لمن يريد ان يغير اسم عضويته بالمنتدى ((الأحوال المدنية )) ^^

خوليه ..... هي البشكير أو المنشفة

جمجايه...وتلفظ (تشمتشاي)... . هي يعني معلقه السكب المقعرة

سكرتون.... يعني خزانة

لا تجقجق .... يعني لا تدوس على الماء ( هي إذا كانت الأرض ممسوحة)

عوجة ... كوع

اشبك ؟ --- سؤال استفسار

علوّا ... أي يا حبذا

اشلك فصتون ؟ .... يعني بالشامي شو بدك فيون

تعوّقت ... يعني تأخرت (وبقلك المتل بحلب المتعوق حجتو معو )

باتشاية ... غطاء الوتش ===> الوجه

عجب . . أداة تعجب حلبيه المنشأ (عجب خيو محما را يجي اليوم ولا لا ؟ )

كنجفة و سكمبيل ... من مرادفات ورق الشدّة

آط .... هي مرادف لكلمة طابق (يعني فلان ساكن بالطابق الخامس أو خامس آط )

فرشخانة......هي اللي بيلتم فيا الوسخ..(السفاية)

خطّار .... يعني ضيوف

باب السقاق(السآء).....يعني باب الدار

جوجحانة .. معناها المرجوحة

قفه .... سله من خيزران يوضع فيها التين عادة .....

سئّاطة او سقّاطة و هي القطعة المعدنية اللي بندق فيها باب الصئاء أو باب البيت

و بتجي كمان بمعنى سئّاطة الكبة و هي قطعة الكبة بصينية ......

انصرة ..... يعني اغتنم الفرصة (مثال--- انصرة انتو عنا يعني نغتنم فرصة وجودكم عندنا )

فصط ... يعني وسط (شنو عدم المآخذة : نحن من فصط حلب )

ديوانة ... كناباية

وأخيرا أقدم لكم هذا اللقش (الحكي) مع الشرح و إعراب المفردات :

"إش عم تلقش أبوي .. ؟؟ تقبش قلبي صرلي عايش طول عمري بفصط حلب وطاول طاول ما

سمعت كلمة أخرمش السما . دي حاج تقسيم علينا حج أبو عبدووو "

شرح المفردات :

طاول طاول .... يعني أبدا أبدا

دي بالحلبي أداة تحريكيه .. يعني دي خيو .. خلصنا (هي بالمشرمحي)

وتعرب هذه الكلمة كالتالي ..دي أداة فجلقه حلبيه لا محل لها من الإعراب

مصطلحات حلبية عن أسلوب الاختصار:

تاااا ... بدل من تعال

رووو ... بدل من روح

ما راي .... بدل من مالي رايح

ابخالتي ... بدل من ابن خالتي

شأساعه ... بدل من شقد الساعة

صعي ... أداة استدراك بمعنى صحيح

جنق وتلفظ (تشنء)... هي الصحن

مشكوووووووور

مشكووووووووووورابو عمور الله يعطيك العافية على التوضيح وهي بوسة من شراوبك خيو

بس هي الكلمة ما فهمتا نعي اشو هي خيو/خوليه/ دي فسرا

مشكور ابو عمر

يسلم هالايدين عراسي عمي ابوعمر

اشو هالكلمات شي كويس

مشكووووووووور يا غالي
تسلم ايدك

» أقدم لكم بطاقتي الشخصيه
» ميزات المرأة الحلبية
» بدك تاخد الجنسية الحلبية ... فوت عل الاختبار ...
» تعلم اللهجة الحلبية بثلاث دقائق
» اختبر شخصيتك بالعربية الفصحى و باللهجة الحلبية

أقدم لكم بعض المفرادت الحلبية