لمن يريد ان يغير اسم عضويته بالمنتدى ((الأحوال المدنية )) ^^

الحلقة الأولى من برنامج إفتح قلبك

ضيف الحلقة الأولى مدير منتدى الأصدقاء
fareslove

أهلا وسهلا بك أستاذ فارس في الحلقة الأولى من البرنامج وإن شاء الله إتكون الأسئلة خفيفة وحلوى عليك

والأسئلة هي :
1- ما هي نظرتك لهذه الحياة؟
2- هل تعتقد بأنك شخص مثالي؟
3- هل أنت مقتنع بما أنت به الأن أم كنت تتمنى أن تكووون حياتك أفضل من الان؟؟
4- كيف تنظر للناحية المادية في حياتك وهل هي مهمة؟ وهل أنت غني – متوسط الغنى – فقير ؟؟
5- هل لديك مشكلة في الحياة؟؟؟؟؟
6- هل تعاني من الألام؟؟ وهل هي ألام معنوية أم جسدية؟؟؟
7- من أقرب شخص إليك؟؟
8- هل أزعجت شخصا وكنت سببا في بكاءه؟؟؟؟
9- ما هي نظرتك للإنتقام وهل أنت معه أم ضده؟؟؟
10- بماذا كنت تحلم وهل حققت أحلامك وما هي أحلامك القادمة؟؟؟؟

هي الأسئلة يا إستاذ فارس وأي سؤال من الجمهووور يتفضل ويلقيه هنا وسوف يقوم إستاذ فارس
بالإجابة عن الأسئلة الخاصة بكم......
وشكرا لحضوركم

الله عليك ميسر موضوع روعة متلك
ورح جاوبك على اسئلتك وناطر مشاركات الأعضاء ومناقشتهن واذا عندهن أي سؤال أو رأي أنا جاهز

زائر

حلو

انت فارس لو احد عرض عليك موضوع يخص المنتدى تتذمل منه

ولا تستهيفه ولا .لا تجيب عليه اطلاقاً

ولك جدبة حسون أكيد برد عليه بس لو تعرف كم واحد بيحكيني مواضيع منشان المنتدى كنت عذرتني اني بتأخر بالرد أحيانا لأنو عنا مدري كم مشرف وكلهن قليلين خبرة والكل بيسال
هادا غير رسائل الأصدقاء والأصحاب .......يعني كلو برد عليه ولا يهمك

وناطر منك أسئلة جدية أكتر ياحباب

فارس هل أحببت أكثر من شخص في نفس الوقت؟؟؟؟؟؟؟؟؟؟؟؟؟؟

هبة سؤالك غريب وما فهمت عليكي كيف يعني أكتر من شخص واحد قصدك حب أكتر من بنت كحبيبة ولاشو؟؟؟؟

فارس هل تؤمن بالحب عن بعد فقط ؟
كمان هل كل صديق كويس يرافق صديق كويس برأيك ؟
هل تؤيد أن يترك الشخص بلده من اجل لقمة العيش ؟
هل خانك أحد ما يوما ما ؟
هل وقعت في مشكلة و لم يساعدك أحد ؟

فارس هل تؤمن بالحب عن بعد فقط ؟

مابعرف ان كان قصدك انو حب من طرف واحد ومن بعيد لبعيد
اذا هيك بقلك انو هاد حب منقوص كتير
لأنو الحب مو كلمة بتنقال وخلص الواحد صار بيحب لأنو الحب غير الاعجاب

والحب بيكون حب حقيقي لما بكون في تفاعل واحساس من الطرفين وغير هيك ما بظن بكون حب أو ممكن يكون حب بس حب بيفتقد لأساس الاستمرار اللي هو الا حساس المتبادل من الطرفين

كمان هل كل صديق كويس يرافق صديق كويس برأيك ؟

مو ضروري
ممكن واحد كويس يرافق واحد ما كويس بس واحد فيهن بدو يأثر عالتاني فيهن ويسويه متلو

ولو ما كان في هيك صداقات ماكان انوجد ناس خربو لأنهن صادقو ناس مو كويسين

بس هون في شغلة انو الرفقة غير الصداقة
والصداقة بدها انو التنين يكونو صادقين وهاد يمكن صعب بين تنين واحد كويس وواحد ما كويس

هل تؤيد أن يترك الشخص بلده من اجل لقمة العيش ؟

أكيد لأنو الواحد بيدور عالافضل دايما واذا الأفضل موجود برا بلدو ممكن بس رح يتحمل التمن وهو الغربة

هل خانك أحد ما يوما ما ؟

الخيانة كلمة كبيرة كتير وبتكون بموقف كبير والحمد لله ماحدا خاني بحياتي وان شالله ماحدا بيخوني

هل وقعت في مشكلة و لم يساعدك أحد ؟

لأ لأ أنا محظوظ اني أهلي دايما جنبي بكل مشاكلي والمشاكل اللي مافيني خبرهن اياها
عندي صديق عمري نضال وهو معي دايما وماتركني وحدي ابدا

ثواني أشرب كاسة مي وبعدين بكمل اجابة عالأسئلةة ....ياريت توقفو التصوير

أعزائي المشاهديييين فا صل إعلاني وبعدين منعود مع ضيفنا العزيز

fareslove
مدير منتدى الأصدقاء

لك أسئلتك زعيم لوحدها بدها 10 حلقات وأنا كيف بدي رد بحلقة وحدة يلا مليح معي أسبوع

وكل يوم منصور شوي من الحلقة Wink

1- ما هي نظرتك لهذه الحياة؟
سؤال ضخم كتيييييييير

الحياة بنظري اختبار للأنسان بالدرجة الأولى ولهيك رب العالمين خلقنا وطول مافي جنة ونار

فالحياة هو الطريق لأحدهما

غير هيك بالنسبة الي أنا بعيش حياتي بشكل بسيط بعيد عن أي تكلف يعني عندي الشي اللي بحبو بعملو شو ماكان وهو بكون مقدس عندي ولو كان برأي غيري انو شي ما لو داعي

طبعا الا اذا كان غلط

طبها هادي نظرتي بشكل عام للحياة

2- هل تعتقد بأنك شخص مثالي؟

المثالية مابعرف شو هيي بالضبط

بس بظن صعب أو يمكن مستحيل انو الواحد يكون مثالي ولو كنت مثالي كانو عملولي تمثال

لأنو مافي واحد بزمانا مثالي الا.........من رحم الله

3- هل أنت مقتنع بما أنت به الأن أم كنت تتمنى أن تكووون حياتك أفضل من الان؟؟

أنا بعدي ببدايات حياتي كشب وحياتي كلها لحد الآن بمجال العلم ومن هالناحية بحاول كون احسن لأني مقصر بالجامعة كتير وبتمنى يتحسن وضعي

4- كيف تنظر للناحية المادية في حياتك وهل هي مهمة؟ وهل أنت غني – متوسط الغنى – فقير ؟؟

الحمد لله على كل حال ووضعي المادي من وضع عائلتي لأني ماني مستقل لسا عنهن

ونحن مو فقيرين ولا غنيين كتير يعني فينك نقول وسط

5- هل لديك مشكلة في الحياة؟؟؟؟؟

مشكلة بالضبط لهلأ ما عندي بس مشكلتي الوحيدة حاليا هي دراستي لأني مقصر شوي وهالسنة مصيرية الي ووضعي ماعاد بيتقبل نكسة جديدة

هادا غير مشاكلي العاطفية طبعا

نشف ريئي زعيم.... هتلك كولاية يازلمة ,,,,برنامج طول وعرض وقنينة كولا مافي

طب مومشكلة ابعات عاالدكان يجيبولنا وعحسابي ولا يهمك لني بعرفك منتوف ويادوب عمتلحق تكاليف البرنامج

- هل تعاني من الألام؟؟ وهل هي ألام معنوية أم جسدية؟؟؟

أوه يازلمة ......حدث ولا حرج
للأسف الآلام بحياتي كبيرة كتييييييييييييييييييييييييييييييير طبعا عم احكي عن الآلام النفسية المعنوية مو الجسدية
بظن الله مقدرلي تكون حياتي آلام طول عمري والحمد لله على كل حال

طبعا الجسدية ما بتساوي شي أما المعنوية مع اني كمان عندي حاليا ألم بكتفي اليسار
نتيجة تمزق عضلي بأحد التمارين بالنادي وأنا للي مابيعرفو بلعب جودو غير اني لاعب
كرة قدم من العيار التقيل مع اني هاوي بس عنا بطولات دايما بالأحياء الشعبية
واللي بحب يشوف مهاراتي بالطابة والجودو يروح على منتدى القناة الرياضية وفي موضوع عن مهاراتي هنيك

7- من أقرب شخص إليك؟؟
أقرب شخص الي هو حبيب قلبي وصديق عمري وأخوي الغالي وأغلى شي بالدنيا عندي

وكلكن بتعرفوه ...............نضالو الغالي

8- هل أزعجت شخصا وكنت سببا في بكاءه؟؟؟؟

بظن اي بس بدون قصد مني لأني بعمري ما حبيت كون سبب تعاسة انسان وبكاؤو بس أحيانا سوء تفاهم

أو تصرف غير مقصود مني كان السبب

9- ما هي نظرتك للإنتقام وهل أنت معه أم ضده؟؟؟

هالسؤال واللي بعدو أصعب تنين لأني اذا رح ناقش فيهن بدي فوت على خفايا قلبي واحكي عنا

على كل الانتقام أنا معو بس بالنسبة الي بحالة وحدة فقط بنتقم وغير هيك لأ

والحالة هي اذا شي متل شخص او ...سلب مني انسا ن بحبو أو شي غالي علي ...أوه ...لأشرب من دمو

واروي عطشي وطفي ناري واشفي غليلي

طبعا كلمة حالة وحدة تحتها ألف خط لأنو غير هيك لأ

10- بماذا كنت تحلم وهل حققت أحلامك وما هي أحلامك القادمة؟؟؟؟

والله يازعيم سؤال ما بعرف كيف رح جاوبك عليه
أول ما وعيت عالدنيا ودخلت المدرسة الابتدائية كان عندي أمنية طفولية وما فيني سميها حلم وهو انو كون بالمستقبل طبيب جراح (على قولة جورج : قلوب الناس أداويها هههه) وطبعا أمنيتي هي ما رح تتحق لأنو اختصاصي هلأ احصاء رياضي يعني آخرتي يا استاذ رياضيات و يا استاذ أو موظف لغات برمجة
بس بعد ما صرت اوعى شوي واكبر اي شفت حلم حياتي وحطيتو بذهني وبقلبي وعاش وكبر معي
وكبر وكبر و من شي 6 شهور صار معي شي خلاني صمم على حلمي أكتر وأكتر
وباذن الله رح حقق حلمي حتى ولو كلفني حياتي
طبعا وعندي حلمين تانيين مرتبطين بالأول وهو اني اتزوج فتاة أحلامي وحبيبة قلبي وكما ن حلمي اني ماعيش لحظة بالدنيا نضال فيها مانو جنبي وحلمي نكمل دربنا سوا ونضل سوا شو ماصار
واعذرني زعيم ما فيني احكيه وفصل أكترمن هيك لأنو اكبر سر بحياتي وما بيعرفو الا القلال كتير
وغيرو لعيونك أنا جاهز

وناطر بقية أسئلتكن شباب وصبايا والله يعيني لتخلص هالحلقة لأنو هلأ الي ساعة بالضبط عمرد على اسئلة الزعيم

هههههههههههههه بكفي اسئله والله رح يروح الزلمه ههههههههه

ههههههههههههههههه بعين الله يا فارس

اسئلو شباب وصبايا ولا يهمكن أنا جاهز لأي نقاش ومن حظي معطل كم يوم

وبعد أن قام الإستاذ فارس باإجابة عن الأسئلة كلها

ناطرين أسئلتكن أيها المشاهدين إلى يوم الخمييييس
برنامج إفتح قلبك منكم وإليكن
ونشكر جهووووودكن

مقدم البرنامج : زعيم السلمية

ما هو الشيء الذي يمثل قمة طموحك يا فارس

شو فارس
رح سميك ابو المشاكل
هههههههههههههههههههه

والله يانضال سؤال القيصر دوخني
وانت ليش ما عم تسأل ولا

» برنامج إفتح قلبك الحلقة - 2 -
» برنامج إفتح قلبك - الحلقة ( 4 )- عاشقة الأسد
» برنامج إفتح قلبك من جديد!!!
» برنامج افتح قلبك ( الحلقة -3 - )-nidalsuper
» ضيفة الإسبوع ببرنامج إفتح قلبك هي .......؟؟

برنامج إفتح قلبك الحلقة -1-