذن الله

سؤالي الك ...شو تصورك لحياتك بعمر 30 سنة وشو هي الاحلام والاهداف اللي لازم تكوني محققتيها باذن ربنا بهل العمر ؟؟

nidalsuper كتب:: كيفك أخت منال
شو رايك بأنشداد الشعب العربي لمتابعة المسلسلات التركية

الحمد لله انت كيفك نضال

اممممممممم
المسلسلات التركية
برأي الخاص هي ظاهرة سلبية وما بشجع اي واحد يتابع هيك مسلسلات
بس المشكلة ان كل الشعب العربي مشدود الها بشكل غير طبيعي وصار كل حكيهم عنها
وبقلدهم كمان بكل تصرفاتهم وهاد شي ما بصير لانه ما بيتابق مع دينا الشرعي
شكرا لسؤالك
وانا ما بحضر هي المسلسلات

لؤلؤة كتب:: ماهي الألوان المفضله لديكِ أثناء انتقاء الملابس ؟؟
افضل اللون الاخضر والفوشي والاسود
ما هو الاكسسوار الذي لا تستغنين عنه في كل مناسبه؟؟
الساعة البيضاء
لانها هدية غالية على قلبي

هل تفضلين الملابس الرسميه او السبورت ؟؟
على الاغلب السبورت
بس اكيد حسب المكان يلي رح اتواجد فيه

من هي الشخصية المشهوره التي تجذبك أناقتها ؟

ما في شخصية محددة
شكر لك لؤلؤة

بانتظارالمزيد

shms كتب:: 1 - مـــاذا تعني لك الكتابه ؟
لكتابة بتعبر عن مشاعرنا وتعكس شخصيتنا
2 - نص قرأته بالمنتدى و لن تنسايه ؟
موضوع عن فتاة كانت تجلس على الانترنت والايميل وتدردش وتحكي وتكذب وفجاة ماتت وهي عم تتمنى ترجع لتصلي وتعمل خير وتكفر عن ذنوبها
هو موضوع رائع
وفيه عبرة لكل الناس
3 - شئ تتمنى إنه يتغير بهاالزمن ؟
اتمنى الانسان يتغير ويرجع متل زمان بحبه وبساطته
4 - من هو أعز الناس إلى قلبك ؟
اكيد ماما وبابا
5 - اذا شعرت بالحزن كيف تعبري عن حزنك ؟
بالبكاء
6 - ماذا يعني لك : ( الحزن , البحر , الصداقه , الحب )
الحزن:تجربة قاسية بس للاسف الكل بمر فيها
البحر : متل الدنيا ساعة بتهدى وساعة ما بنعرف شو بصير
الصداقة : كنز لا يقدر بثمن وهي قليلة في هاد الايام
الحب : تجربة ما في شخص بمر فيها الا رح يعاني
ما بعرف هيك بسمع
شخصيا ما جربتوا
7 - الحـــياة مليئة بالعجائب والغرائب.. أبرز ما تعجبتي منه ؟
اتعجب من حال الانساب لانه بيعرف وين الخير والنجاة لنفسه بس مع هيك بيتجاهل هالشي وبيستمر في المعاصي والذنوب
8 - في نظرك: هل الكـتـابـة : مـوهـبـة أم عـاطـفـة ؟
عاطفة لان الواحد ما بيكتب دائما
بس وقت تكون لديه مشاعر ورغبة ليبدع في كتاباته
9 - وأخر سؤال شو رايك بكرسي الاعتراف ؟ ومين ترشحي بعدك ؟
كرسي كتير مريح وموضوع مميز
واول مرة اجربوا
وارشح بعدي فارس
ازا ممكن

بتشكرك على الاجابة

نورتييي

دمعة الامل كتب:: سؤالي الك ...شو تصورك لحياتك بعمر 30 سنة وشو هي الاحلام والاهداف اللي لازم تكوني محققتيها باذن ربنا بهل العمر ؟؟

هلا دمعة منورة

حياتي بعمر 30 سنة ازا تحققت احلامي اكيد رح تكون جميلة وحلوة
ان شاء الله اكون رايحة عمرة او حج
ومخلصة دراستي عم اشتغل ساعد اهلي بالمصروف
الله يطول بعمرهم
ويمكن كون متزوجة ((ما حد بيضمن شي ))
ويمكن كون احد مشرفي هاد المنتدى
ههههههههههههههههه
ازا الله كتبلنا عمر ل30 سنة
ان شاء الله
منورة مرة تانية
سؤال مهضوم

طيب منال
مع اقتراب صدور العفو عنك وانهاء نيابتك على الكرسي

حسالك سوال اذا عرضت عليكي الفكرة للجلوس على هذا الكرسي من بعدك هل بتقبلي

وكمان سوال
شو هو اكثر سوال محرج واجهك

وكمان شو هو اكثر سوال خلاكي تفكري باجابتو
وكمان
شو هو شعورك لما تغيبي عن المنتدى مدة ما وبترجعي مرة تانية
وماكترت عليكي صح ههههههه

fareslove كتب:: طيب منال
مع اقتراب صدور العفو عنك وانهاء نيابتك على الكرسي
معقول رح يجي شخص غيري هون على الكرسي بس رح اشتقلها
الله يعين يلي بعدي مني ومن اسئلتي
حسالك سوال اذا عرضت عليكي الفكرة للجلوس على هذا الكرسي من بعدك هل بتقبلي
اكيد بقبل
وكمان سوال
شو هو اكثر سوال محرج واجهك
كل اسئلتكم زي العسل ما في شي محرج غير سؤال شو بتعملي لما تعصبي
هههههههههههههه
وكمان شو هو اكثر سوال خلاكي تفكري باجابتو
في اكتر من سؤال خلاني افكر بالاجابة
واكتلر شي سؤالك عن حل العالم العربي وكيف بدي ارسم لوحة تعبر عنه
وكمان
شو هو شعورك لما تغيبي عن المنتدى مدة ما وبترجعي مرة تانية
ما بعرف بس بضل بالي مشغول شو عملتو شو في مواضيع وردود جديدة
لما ارجعلوا بحس بتميز وكأني صار لي غايبة سنة كاملة
تعودت عليكم شو اعمل
وماكترت عليكي صح ههههههه
لا معقول انت كل اسئلتك خفيفة
منور

مشكورة جدا على الاجابات المميزة على الاسئلة وبتمنالك النجاح وتحقيق كل احلامك

اممممممممممم للأسف الشديد كنا مبسوطين كتير بمنال واجوبة منال الرائعة

لكن لكل امر نهاية

باسمي واسمك جميييييييعا اشكر اختنا الغالية (دمعة فرح) على تميزها الرائع في كرسي الاعتراف

وفي المنتدى واتمنى لها عام جديد سعيد باذن الله
وأشكر كل من ساهم بانجاح الموضوع وكل من شارك به

وإلى اللقاء مع ضيف جديد في الحلقة القادمة من كرسي الاعتراف

شكرا لكم

بانتظار الضيف الجديد

بنتظارالضيف الجديد فارس

بس حاول تستعجل يعني شي سنة من الزمن نحن منستنا

بتجنني انتي واجوبتك ...كنتي ضيفة خفيفة عالقلب ...بس للاسف مافضيت كتير استفرد فيكي ...ههههههههههه

هههههههههههه

يلا مو مشكلة
خلص انا وانت بنستفرد في العضو يلي بعدي
هههههههههههههههه
رح نهري اسئلة
منورة امولة

ههههههههه الظاهر هروكي بالاسئلة وحابة تنتقمي هههههههههه

اي يلا قرنا العضو الجديد حضرو حالكن

بس عندي مشكلة بالنت ما عم يبعت مواضيع ولا رسايل رح يجنني

هههههههههههه

لا امول ما هروني
بالعكس اسئلتهم حلوة كتيير
يلا فارس
نحنا بانتظار العضو الجديد

عم نستنى

شو رايكوا بهالعضو نبليه بالكرسي

» الصديقة (yasoo) ضيفة الشرف على كرسي الاعتراف "تفضلوا"
» الصديقة (ابتسامه امل) ضيفة الشرف على كرسي الاعتراف "تفضلوا"
» الصديقة (katrena) ضيفة الشرف على كرسي الاعتراف "تفضلوا"
» الصديقة (نسيم الصبآح) ضيفة الشرف على كرسي الاعتراف "تفضلوا"
» اختنا الغالية (amr el liali) ضيفة كرسي الاعتراف " تفضلو "

الصديقة (دمعة فرح) ضيفة الشرف على كرسي الاعتراف "تفضلوا"