لمن يريد ان يغير اسم عضويته بالمنتدى ((الأحوال المدنية )) ^^

----------------------------------------

دشرو : حل عنّو : يعني دعه و شأنه...ومنه يقال دشّرني:أي حل عني...وحل عني يعني اتركني بحالي.

ماني غضران: يعني لست بقادر وهي بالميداني. ( والميدان هي من مناطق دمشق القديمة وسكانها هم الشوام الاصليون )

الواه الواه : تعبير بدل عالمسخرة على شي

تشكل آسي : يعني تعبير يفيد شدة حب المتكلم للمتكلم عنه.....
والشرح الدقيق ( آسي ) هو الورود التي توضع على القبر ،، تشكل آسي يعني تضع الورد على قبري
ويدل على الرغبة في الموت قبل الحبيب .. (

ولا: أداة تستخدم في النهر والشتم.

وخنان: مسبَة موحلوة بس وضعتها للضرورة اللغوية.

واطي: كمان مسبَة مانها ظريفة بس أيضا وضعت للأمانة اللغوية.

ايدي بزنَارك: تعبير يستخدم للتعبير عن الرجاء أي ( داخل على الله ثم عليك )

شَعرها متل الشوشة: أي أن شعرها منفوش ومنكوش يعني مثل بنات هالايام

وضرَاب السخن : وهي مسبَة وتعني ...... ان تصيبك الحمّى والحرارة(نار)

كوكِش أو فتـّـش بحبش : أيضا مفردة تعني البحث مع التمحيص

ينمحئ = ينضرب على قامتو = يسطفل = خلّك بس ماعليك منه

يتحورق : كمان متل يبعتلو حمّى

يتقوص : بنفس المعنى .. و في كمان كلمة : تتأمّع (هيك شي) بنفس الباب .. كلها دعاوي تنطلق في حالة الغضب.

عود يعـّـد رزك (اقعد يقعد رزَك) ... يعني خيلتنا حاجة تحوص يعني اهجد .. المعنى الأدق .. يقعد رزك يعني تموت والناس ياكلو رز ... لانو لمّا حدى بيموت من العادات انو بتصير عزيمة وبيطعموا الناس اوزي على روح الميت والاوزي اكله معروفة بالشام عبارة عن رقائق عجين محشية رز ببزاليا.

وين غاطط : يعني وينك مانشوفك ؟؟

والسبع تنعام : يعني النا الشرف. ،، تشرَفنا

ما بيعرف الخمسه من الطمسه :عن الرجل اللي ما عنده ثقافه.(؟)

سرّي مرّي : تقال للي دايما داخل طالع من البيت

شروي غروي او شندي بندي أو علاك مصدَي : كلها تحمل نفس المعنى وتقال على الرجل الذي يحكي كلام فاضي

مجنّط - فايت بالحيط - طاقق الفيوز : كلهم للدلاله على واحد رايح فيها ومايدري عن شي

مأنشح- كحته و بيحب الشحته -ايدو ماسكه : تقال على البخيييييييييييل

شاطط و ماطط : يعني مدلع زيادة \ شي ممدود كتير

نايط : يعني شخص بارد.

شاضومه : يعني بنت مجلوئة ...يعني .. قليله ادب و مصبينه.

شحاطة : هي الي بيلبسوها بالرجل .. بمعنى تاني صرماية أو تاسومة
تعسيله : نومه بعد الظهر.

مسرسبة : يعني بتحب النظافة كتير.

تاكلك الدودة العميا : وهي دعوة ،، الدودة العميا هي دودة القبر .. يعني الواحد يموت و ياكله الدود بعيد الشر عنكن انشالله .

يبعتلو اتلو شو سمج : ( أتلو = قتله ) .. يعني انشالله يموت و كلمة سمج يعني غليظ وثقيل الدم
موسوس : يعني دائم الشك

عقلو جوزتين بخرج : الجوز نوع من المأكولات يكون على شكل كرة صغيرة ،، خرج يعني كيس كبير فتخيل ان رجل عقله كرتين صغار داخل كيس كبير جدا ،،، يعني عقله صغير.
متل الاطرش بالزفة : الزفّه وهي التي يسووها في العرس يعني شخص اطرش وجالس فس زفة العرس ،، يعني ماله علاقة بالموضوع .

حاج تحوص متل الصوص : يعني يكفي حركة و لف ودوران زي الصوص .

ماخرطت مشطي : مادخلت براسي

كرجي : كنسي

ولسه في كتير شغلات ازا عندكن شي مو محطوط هون كتبوه مشان نطالع معجم للهجة السورية ..

شكرا لوسي بس هاي لهجتنا السورية الها 50 شكل عنا
حلبي وشامي ولاذقاني وحمصي وديري وجبلي وووووو حبس كل منطقة
وبظن هاي اللهجة الشامية أقرب شي الها

مشكوورة وان شاء الله نتعلم منك الكثير

fareslove كتب:: شكرا لوسي بس هاي لهجتنا السورية الها 50 شكل عنا
حلبي وشامي ولاذقاني وحمصي وديري وجبلي وووووو حبس كل منطقة
وبظن هاي اللهجة الشامية أقرب شي الها

اي مزبوط هي شامية تقريباً يعني متل لهجتي

يسلمو لوسي على هذا المجهود الرائع

مشكور ع مرورك اخي

اللهجه السوريه حلوه اوي

والمصري حلو بردو بس الكلام المكتوب بجد تحفه

انا شيرين عضوه جديده من ام الدنيا مصر وانا سعيده اني هكون معاكم

مشكورة بنت العم

كلامكم حلو كتيييييييييير و هلأ أنا حفظت بعض الكلمات
يسلممممممممممموووووووووووووووووو

حلوة هاي الكلمات بس كتيييير منها نحنا بنحكيه

يسلمو

اي سارة لازم تتعلمي سوري حتى تفهمي ةعلينا

هدى الاردني والسوري قريبين من بعض لا تستغربي

هههههههه

جد بس اكيد مو الاردني الاصل

والله لتطفشوا

ههههههههههه

نحنا ما بنفهم عليهم

اي والله من كثرت دخولي على المنتدى
صرت أحكي بالبيت مثلكم
والله راح أجنن امي هههههههههههههههه

يسلموووو
لوسي
يلا هسة كل اللي بالمنتدى بيسيروا سوريين

هههههههههه
والله انا مبسوطة لانو كتير مشاركين من دول تانية
اول ماسجلت ماكنت افهم اشي
بس هلوقت شوية غيروا
وشوية انا تعودت بردو
والاعضاء تجددوا كمان
بس بس بردو الاصل الو معزتوو

sara 89 كتب:: اي والله من كثرت دخولي على المنتدى
صرت أحكي بالبيت مثلكم
والله راح أجنن امي هههههههههههههههه

هههههههههه سارة خليها تحضر مسلسلات سورية حتى تصير تفهم عليكي

دمعة فرح كتب:: يسلموووو
لوسي
يلا هسة كل اللي بالمنتدى بيسيروا سوريين

هههه منال بتوخدي سوريتي وبتعطيني فلسطينيتك ؟؟

[quote="yasoo"]

هههههههههه
والله انا مبسوطة لانو كتير مشاركين من دول تانية
اول ماسجلت ماكنت افهم اشي
بس هلوقت شوية غيروا
وشوية انا تعودت بردو
والاعضاء تجددوا كمان
بس بس بردو الاصل الو معزتوو

[/quote]

امممممم بس عقدوكي هدول الحلبيين ياياسو هههههههه

ههههههه

اي والله

هديك المرة من غير ئصد حكيت كلمه سوريه

ههههههه

طبعا حكيتها لاختي لما كنا بالمدرسه هي معلميتي

وصفنت فيني بعدين انا سرت اضحك

ههههه

fareslove كتب:

sara 89 كتب:: اي والله من كثرت دخولي على المنتدى
صرت أحكي بالبيت مثلكم
والله راح أجنن امي هههههههههههههههه

هههههههههه سارة خليها تحضر مسلسلات سورية حتى تصير تفهم عليكي

احننا أصلا بنشوف غير المسلسلات السورية هههههههههههههه

بس انا راح ظل على الاردني
وانت سينشي
انا في رأي الاردني احلى محد يزعل هاد رأى شخصي

هههههه

الصراحه انا بحكي شوي من السوري كلماتنا بتشبه كلماتهم

لاني انا اصلا مو اردنيه انا عايشه في الاردن

انت بتحكي اردني ؟؟؟؟؟؟؟

من وين انت؟؟؟؟؟؟وشو عيلتك؟؟؟؟؟

شو قرأتِ اسمي المسجلة فيه شو عائلتي من الطفيلة بس سكان اربد

اها

ههههههه

العتب عالنظر والله ما انتبهت

ههههههه

يعني انت اردنيه الاصل

اهلا وسهلا بتشرفينا انت وكل اهل الاردن

ههههههه

ال يعني انا مو من الاردن

ههههههه

الطفيله حلوة واربد كمان

اي وحده بتحبيها اكتر؟؟؟؟؟؟؟

اه اردنية بس ما تقولي متعصبة
انا بحب الطفيلة اكتر
شو ناسي انتي محسوبة على الاردن مش هيك
وانتي من وين ؟

» تعلم اللهجة السورية لكل مبتدئ
» اللهجة الخليلية
» تعلم اللهجة الجزائرية
» اللهجة اللادئانية ( اللاذقانية )
» اللهجة الجزايرية.... dz joker