لمن يريد ان يغير اسم عضويته بالمنتدى ((الأحوال المدنية )) ^^

تذكير بمساهمة فاتح الموضوع :

السلام عليكم ورحمة الله وبركاته

عيد الحب - صفحة 2 Hoob

من المظاهر التي توجد في يوم (عيد الحب) كما يسميه البعض

تبادل الهدايا من بطاقات معايدة....وزهور.... وورود ....ودببة... كلها باللون الاحمر

عيد الحب - صفحة 2 7ubb

لماذا هذا الاحتفال بهذا الفلنتاين ؟

أتعرفون من هو الفلنتاين

فلنتاين هذا رجل عاش في بلدة متواضعه كان كل اهلها اناس مجتهدون يسعون للعيش

الكريم...وفلنتاين هذا كان يعمل قسيسا في كنيسة القريه..ولكنه كان شاذا جنسيا..

فاتخذ من بيته وكرا يلتقي به العشاق يمارسون عشقهم على مراي من فلنتاين وهو يوفر

لهم الطعام ووسائل الترفيه ويشبع غريزته المنحرفه معهم

واستمر على هذا الخال الى ان توفي ..

فلماذا يتبع الشباب والفتيات هذه المظاهر التي لاتمس لديننا بصلة؟

لماذا تحتفل المحبين والعشاق ويتخذوا من يوم وفاته عيداً؟

من أنادي وأقول ياشباب الامة الاسلامية كفى تقليد للغرب كفى كفى كفى

أسأل الله تعالى ان يعيذ المسلمين من كل الفتن ما ظهر منها وما بطن،

وان يتولانا بتوليه وتوفيقه

أختكم/ألأميرهـ شروق

المدير العام المشاركات : 22454

أهلين بآراء كل الشباب
قبل كل شي هاد الموضوع طرح عيد الحب من الجانب الديني وفي بداخلو فتاوات علماء المسلمين
وأي واحد بدو يناقش هاد الموضوع من جانب ديني فلازم يستند على شي من القرآن ومن الحديث الشريف ومايحكي من عن الموضوع من ناحية دينية من وجهة نظر شخصية لأنو هاد الدين ربنا أنزلو والإسلام الو أهلو وناسو وبكل المراجع دورو رح تشوفو انو الإحتفال بعيد الحب محرررررررم دينا وسيعاقب عليه كل مسلم
هاد من وجهة نظر الدين
أما اللي مافارقه معو ومابهمو منهج الدين فهاد يصطفل بينو وبين ربو بس مايجي يقول الدين ماحرم هالعيد لاحرمو وبكل الأشكال فالمناقشه من جانب ديني باااطله أما من وجهة نظر شخصية فهاد حقكن لانو مو كلنا بنهتم بالدين ومنهج ربنا وكل واحد فينا تربى ببيئة أثرت عسلوكياتو وقناعاتو
بس رجاء ماحدن يحكي عن الدين من وجهة نظر شخصية دون اضطلاع لانو هاد الدين لا انا ولا انتو نزلتوه واللي رح يحكي عيد الحب مامحرم وربنا مارح يحاسبنا عليه فخليه يجيب أحاديث او آيات تأكد هالشي ونقطه انتهى عند الجانب الديني والآن اي بنقدر نناقش قناعات شخصية لكل واحد فينا

المدير العام المشاركات : 22454

وقبل ما احكي عن قناعتي أنا بالبداية بحب اشكرك اختي شروق وموضوعك استوفى الجانب الديني من تحريم عيد الحب وانتي ساويتي شو عليكي واللي بيتعظ فلنفسو واللي مابيتعظ فلنفسو

طبعا شباب بشكر الكل عطرح الآراء لأنو هاد هدفنا بالنهاية وأكيد الود مابزول لو اختلفنا كلنا وحلو كتير نشوف الناس كيف بتفكر وبنعطي وجهة نظرنا وقناعتنا لحتى نستفيد كلنا وأكيد بنتقبل كل الآراء برحابه صدر
وهاد رأيي
طبعا من كوني شاب مسلم وبخاف من ربي فأنا دنيتي كلها بشوف من وجهة نظر اسلامنا العظيم
لهيك المعروف بالإسلام عيدين وجوا الموضوع في حديث بأكد نهي الرسول عليه الصلاة والسلام عن جميع مظاهر الاحتفال حتى اللعب بيوم مخصص غير العيدين
وعيد الحب عادة وافده علينا من قبل الغرب ومالها أصل عند العرب والمسلمين وينهى عن الاحتفال فيه لبنائه عمخالفات شرعية وانا ضد الاحتفال فيه وبأي مناسبه اخرى غير العيدين والحب السامي مامعقول يقتصر عيوم واحد بالوقت اللي ديننا بيجعلنا نعيش الحب بأشكالو كافه ( حب الله وحب الرسول وحب الوالدين وحب الاخوة والزوجه والأولاد والاصدقاء ) بيجعلنا نعيشو طوال العام
هاد من قناعتي الدينية أما من ناحية واقعنا فأنا بقول لشو نقلد الغرب بالوقت اللي فيه أمتنا بيضطهدوها الغرب فمعقول انا اقعد احتفل بعيد واخوي العربي الفلسطيني قاعد مابلاقي لحاف يغطيه
لا والله مابحتفل

bluesky كتب:: صديقتي اذا عبنحكي عالعادات والمفاهيم المتوافدة عالاسلام بتصور بيجي عيد الحب باخر سلم الاهمية؟؟؟؟؟؟واذا بدك الواقع واذا بتسالي معظم الي بيهدو بعض بعيد الحب او الي بتعارفو عليه عيد الحب شو الخلفية الدينية او مين هو saint valentine??? رح يقولو : مابنعرفش
يعني الحكاية كلها حكاية معنوية مو اكتر؟
لكن في كتير مفاهيم اخرى اكثر خطورة واعمق تاثير دخلت على مجتمعاتنا الشرقية وطبعا الشرقية بتعني جميع الديانات المتواجدة بمشرقنا العربي...وطبعا مافي داعي لذكرها
يعني بتبقى قصة عيد الحب حكاية معنوية تاثيرها بيخلص بنهاية يوم 14 فبراير وبرايي انها ذات ابعاد تجارية اكثر من انها ذات ابعاد دينية.

مزبوط ياغالي في أبعاد تجارية لكن الأبعاد الدينية لهاد العيد ذات اهمية بالغه لأنو لما ينجرف الشباب المسلم ورا هالأعياد فرح يبتعد عن الطريق الصحيح بالحيات لهيك بيوجب التحذير عن هالمخالفات ولو كانت صغيره

الله يعطيكي العافية أخت شروق ... و كلامك مزبوط مية بالمية ...
و شكرا لكل من شارك في هذا الموضوع و حاور و ناقش ...

قيصر كاظم الساهر كتب:: شباب عتدما يكون هناك خطأ فيجب إصلاحه و عندما يكون هناك إختلاف بالرأي فيجب النقاش
أول نقطة عيد الحب ليس تقليد غربي بل عربي والقصة عربيية ليس كما كتبتم هذه اول نقطة وفالنتين لم يكن شاذ بل كان إسمه فالن للمعلومة فقط وهو عربي وسوري كان يحب إحدى الفتيات ولكي يراها دائما على الطريق يدعي انه ذاهب لجمع التين وكمان نقطة هو ماكان يحيك معها ونقطة اخرى يوم عرفوا اهلها قتلوه بس ما موتوه وكان 14 شباط وضحت وال نقطة
2- يا نضال مين قال أنو ما في عيد حب بالإسلام الله يسامحك هيك أنت عم تخلي غيرك ياخذ عن الإسلام فكرة أنو مافيه حب والإسلام كله محبة ألم يقل الرسول حبوا بعضكم
طبعا مفهموم عيد الحب أو العشاق هو الحب العذري بين الشاب والفتاة وحبك لأي شخص كان كصديق عزيز هذا هو الحب اليس موجود في الإسلام
الحب هو مشاعر وضعها الله بك وانت لا تتحكم بها فهو ليس حراما
الحب أروع شيء وعيد الحب تقليد عربي وليس غربي وعيد الحب ليس له تاريخ لأنه معنا كل يوم وكما نقطة شو المانع إذا خلينا يوم بالسنة نتذكر فيه الأشخاص اللي منحبهم ولو بكلمة وهي ما بتكلف مصاري صح
ونضال سؤال لك هل الإسلام منع الحب؟والحب هل هو بإرادتك ؟
سأجاوبك شرب الخمر أنت تستطيع أنت تشرب وبإرادتك وكذلك الزنا صح لكن هل تستطيع أن تحب بإرادتك لا الحب يأتي على غفلة فانت لا تتحكم به فكيف سيحاسبك ربنا على شيء ليس بإرادتنا والله غفور رحيم كما تعلم وألم يقل الرسول لا يؤمن أحدكم حتى يحب لخيه ما يحب لنفسه طبعا مو عم أقصد الحب هذه بس الح بالإسلام مسموح وعذرا إذا كان رايي غلط واللي عندو رأي تاني انا جاهز

أوك قيصر أنا بناقشك ياغالي
بالبداية
1- معقول تصدق انو عيد الفالنتاين أصلو سوري هه لك نحنا السوريين كذبنا هالكذبه عالناس وشكلو صدقناها
لك هاد العيد مو قصه سنة وتنين وفي علماء وكتاب عرب وأجانب ألفو كتب لأصل هاد العيد وافتح غوغل وابحث عن كتاب اسمو قصة الحضاره للكاتب البريطاني ول ديورانت واقرأ فيه انو البابا جعل يوم وفاة القديس فالنتاين عيد للحب سنة 270 ميلادي يعني هاد موجود من آلاف السنين وفيك تسأل جدك وناس كبار اذا سمعان بهاد العيد مدام أصلو سوري
واذا بدك مراجع أكتر أنا بعطيك لأكدلك انو هاد اليوم قدسوه كفار الغرب ونحنا اخدناه منهن
2 /منشان نضال ياقيصر ماحكى نضال مافي حب بالإسلام وانتبه شو حكى قال مافي عيييييد للحب بالإسلام وفي فرق بين الحب وعيد الحب والحب هدية من ربنا بقلوبنا لكن تخصيص يوم محدد اسمو عيد الحب وهاد محور حديثنا فهاد باطل بالإسلام وفي فتاوي لكبار علماء المسلمين بتنهى عن هالإحتفال وفي أحاديث بتأكد هالشي
واذا مافارقه معك تحريم الدين لعيد الحب وليس للحب فإنت حر بس بإسلامنا عيد الحب بدعه وباطله بكل الأشكال أما الحب فليس باطل وانت فهمت رأي نضال بطريقه غلط فهو حكا عن عيد الحب في الاسلام وليس عن الحب في الاسلام

maan كتب:: يعني شباب انتو كتير عبتعطو للموضوع ابعاد والموضوع نفسو ماقادر يحملها ولو بيعرف valentine انو هيك رح يصير اصلا يمكن كان غير اسمو لاسم تاني .
القصة برايي انو نحنا بالمشرق دائما بنربط بشكل خاطيئ بين المفاهيم الاسلامية واحداث الحياة اليومية ومثال على هالشي انو اذا كاتب طلع وكتب رواية وناقش فيها فكرة ما وطرح سؤال عكس ما نحنا بنتصور او بنفهم ..بنشوف دوما طلع مين يقول انو كافر وحرام وخطأ ووووووو...الخ طيب خلينا نتذكر شي مهم ايام العصر الذهبي للدولة الاسلامية كانت اوروبا بعصور الجهل ..صح؟طيب ليش هلق انعكست الصورة ؟؟؟
لان اقتنعوا من زمان بانو الدين لله والوطن للجميع..وبدأوا يفكروا ويشتغلو وما بقيو مشغولين بشو قال فلان وعلان يعني الانسان جواتن تحرررررررررررررر....
انا ما بهمني مين هو valentine؟؟؟؟ ولا بهمني كان شاذ او مؤمن او كان شو ما كان هادا بينو وبين ربو بس انا بشكل عفوي بشوف انو مو غلط بيوم من السنة الانسان يعبر فيه عن مشاعرو لشخص تاني بحبو بطريقة مختلفة نوعا ما واكيد الحب مو بس بيوم لكن خلينا نقول بهاليوم الو خصوصية مثلا
طيب اذا 14 شباط بيزعج بعض الناس خلي ب 14 تموز (بس ما يكون في شي حدا كمان مات بهاليوم او اكل شي قتلة )واذا اللون الاحمر كمان بيزعج الناس خلي الوردة صفرا يا اخي
يعني برايي انو الاركيلة مثلا بضر الشباب الشرقي والاسلامي اكتر من عيد الحب؟؟؟ صح؟؟؟
يعني كمان شي تاني :
يعني اذا صار شي بعيد الحب غير الهدايا بتصور انو عبيصير كل يوم كمان مو بس بعيد الحب؟؟؟؟؟ اذا غلطان قولو لالالالالالالالا ؟؟؟ يعني ما نتخبا ورا اصبعنا !!!
يعني القصة مو مستاهلة انو الواحد يشغل تفكيرو بعيد الحب ومين هو valentine
يعني جميل يثينة كان يقول قصائد بوصف بثينة ( حبيبتو ) يعني بتصور اذا حدا طلع قالها هالايام بيكون كتير كتير كتير اوفرررررررررررر
اخيرا
الاسلام ارقى الديانات الي انزلت على البشر واكثرها تنظيم للعلاقات بين البشر واكثرها تطور وانفتاح وقابلية للتطور مع تقدم الازمان وما بتصور انو في ما يمنع من الحب او التعبير عن المشاعر والاحاسيس سواء بعيد الحب او بغير عيد الحب
واخي قيصر انا معك 3000 % وشكرا

أخي معن نورت
طبعا أول شي مافينك تفصل الحيات عن الدين لأنو ربنا أنزل هذا الدين لنعيش حياتنا عأساس هذا الدين
وأنا مابعرف أذا انت شايف التحرر من الدين هو طريق الازدهار والنجاح فاعذرني رأيك خاطئ والغرب اتطورو بالعلم مو بالتحرر لأنو هلأ عم نشوف بأم أعينا الناس بالغرب كيف اختفت الانسانية والحياء من حياتهم وصارو متل الحيوانات بمارسو الجنس بالطرقات وهاد عقابهم بالدنيا عدم السعاده والبغض لأنفسهم وعقابهم بالآخره النار
وعفكره كانت الأمه مزدهره بالاسلام ولانو اتخلينا عن الاسلام ذلونا أعدائنا فما عندنا علم ولاعندنا دين وهاي النتيجه
ومنشان مقولتك انو ( بالاسلام ما بتصور انو في ما يمنع من الحب او التعبير عن المشاعر والاحاسيس سواء بعيد الحب او بغير عيد الحب )
فلا ياغالي بإالاسلام في شي بيمنع تخصيص عيد ويوم للتعبير عن الحب وانت قصدت هالجمله من ناحية الاسلام
فلهيك بقلك الإسلام حرم هالعيد والاسلام ماتصور شخصي وانما دين له أحكام ومنهج رباني
أما من ناحية القناعات الحياتية فكل واحد حر بس ماتحكي عن انو مافي بالاسلام شي بيمنع دون ماتتأكد وعفكره نحن مع قيصر عن انو الحب موجود بالاسلام لكن نحن ضد الاحتفال بيوم اسمو عيد الحب
وشكرا لرأيك ياغالي

» مقياس الحب (لمعرفة درجة الحب بينك وبين من تحب)
» قصة الحب الاعمى هل تعرف لماذا الحب اعمى؟؟؟
» ليس من يتكلم عن الحب ... كمن يتألم من الحب.
» عن الحب.....ومن الحب
» شو هو الحب