لمن يريد ان يغير اسم عضويته بالمنتدى ((الأحوال المدنية )) ^^

بسم الله الرحمن الرحيم

بعد السلام عليكم بدي افتح موضوعي اللي كتير كتير محيرني

هلأ اكيد معظم اهل هالعمر طلاب لحد الـ 26 انا بسألهم متل ما بسال حالي عن نوع حياتهم وعن رضاهم فيها هل االكل اول ما رح يقرا هالجملة رح يعلق انو الحمد لله رب العاملين كلو كويس وتمام

بس خلينا نقلب ع الوجه الداخلي لحياة كل واحد فينا .....

هلأ في بينا انواع ناس بتدرس وبيجيها دخلها من أهلها وناس بتدرس وبتشتغل وبتجيب دخل من شغلها وناس ما بتدرس او خالصة درس وبتشتغل وبدخل سؤالي هو كالتالي بعد اللي حكيتو

هل أنت\ي مقتنعين انو الواحد معلش يفضل يصرف ع حساب والدو او اهلو حتى عمر الـ 30 او 26 ولا بتنظركم انو الواحد بس دخل جامعة لازم يشتغل ليدخل ويستقل عن اهلو مع وضع الحالة الماادية للأهل عجنب ....

وهل برأيكم انو من الغلط انو الواحد يصرف من اهلو ....

وبتمنى طبعا بعد اذنكم في الردود انو الواحد يذكر كيف طريقة صرفو وشو رأيو بالموضوع والرجاء الرجاء عدم فهم الموضوع بطريقة خاطئة

أخوكم ايمن

زائر

الموضوع رائع يا ايمن
الاعتماد على النفس خير لنا عن الاعتماد على الغير
مثلا:انا لو بدرس ما افكر ان يصرف علىّ اهلى وانا ما بدرس
وحتى لما كنت بدرس كنت بصرف على نفسى
مثلا:ولو الاهل اغنياء يبقى الشى ءمختلف ولا نتكلم عنها
مثلا:طريقتى فى الصرف لما اكون مع الاصدقاء الصرف بيزيد جدا
ولو انا مع حالى الصرف بنسبه ضعيفه

مشكور ياغالي
هو أكيد الواحد لازم يحاول يعتمد على نفسو ويتعود عالشغل لأنو اولا وأخيرا رح يستقل عن أهلو
أنا بالنسبة الي أهلي بيصرفو علي من صغري لحد الآن وأنا مو ناكر هالشي وان شالله بردلهن كل شي بس صير دخل مصاري وطبعا من ناحية الشغل أكيد مارح اقدر اشتغل أيام الدراسة لأنو انت بتعرف فرعنا ش وبدو دراسة وحضور بس أحيانا يمكن درس طالب طالبين
والصرف دايما بصرف عالشي اللي بحبو أنا وما بندم عليه وما بحب اسرف المصاري كيف ماكان

وشو كمان scratch

أكيد مو غلط الواحد أهلو يصرفو عليه بس لحد وعمر معين لأنو الأهل مابدومو
ومشكور ياحلو والله يوفقك

معك حق فارس بكل شي قلتو بس والله الواحد منا صار عم يخجل يطلب من اهلو مصاري........

معك حق فارس

أنا رأيي يا فارس أنه لازم الواحد شب ولا بنت بس صار بعمر 18 لازم يعتمد عحاله

أي والله مالها حلوة شب 26 أو30 سنة ناطر مصروفه من بيه

مالها حلوة قدام حبيبته ورفقاته

الأعتماد على النفس حلو كتير

طيب هبة انا طالب سنة اولى وعمري 21 ومستحيل انني اشتغل انا وعم ادرس شو بساوي ؟؟ اكيد بطلب من اهلي .... بس قدر الامكان بقلل مصروفي..... واكيد بس اتخرج وخلص بردلن كل شي ادعولنا نتخرج بخير وسلامة ياااااااا رب

حلو الواحد يشتغل ويدرس بس صعبة شوي أنا طول يومي صيف شتا بالدكان مع أبي يعني عم بشتغل

مشكور ايمن

اول شي ان كان شب او صبيه لازم يشتغل ويستقل على سبيل المثال انا ها عمري 18 بدي ابدا شغل مش قصه انو ما فيي مصاري او شي بس هان بيتجي قصه الاستقلال والشعور بقيمه المصاري
وانا اذا كان عمري 26 او30 واطلب من اهلي مصاري بموت ولا بطلب لازم انا اعطيهم لانو خلص وصلت لحد اني انا بالغه بقدر اصرف عحالي
مش غلط ومش صح بس فشله الواحد اطول واعرض من ابوي ويطلب مصروفو
ويا سيدي فارس انت وايمن لاتكونو اتكالين لانو الشغل ما رح ياثر على التعليم انا اصغر منكم بدي ادرس واشتغل

هلق كل اللي سبقوني عم يحكوا من الطرف النظري
هلق الشي اللي عم شوفو انا نتيجة معرفتي بعدد كبير من الأصدقاء هو كما يلي :
هلق كل شب أو بنت عم تدرس و اشتغل ( ت ) رسبوا سنة أو اتنتين و أكتر
و كل شب أو بنت ما اشتغلوا نجحوا سنة بسنة
هلق طبعاً الواحد بعد ال 18 ما لازم ياخد مصاري من ابوه
بس كمان اذا كان عندو دراسة و فيه يلاقي شغل و لو ساعتين باليوم بحيث يطالع على الأقل مصروفه فكتير كويس لبين ما يخلص دراسة و هداك الوقت لازم يشتغل اكيد
مع انو هلق ما في شغل ساعتين بخليك تطالع مصروفك
هلق هيك هو بياخد من أهلو شوي و من شغلو شوي
و طبعاً الواحد ما لازم يتجوز الا حتى يكون عم يشتغل و يكون على الأقل أمن حق البيت
لأنو ما حلوة الواحد بعد ما يتجوز ياخد مصروفو من ابوه ( قولا واحدا ) بعدين بيصير موقفو ضعيف قدام مرتو كتير
و مشكور أبو اليمن على هذا الموضوع

سهى انتي عم تقولي علينا اتكاليين ما هيك؟؟ انا دوامي بالجامعة كل يوم من الساعة 8.30 للساعة 4.30 وطبعا الواحد بيرجع هلكان من التعب ؟؟ وبعدين اقل شي بدرس 3 ساعات انت برأيك فيني الواحد يشتغل بهالظروف؟؟!!! بعدين متل ما قلنا ومنرجع من قول انشالله منر لأهلنا معروفون انشالله........

والزواج موضوع تاني اخ محمد اكيد الواحد ما بيتزوج اذا ما عم يشتغل ويطالع مصروف بيتو..

فروسة فهمتني غلط

انا قصدي اذا كان بيقدر يشتغل وعم يطنش هاد عايش عالة عأهله

ما قصدت اذاكان بيقدر وما عميشتغل بيكون قليل ذوق

زائر

ههههههههههههههههههههه

» انواع اعضاء المنتدى
» مدن احبابنا اعضاء المنتدى
» اعضاء المنتدى كاعضاء الجسد
» اسئلة لكل اعضاء المنتدى اتمنى من الكل يدخل ويشارك
» اعضاء منتدى الأصدقاء ممكن نكتب كلمة لصاحب هذا المنتدى الرائـع..

الى اعضاء المنتدى الاعزاء