لمن يريد ان يغير اسم عضويته بالمنتدى ((الأحوال المدنية )) ^^

تذكير بمساهمة فاتح الموضوع :

السلآم عليكم ورحمة الله وبركاته ..

أرحب بكل من يمر بهذه الصفحة .. بتحية ملؤها الود والأخوة التي جمعتنا

وستضل تجمعنا على مدى الأيام بإذنه تعالى ..

فأهلا بكم أحلى إخوة أعضاء ومشرفين ومراقبين وزوار لهذا المنتدى الغالي ..

//

سوف نحلق سويا مع ضيف هذا االحلقة في هذه الجلسة الجديدة من كرسي الإعتراف
إنها أخت عزيزة وغالية علينا دخلت قلوبنا من أول لحظه وطأت قدماها منتدانا الغالي
انها من بلد الأبطال بلد العزة والإباء
لابد انكم عرفتموها
إنها الأخت الغالية بنت غزة الأبية ياسمين ( yasoo ) ضيفتنا الغالية على الكرسي
..

فأهلا وسهلا بها ضيف شرف على كرسي الإعتراف ..

شاكرين قبولها الدعوة ..

متمنين لك أختي المتعة والراحة بتواجدك معنا .. وتحملك لغلاظتنا

//
والبداية مع الاسئلة التقليدية ببداية الجلسه

1 - الإسم 2- العمر 3- المدينة - 4 - قصةو طريقة تسجيلك بالمنتدى بالتفصيل ( عم كنتي تبحثين § من دعاكي وكيف سجلتي .... استرجعي الذكريات واعترف بالتفصيل الممل )

وإليكم أعزائي .. حرية طرح اسئلتكم على ضيفنا

مع مراجعة قوانين كرسي الإعتراف ..

تقديري واحترامي للجميع ...

فـخـر المنتدى المشاركات : 2929

لك اهلا اهلا .....نور الكرسي .. اختيار موفق فارس ...

رح اسئلك كم سؤال عل الخفيف بس لتحمي شوي ...

- حكمتك في الحياة

- اروع قصة قراتيها (اسطورة او حقيقية )

- شخص تخافين من غيابه عنك .. وشخص اخر تتمني ان يخرج من حياتك

- امنية تتمنى ان تحقيقيها

- هدفك في الحياة

يالله هدول اسئلة عالسريع راجعتلك ياسوووووووووو لتشوفي شغل النكش مزبوط ..ههههه

فـخـر المنتدى المشاركات : 2670

نورتي الكرسي اخت ياسمين وبتمنالك الصبر

شلونك ان شاء الله تمام

1- كيف تأ قلمتي مع الحياة ومع من

2- كم اخ لديكي

3 -انتي من الناس الذي قدرو قيمت الحياة وليماذا

اسئلة حلوة ولطيفة بتمنا لك النجاح على الكرسي

فارس دير بالك تشغل كرسي الكهرباء عليها

تحسي انك سعيدة بحياتك؟

مرحبا ياسو كيفك اليوم مشكورة على ردك ما هي احلى قصة مرة عليكي في حياتكي

محمد مهدي عكش كتب:: أهلا و سهلا ياسو ...
نورتي الكرسي ...
لو كنتي مقدمة برامج ... فشو نوع البرامج اللي بتحبي تقدميها ...

نووووووووووووورت القعدة هلوقت
يسلمو ياعكش

انا بامووووووووووووووت على المقالب بعدين فش اشطر مني فيها

يعني برنامج الكاميرا الخفية

MARWAN1985 كتب:: سوئال واحد بكفي

لو خيروكي تغيري اسمك شو الاسم ييلي بتختاري

انا اقول لو

يسلمموو مروان

لو لو لو كان الامر امري

كنت راح اختار سلمى

fareslove كتب:: سوالي محرج انا اختي كيف بتفيقي عصلاة الصبح وانتي دايما سهرانة بالليل

لا سؤالك عادي بتنور انتا

انا اصلا في البيت مشغليني المنبه تاعهم لصلاة الفجر باصحي العيلة
باصلي الفجر وبعديها بانام وباصحى على 10 باشوف شغل البيت

ههههههههه كاميرا خفيه ولي سؤالي الك من هو العضو الذي تنتظري مواضيعه ومن هو العضو اللي تنتظري ردوده او تعجبك ردوده ومن هو العضو اللي تفضلين وجوده في وقت تواجدك بالمنتدى

دمعة الامل كتب:: لك اهلا اهلا .....نور الكرسي .. اختيار موفق فارس ...

يسلمووو كتييييييييييييييير ياملكة الجماهير

رح اسئلك كم سؤال عل الخفيف بس لتحمي شوي ...
ههههههه طيب

- حكمتك في الحياة
لا تتامل كتير

- اروع قصة قراتيها (اسطورة او حقيقية )
اسطورة الرسول عليه الصلاة والسلام

قصة رومانسية حبيب العمر

- شخص تخافين من غيابه عنك .
بابا باخاف مايرجع على بيتو لما يتاخرباخاف يكون سار معو شي
. وشخص اخر تتمني ان يخرج من حياتك
فش حد

- امنية تتمنى ان تحقيقيها

تتحرر فلسطين وازوها القدس

- هدفك في الحياة
اعيش ماانذل لحد

يالله هدول اسئلة عالسريع راجعتلك ياسوووووووووو لتشوفي شغل النكش مزبوط ..ههههه

عيب ياعمي انا جاهزلك على طول

الله يعينك لحقي أجوبه

king -2009 كتب:: نورتي الكرسي اخت ياسمين وبتمنالك الصبر
منورة بوجودك

شلونك

احمر ههههههه من اسئلتكو المحرجة
ان شاء الله تمام
الحمد الله

1- كيف تأ قلمتي مع الحياة ومع من
الحياة ممر والاخرة مقر
اني مااسمع الا كلام نفسي طالما مافيه حرام
مع العائلة الاصدقاء الاقارب

2- كم اخ لديكي
اخ تلاتة
اخت 2 وانا التالة

3 -انتي من الناس الذي قدرو قيمت الحياة وليماذا

لا الحياة فانية لا داعي للخطأ فيها
وانا كل يوم بيموتلي حد من العيلة هما بيرتاحوا واحنا هون بنبكي

اسئلة حلوة ولطيفة بتمنا لك النجاح على الكرسي

فارس دير بالك تشغل كرسي الكهرباء عليها

حرام عليك عمر شو عملت انا
والله كل يوم باتكهرب بكفيني تسخين الخبز
بس انا الكهرب من فارس عسل راح تكون

لؤلؤة كتب:: تحسي انك سعيدة بحياتك؟

يسلمووو ياسمين والله نورتي
الحمد الله الي بيعرف ربنا بيرتاح بالو
بالرغم من البلاوي الي بشوفها
والحرب
والضحايا
وكل هاد
لكن بشكل عام حياتي فيها السعيد وفيها التعيس

تقريبا مافي عندي ههموم يعني سعيدة نوعاا ما

abood كتب:: مرحبا ياسو كيفك اليوم مشكورة على ردك ما هي احلى قصة مرة عليكي في حياتكي

نورت الموضوع تاني والله

اممممم
يعني
قصة مضحكة كتار هما بس مو زاكرة
يعني
مرة معلمة بالسوق شافتني مع امي
لهيا المعلمة بتقلي: كيف حالك ياياسمين شوو اخبارك؟؟
وانا اقلها :الحمد الله
وشوية حكي والمعلمة راحت
ماما بتسالني:مين هاي ؟
باقلها انا:معلمو عندي بالمدرسة
لهيا بتقلي امي: شو اسمها ؟؟
باقلها: مش عارفة
بتقلي امي: ماشاء الله والله يابنتي بترفعي الراس شكلك شطورة لدرجة انو المعلمة حافظة اسمك وانتي مش حافظاه
لانا باقلها :لأ ياماما هاي تعت تسجيل البنات الي بيتاخرن دايما عن الدوام المدرسي
فحفظتو من كتر مابتسجل اسمي عندها
.....
فماما كانت ردت فعلها تبهدلني وتقلي الله يهديكي

mostafa كتب:: ههههههههه كاميرا خفيه ولي سؤالي الك من هو العضو الذي تنتظري مواضيعه ومن هو العضو اللي تنتظري ردوده او تعجبك ردوده ومن هو العضو اللي تفضلين وجوده في وقت تواجدك بالمنتدى

ولاية ولا انا اكبر منك
هههه

العضو الي انتظر كل الاعضاء والله اكثرهم فارس
ااما ردوده كل الاعضاء محمد
العضو الي افضل تواجده كلكوا بدون استثناء دمعة الامل

اختي ياسمين بالعدوان الأخير على غزة هل استشهد أشخاص من أقربائك وهل طال الدمار بيوتكن وأراضيكن
ياريت تحكيلنا بالتفصيل عن العدوان على أسرتك وحارتكن بشكل عام

مشكورة ياسمين بس انت كتبتي انك بتدرسي تعليم اساسي
وقلتي انو افضل صديقة في الجامعة كيف هيك

سوال الك
ما هي مواصفات الشاب الذي تتمنية دون خجل امر طبيعي

2- كيف بعدي رمضان عليكي شو بتساوي يعني شلون بضيعي وقتك في رمضان

fareslove كتب:: اختي ياسمين بالعدوان الأخير على غزة هل استشهد أشخاص من أقربائك وهل طال الدمار بيوتكن وأراضيكن
ياريت تحكيلنا بالتفصيل عن العدوان على أسرتك وحارتكن بشكل عام

اوكي فارس

راح اقلكوا قصة سارت قدامي

الي قرايب ساكنين بعاد عنا شوي فبيتهم انهد فماكان في مكان يلمهم واهل يرحبوا فيهم غيرنا
فصاحب العائلة يعني الوالد تاعهم استشهد
فكان النساء بزغرطن كتييييييير وصوت عالي لدرجة انو كل الجيران طلعوا من الشبابيك يشوفوا شو فيه

فخلال خمس دقايق الا ماهالسيارة جاية وجايبة ابنو لشهيد فكان صوت الزغاريط يعني عالي لابعد الحدود
واحنا بيتنا كان عنا اربع عائلات اضافية بيوتهم مهدد بالدمار فكان صراخ وزغاريط تحت بالشارع

والناس الي عنا كلهم بيبكوا مع انو
الاربع االعائلات الي كانت عنا ولا وحدة بتعرف الشهيدين

لكن من الصوت هاد الكل سار يبكي

طبعا في اصابات كانت في العيلة منهم بتر برجليه والي بايديه

من ناحيتي فترة الحرب كنت مريضة بسبب الغازت الي بيرموها

ونص شهر الحرب وانا ماباقدر اتحرك

محمد فاعور كتب:: مشكورة ياسمين بس انت كتبتي انك بتدرسي تعليم اساسي
وقلتي انو افضل صديقة في الجامعة كيف هيك

الله يخليك
مش فاهمة عليك يعني
انا بالجامعة بادرس تخصص تعليم اساسي وهلوقت الي صديقة تعرفت عليها بالجامعة
مع انها بتعرفني قبل كانت تشوفني مع صديقاتها لانو انفصلن كل وحدة مجال الي علمي والي ادبي

سوال الك ياعمي كل الاسئلة الك

ما هي مواصفات الشاب الذي تتمنية دون خجل امر طبيعي

يعني قصدك مواصفات زوج المستقبل
اممممممم حلو سؤالك

الدين

الاخلاق

يكون عندو شقة عشان مااطاوش مع حماتي

متعلم متلي او اكتر

موظف مابدي اياه يكون غني لانو ماراح يهتم فيا قد ماراح يهتم بالفلوس

2- كيف بعدي رمضان عليكي شو بتساوي يعني شلون بضيعي وقتك في رمضان

باضيع وقتي لا لا لا

برمضان طبعا باتصحر وبنصلي الفجر جماعة وباضلني صاحية لحد ماراوح على دوامي

بعيدن بانام
باصحى باساعد ماما

مالي بالمسلسلات كتير يعني

الدراسة لا طبعا
لا بالايام العادية ولا بايام رمضان

سلام

لو لو لو كان الامر امري

كنت راح اختار سلمى[/quote]

مشكورة اخت سلمى اه عفوا ياسو

ههههههههههه

لا ياسمين احسن واحد

بعدين يامروان هاد الاسم ذكرى من عمي

عزيزتي ياسو بحييك وحاب اسال سؤال

* رغم انك فلسطينية كما تقولين لكن لم ارى لكي مواضيع
بقسم فلسطين ؟ شو السبب ياترى ؟

شو بتتمني تشتغلي بالمستقبل؟

نورتي مكاتك...
انشالله بس مستعدة ..وجاهزة ومروقة....

اسئلتي بتكون خفيفة لش..لأنو راح ارجع مرة ثانية وبنقلب للجد....

1...بطاقتكِ الشخصية..اسمكِ..عمركِ...تدرسي ولا لا...وحالتكِ الاجتماعية...

2...ماهو هدفكِ في الحياة؟؟

3..متى تكوني متضايقة..
ومتى تكوني فرحانة من قلب...

4..اصعب موقف مر عليكِ ولم تستطيعي التصرف؟؟

5...ماهو حلم حياتكِ ؟؟وهل تتوقعي ان يتحقق ..ام لا؟؟

6 اخر سؤال كالعادة ؟؟؟ماهو رأيكِ بــ احساس بريء بكل صراحة؟؟؟

بالتوفيق يالغالية ..لي عودة قريبا....

امير الاحلام كتب:: عزيزتي ياسو بحييك وحاب اسال سؤال

* رغم انك فلسطينية كما تقولين لكن لم ارى لكي مواضيع
بقسم فلسطين ؟ شو السبب ياترى ؟

منور المنتدى فيك امير

صراحة انا كنت متوقعة هاد السؤال انسأله من زمان بس الحمد الله ماحد سألني اياه
لعند مانتا شرفت القعدة

ببداية تسجيلي لمنتدى كنت اشارك
فموضوع رديت عليه

صاحبة الموضوع بتشكي ليش انشالت صورة احمد ياسين
من موضوعها
مين منا بينكر شو عمل احمد ياسين

يعني الا مايدخل امر السياسة والاحزاب في مواضيعنا

فمو مستعدة اعبر عن رايي والاقي شي محذوف

في اسباب تانية بس هاد السبب الي شفتو بالمنتدى

لؤلؤة كتب:: شو بتتمني تشتغلي بالمستقبل؟

انا راح اسير ان شاء الله مدرسة اطفال
بس كانت امنيتي اني اشتغل بالمختبرات بالكيماء
لكن مافي مجال لببنت غير التعليم والتدريس

يسلمووو ياسمين واحد

اختي ياسمين صورة احمد ياسين ما انشالت بمنتدانا من أي موضوع
؟؟؟؟
وأي شي مابينحذف عنا لانو كل انسان بحط رأيو وحقو ينصان رأيو
وفش ولا موضوع انحذف ولاصوره ولاحتى رد الا بحالات الاساءة للاعضاء
وقسم فلسطين عنا بيخدم القضية دون النظر لأي حزب او حركة وبظن انك ماتصفحتي القسم مزبوط اختي ولو تتصفحيه حتشوفي اشيا حلوة كتير ونقاشات رائعة وما بتخدم الا قضيتنا الأولى والأخيرة

اختي ياسمين صورة احمد ياسين ما انشالت بمنتدانا من أي موضوع
؟؟؟؟
وأي شي مابينحذف عنا لانو كل انسان بحط رأيو وحقو ينصان رأيو
وفش ولا موضوع انحذف ولاصوره ولاحتى رد الا بحالات الاساءة للاعضاء
وقسم فلسطين عنا بيخدم القضية دون النظر لأي حزب او حركة وبظن انك ماتصفحتي القسم مزبوط اختي ولو تتصفحيه حتشوفي اشيا حلوة كتير ونقاشات رائعة وما بتخدم الا قضيتنا الأولى والأخيرة

» الصديقة (دمعة فرح) ضيفة الشرف على كرسي الاعتراف "تفضلوا"
» الصديقة (katrena) ضيفة الشرف على كرسي الاعتراف "تفضلوا"
» الصديقة (ابتسامه امل) ضيفة الشرف على كرسي الاعتراف "تفضلوا"
» الصديقة (نسيم الصبآح) ضيفة الشرف على كرسي الاعتراف "تفضلوا"
» اختنا الغالية (amr el liali) ضيفة كرسي الاعتراف " تفضلو "

الصديقة (yasoo) ضيفة الشرف على كرسي الاعتراف "تفضلوا"