لمن يريد ان يغير اسم عضويته بالمنتدى ((الأحوال المدنية )) ^^

قصيدة شفت عيونا فسط الكاسة للشاعر أبو حبَو من الكلاسة

شفت عيونا فسط الكاسة...

فسط الكاسة..

فسط الكاسة شفت عيونا

تقدح متل الونّاسة

حلوة متل مربّى المشمش...

ونظراتا بتعبّي الطاسة--

يخرب بيتا..

يخرب بيتا شقد حبّيتا...

قلعتلي قلبي من جرنو--

ساوتني بيضة فقّاسة

كسرتتني متل البطّيخة..

حتى صرت ....حزوز حزوز

هالمخلوقة...ينعن طيخا..

حلوة متل "العنبر بوظ"--

فيزونا...

شمّطلي عيوني...

وطيّرلي من راسي الظوظ--

أخدتلي واحد شرشوح..

وهي حالة دنيتنا..حظوظ

راحت حبّت واحد غيري..

جبلا بيتين وسيارة

ودشدوش...

وجبلا سنّارة..

مابعرف إشقد كان عيارا

بس البعرف..

إنّي كل نسوان الحارة

غاروا منّا..

وشالوا عالمشتشفى الجارة

فطسانة...وما منّا شارة

لمّا شافت هالسنّارة

فلّس جوزا...

وصارت متل الجيجة العوزا

على طول مهرهر شحوارا

ورجعت لعندي زعلانة..

باستلي إيدي من الكوع..

وقالت : سامحني ...ندمانة

قلتلا : روحي من وجي

حاجة تنّقي ياكرارة..

كنتي عندي متل الوردة

وهلّق ...صرتي متل القردة

كم كاسة قهوة ضيّفتك

وكم سيكارة ستأجرتلك و كم مسكليت -

روّحت عليها سحّارة
وكم رفسة طعماني أبوي..

وكم طيّارة..

وكم حرب علقنا وكم غارة

كلّو مشانك يافصعونة

وبالآخر ...عردشتي وفصفصتي عضامي

وتركتيني متل الفارة

وحياة ترابك يا جدّي ..

وحياة الأركيلة الكانت نانتي بتشغلاّ النارة..

مالك عندي عضّة خبزة..

وقصّتنا مالا دوبارة...

أنا شعّلتك ..

وأنا طفّيتك..

وآخرتك ...فلتر سيكارة

خيوا هدا اللقش منشول

ههههههههههههههههههههههههههههه
مشكور أخي

صار الشباب بدن قاموس الغاه الحلبيه

مشكور بس لا تواخدوني ما فهمت كل شي Embarassed

فسط وسط
تقدح تلمع

جرنو مركز الدائرة

حزوز قطع

العنبر بوظ بوظة

شمطلي اخرجلي

عنجد الله يعين الي ما يعرف اللهجة الحلبية
مشكوور

ههههههههه ....... الحمد لله ما لازمني قاموس ..

خليلي حلب الكلاسة لاجلك جقجقتلنا المنتدى

والله انا بدي قاموس
ابقو لمى رح تنزلو كل كلمة نزلو معناتها بالجهة التانية
مشكور معلم

اي منشان نعرف شو بتحكو

ههههههههههه صار بدنا قاموس الهجة الحلبية
مشكور خيو

ههههههههه
مشكور اخى بس خلى كل واحد باللهجته احسن

انتو بس قولوا شو الكلمات الصعبة وغير مفهمومة ونحنا رح نشرحها ...

كل شي امللللللللللللللللل

الله يكون بعون اللي مابيعرف يميز اللهجة الحلبية