ياسوو بتاعكس فى التليفون فى السوبر ماركت ؟؟؟؟

السلام عليكم ورحمة الله وبركاته



معاكسة ياسو




دية بنت صغيره بتعاكس صاحب السوبر ماركت فى التليفون يلا نشوف عملت معاه ايه.

ترن ترن ترن ترن

صاحب السوبر ماركت : الو سوبرماركت اطلب واتمنى فى خدمتك .


ياسو: الوو البوليس بوليس النجده .


صاحب السوبر ماركت : بوليس ايه يابنتى لا احنا السوبر ماركت .


ياسو : الحقنى يا عمو الشرطى انا عاوزه ابلغ عن جريمه قتل.


صاحب السوبر ماركت :عمك الشرطى مين يابنتى انا بقؤلك انا صاحب السوبرماركت.


ياسو: وانا بقؤلك فى جريمه قتل.


صاحب السوبر ماركت :جريمه قتل يخرب بيتك وبتكلمينى اقفلى مليش دعوه.


ياسو : كده يا عمو الشرطى مش انتو برضو بتقولو ان الشرطه فى خدمه مجلس الشعب.


صاحب السوبر ماركت :مجلس الشعب ومجلس الشورى ايه يابنتى اسمها الشرطه فى خدمه الشعب.


ياسو : طب اخدمنى بقه ونفذلى طلبى.


صاحب السوبر ماركت :يابنتى اخدمك وانفذلك طلبك بس يكون حاجه سهله يعنى عاوزه نص كيلو جبنه براميلى على ربع لانشون


على علبتين جبنه نستو لافاش كيرى .انما تقولى قتل لا لحد هنا وستوب.


ياسو: مش بحب لافاش كيرى عندك بريزدون.


صاحب السوبر ماركت :ده انتى عيلة رخمة قوى بقا بتقولى عندك جريمه قتل وتكلمينى عاوزة بريزدون .


ياسو : ما الخوف اللى انا فيه جوعنى .


صاحب السوبر ماركت :بس للاسف مش هوصلك طلبك دليفرى عشان القتيل اللى عندك منا عارف الحركات دى اجيلك تكون كلمت البوليس وتقوليله هو ده اللى قتله .


ياسو : خلاص كتك الارف انت مش جدع على فكره.


صاحب السوبر ماركت :وانتى عيلة رخمة على فكره.


وقفل السكه.

.................................................. ....

شويه وجرس تليفون السوبر ماركت رن تانى .


صاحب السوبر ماركت :الووو


ياسو : الو الاسعاف.


صاحب السوبر ماركت : انتى هتستلمينى شكلك انهارده.


ياسو : لو سمحتى عاوزة عربيه اسعاف ماركه بيجو 7راكب مكيفه .


صاحبالسوبر ماركت :ما اجيبليك شيروكى احسن وبعدين بيجو 7 راكب ومكيفه ازاى يعنى.


ياسو: القتيل عندو نبض فى امل يعيش الحقنى بسرعه.


صاحب السوبر ماركت : انا امى دعت عليه شكلها انهارده .


ياسو : اكيد زعلتها هو فى احسن من حنان الام ياعمو دى الام دى مدرسه .


صاحب السوبر ماركت :بس يابت انتى هتعملى فيها استاذة وتكلمينى عن الام .


ياسو : انت راجل عديم الاحساس.


صاحب السوبر ماركت :وانتى عيلة ابرد منك ما شوفت.


وقفل السكه .


.................................................

شويه وجرس التليفون رن تانى.


صاحب السوبر ماركت :الووووووو.


ياسو: الووو المطافى.


صاحب السوبر ماركت : ياريت تولع عشان اخلص منك .


ياسو : يا عمو القتيل هيموت محروق منى الحقنى .


صاحب السوبر ماركت : هيموت منك مش عيب عليكى تبقا عيلة فى كى جى تو وتبقا قتالت قتله .


ياسو : متقلبش عليا المواجع بقه.


صاحب السوبر ماركت : عموما مفيش مطافى ولو عاوزه تتطفى عندك حنفيه بيتكو ابقى استعمليها.


ياسو : لالالالالالالالالالا يعنى خلاص مفيش امل صوصو كده هيموت منى.


صاحبالسوبر ماركت : صوصو ؟؟؟صوصو مين؟؟؟


ياسو : عصفورى اللى حرقته وخنقته ودبحته وكسرت رجله فى ساعه نرفذه.


صاحب السوبر ماركت : ده انتى مجنونة يا بت انا هكلملك العباسيه .


ياسو : سلام بقه كفايه هظار فى التليفون مش عيب عليك راجل كبير وتعاكس فى التليفون وكمان معاد نومى جه.


صاحب السوبر ماركت : يلاهووووووووووووووووووووووووووووى ده كانت بتشتغلنى









اية رايكو بقى فى ياسو هههههههههههههههههههههههه


متزعليش دية نكتة
هههههههههههههههههههههههههههههههههه
بلاش زعل

اخوكم العفريت