لمن يريد ان يغير اسم عضويته بالمنتدى ((الأحوال المدنية )) ^^

موضوع هام جدا

ويحمل من العظة والعبرة الكثير للفتيات !!!

هل تقبل الزواج بفتاه كانت صديقه لك وماشيه معك ؟

وتعرفون ( من يسمح لها حيائها بمصادقة الشباب كيف تكون أطباعها )

هل تقبل أيها الشاب الارتباط بفتاه سلمتك نفسها في ذات يوم ؟

هل تقبل بالزواج من فتاه تعرفت إليها عبر الجوال عن طريق المعاكسة ؟

يا ريت إخواني تجيبونا بصراحة و بدنا نقاش بهذا الموضوع

هل تقبل الزواج بفتاه كانت صديقه لك وماشيه معك ؟

ليش لا أنو هي هي الحياة إذا ما بدأت العلاقة بصداقة ثم حب ثم زواج هي بنظري العلاقة السليمة للزواج وهذه مراحله

وتعرفون ( من يسمح لها حيائها بمصادقة الشباب كيف تكون أطباعها )
كيف يعني طباعها وهل رفقة الشباب غلط ما فهمت شو قصدك بطباعها شبا متلا متل غيرها من البنات ورفقة الشباب مو غلط وأثبتت الدراسات العلمية أن يجب ان يطون لك شخص شخص من الجنس الاخر غير حبيبي يستطيع ان يشكي إاليه همومه وهذا يفيده صحيا هكذا قرأت في احد المرات

هل تقبل أيها الشاب الارتباط بفتاه سلمتك نفسها في ذات يوم ؟
ليكي سلمتني نفسها لو أني بحبها ما كنت خليتها تسلمني نفسها هي اول شي لأنو اللي بحبها بصونها ما بذلها وتاني شي وهو الأهم ليس من طباعي ان اجر فتاة لتسلمني نفسها لأنه شيء لا يتوافق مع قناعتي الشخصية ولا مع تفكيري في الحياة

هل تقبل بالزواج من فتاه تعرفت إليها عبر الجوال عن طريق المعاكسة ؟
كيف تعرفت عليها يعني بدق اي رقم ويا حظي وإذا بنت بناخذ وبنعطي وبنتعرف شي مستحيل بس بحالة وحدة إذا شفتها وكانت أفكارها متل أفكاري ووجد الحب أي ممكن بس النسبة ضئيلة كتير

يا ريت إخواني تجيبونا بصراحة و بدنا نقاش بهذا الموضوع
بدك أكتر من هيك صراحة

مشكور قيصر حكيك صحيح

و أنا بضم صوتي لصوتك

انا عموما هنا ضدد رفقة الشباب والبنات
بشكل الاختلاط مع بعضن
مشكورة هنا

حتى الآن لم تحدث معي هكذا حالات ...
و أنا متأكد من أنها لن تحدث ...
يسلمو هنو ...

nidalsuper كتب:: انا عموما هنا ضدد رفقة الشباب والبنات
بشكل الاختلاط مع بعضن
مشكورة هنا

مشكور عا مرورك بس اكيد ها الشي بيختلف من عيلة لعيلة

و عيلتي ضد رفقة الشباب للبنات و الحمد لله يللي انا من هيك عيلة

محمد مهدي عكش كتب:: حتى الآن لم تحدث معي هكذا حالات ...
و أنا متأكد من أنها لن تحدث ...
يسلمو هنو ...

مشكور محمد عا مرورك

ما بعرف شباب أنتو ليش موضوع رفقة الاشباب للبنات بتنظروه بخوف
والله الأمور طبيعية بس كل واحد يعرف حدو ويعرف يربي ولاده والله ما في أحلى من هيك رفقة
والله كل واحد عم يحكيلي انا ضد طيب ليش وين الغلط
وأنت هنو شو يعني إذا كان عندك رفيق متل أخوك وين الغلط
ونضلة قصدي بالإختلاط يعني بالأماكن العامة المطاعم والطرقات وليس وين ما كان وقصدي واضح انا
مع رفقة الشباب بالبنات والإختلاط ضمن حدود الأدب
أنتو ليش ضدو فهموني

ضد ها الشي بتعرف نحنا بأي مجتمع عايشين و المجتمع ما بيأيد رفقة الشب للبنت هيك

بالنسبة الي وعيت عا الدنيا و أهلي معلمينا عا انو هاد الشي غلط
و بيختلف ها الشي من عيلة لعيلة
طيب قيصر سؤال انت بتقبل عا اختك ترافق شباب

هل تقبل الزواج بفتاه كانت صديقه لك وماشيه معك ؟
لأ بالنسبة لي الصديقة صديقة ويمكن تحديد الصداقة او الحب من أول لقاء.
وتعرفون ( من يسمح لها حيائها بمصادقة الشباب كيف تكون أطباعها )
هنا الموضوع مختلف حسب درجة الصداقة و المخالطة مع الشباب .

هل تقبل أيها الشاب الارتباط بفتاه سلمتك نفسها في ذات يوم ؟ ممكن ليش لأ

هل تقبل بالزواج من فتاه تعرفت إليها عبر الجوال عن طريق المعاكسة ؟ طبعا لأ

مشكور عاطف عا مرورك

هنا لأني بعرف المجتمع عم بحكي إذا نحنا ضلينا سكتين شو إستفدنا
راح نوقع بنفس الغلط لك لازم نتغير
لازم نغير ومشان إذا بقبل ترافق خيتي شباب ليش لا إذا الشب محترم وأدمي والرفقة مو غلط

متل ما قلتلك انو كل عيلة الها عادات و تقاليد

بس قلي قيصر المنطقة اللي عايش فيها كلها متحررة متلك

متحررة لها اكثر من معنى هنو
فمن أي ناحية
المهم راح جاوبك أنا من سلمية وعنا هيك الزمالة موجودة بس عنا ما فيني أمشي مع رفيقتي بالجامعة من سلمية بسلمية مشان ما يفهم المجتمع أنو عشق وغرام
وليكي عنا دائما نعمل ملتقيات تعارف بين الشباب والبنات طلاب الجامعات ورحل تحت علم الأهل
مشان الشب إذا شاف بنت بلدو بجامعتو يساعدها إذا كانت محتاجة أي شي هيك عنا

أهلا وسهلا من وين ما كنت تكون

وصلني جوابك اللي هوي
ما فيني أمشي مع رفيقتي بالجامعة من سلمية بسلمية مشان ما يفهم المجتمع أنو عشق وغرام
عرفت ليش انا مو مع هيك رفقة لأنك قلت السبب

بس نحنا لازم نغير هالتفكير

ليش ما نحنا خلقنا مع هيك عادات صعب تتغير

ما في شي صعب هنو

دائما هنو الإنسان الصيحيح يتحمل الأخطاء ويكون جسده عرضة لسهام النقد
أنا لا أطالب بحرية أوربا ولا تخلف أريد حلا وسطا بين المجتمعين لأنه هو المجتمع المثالي

انا برايي انو الزمالة بين الشباب والصبايا شي واقع مش راح نقدر نغيرو
بس نقدر ننظموا
وحتى انا من عيلة ترفض صداقة البنت بالولد
لكن انا عندي زملاء بالدراسة بالجامعة يعني
وزملاء بالعمل
المهم انو مفتاح العلاقة بايد البنت
وهي الي قادرة تحط الحدود الي تتوافق مع دينها واخلاقها ومبادءها
انا بصراحة ضد الصداقة المنفتحة جدا
حيث البنات بيصافحوا الشباب وفي الي بوسو بعض ويحضنوا بعض
هاذي الاشياء مش مرفوضة بس
هي حرام كمان
بس الصداقة تقدر تكون في احاديث ونقاشات
ومساعدة في الدراسة او العمل
ومثل ما قال قيصر احيانا البنت تمر بموقف ما يقدر يساعدها غير الولد فيه
والصداقة ارقى واهم واشرف من الصحوبية الي هي شي مختلف
تقبلوا رايي ومروري

الصداقة بين البنت والولد سلاح له حدين،اذا كانت مبنية على التزامات وحدود معينة فهنالك الكثير من المواضيع التى يكون فيها راى الصديق الولد اكثر فائدة من راى البنت لخبرته او تجاربه،اما اذا تعدت الخطوط الحمراء وصارت ستارا لاشياء اخرى ارفض وجودها
مع خالص ودى

أنا قلت أنو الرفقة بين الشب والبنت مرفوضة برأي

ليش هيك نضلة إسمع الأراء ولا إحكم

طيب

أنا ضد صداقه الشباب والبنات
زماله اي بالدراسه هاد ربما اي
أما تكون الصداقه يطلعو مشاوير وحفلات ورقص وبوي فريند بعدها بيقلب عاشق وابصر شو بكون ببالو ومابعرف شو
عموما أنا بقول الصداقه ضمن حدود احترام الدين وبس أما غير هيك فهو باطل ومردود عصاحبو لأنو كل شي بعيد عن الالتزام الديني فهو شر للإنسان
وأنا عندي صديقات وأخوات لكن هم اخوتي بالله وصداقتنا بيزينها حب الله وضمن حدود الشرع والدين
أما نجي مثلا نطلع أنا ووحده مشوار وحدنا بحجة صداقه فهاد مامعقول لادينا ولاقناعة لأنو زوجتي وحدها بطلع معها ووحدها صديقتي

ومعلش لاحكي بصراحه الصداقة بزمنا بطالبو فيها الساذجين تحت قناع التحرر والحضارة زي مابنشوف بالمسلسلات

وبلا لف ودوران رح احكي علنا
أنا رفقاتي الشباب عندهم صديقات بنات فبتفاجأ بسمعهم بيحكو بين بعض بيحكيو عن سحر انوثتها ورغبتهم لجسدها وماتبقى من كلام الفسق
فبالله عليك ياقيصر أنو صداقة بظل وجود هيك بشر كلاب

ورح احكي تجربه لوحده من صديقاتي واخواتي هاد ياسيدي كان قريبها وصديقها عأساس والبنت مؤدبه وواعية وصادقه وشريفه لكن مانها ملتزمة بالدين وشايفة انو صداقة الشباب حضاره ( عئولة بعض الناس )
فبيوم اجا عزمها على بيتهم يشربو عصير فدخلت وأهلو مابالبيت وهالبريئة قعدت فقام أخونا يساوي الشراب فربنا ألهم الفتاة لأنها صادق ألهمها تنظر من باب المطبخ لتشوف شكل المطبخ فاتفاجأت بصديقها السافل عم يحط حبوب مخدرة بشرابها وربنا بعدها هداها وماعادت تصادق أي شاب فشو رأيك قيصر وشو رأي اللي بيحكو عن هالشي حضاره
اي رح تقلي قيصر موكل الشباب هيك اي على عيني أنا وانت ياقيصر مانا متل هالشباب ..بس مو كل الشباب متلنا نحن شباب مابضرنا شي بس البنت بضرها كتير لأنو الناس خونة

نحن قوم أعزنا الله بالإسلام لأنو ربنا بيعرف نفوس البشر وهاد سبب منع هالصداقات بدينا العظيم

وأنا من أول ماحبيت حبيبتي وفينكم تسألوها منعت عنها كل شي اسمو صداقة واخوة مع شاب لأني بعرف البشر اصبحو ذئاب بالغابه وأنا بالنسبه إلى الصداقه الحقيقية اللي مصادقها مع فتاة فهي عايشها مع حبيبتي وزوجتي وام ولادي باذن الله ام برهان الغالية وبزين صداقتنا الحب في الله والرسول ودينا العظيم

هام للشباب والبنات