لمن يريد ان يغير اسم عضويته بالمنتدى ((الأحوال المدنية )) ^^

هذا العمل هو الصحيح

4 اعمال

لا أنا نجار ولا سترجى كلام
ولانجار طبالي ولا باب ولا شباك
ولا عندي منشار خشب
ولا فارة نجاره ولا مسحه
ولا سنفرة تغسل حروف الكلام
وتشطفه بأحكام

وتنشره على الملا فى أعلام

ولا عندي ماكينة فريزه ولا حليه

تشكل وتحالي كل كلام يتقال
ولا أناحداد هايلزق حروف الكلام
بالمرزبة كدا ونار
ولا عندي مصنع كراسي
بيضورعليه محتاس
عايز كرسي في أي مكان
و بأي ثمن
ما هو كله بيتحسب ويدون
وكل اللي ينصرف بيعود
ويجيب معاه ارقام
و يا ريت يكون كرسي الرياسة
ودا اللى ييبقي تمام
ولا في أيدي مفتاح
أربط بيه كل ما يتقال
وافتح واقفل الأبواب
ولا أنا جزار في لحم الوطن
وأي دم حلال
ولا فران بيخبز أي شئ أن كان
------
أنا شاعر بسيط وبكتب على قدى
سلاحي هوالقلم ومخدتي الكراس
لا دخلت مدرسه ولا كتاب
لاكن دخلت جامعه ا لحياة
ومنحتها عمرى منحتنى اعظم الشهادت
وكل خيوط الحياة انا فتلت غزلها
وعلى خيط دقيق تبت
فى دارسه البشر والناس
ثقفت نفسي بنفسي
ولا أنكر فضل كل الناس
وتعلمت من أفكار معلمين
عاشوا أعمارهم يقدموا
فكرهم فى العلم والادب
للناس ببلاش
وينتظروا الجزاء من الله
ولاعمري كنت بنا ولا مناول
ولا كنت في يوم مقاول كلام
بينطبع في عواميد مجلات وجرايد
ولأكنى للأدب وللعلوم هاوي وغاوي
قلمي في جيبي يكتب ما يحلالي ويحلاله
شارط عليه شروطي
انه يعجب الناس
وينفع الوطن عامه
ويكون ستر وغطا
على أعراض البشر والناس
وما ينحني للبشر
ينحني دائمن لله
رمزي حسن شحاتة0

*******************************************************************************

عاوزين نقارن
ما بين رأسمال
سكرتير مبارك
وسكرتير جمال عبد الناصر
وسكرتيرالسادات
==============
خمسه مليار جنيه
وعقارات يا رجل
منين جبتهم قولي
وعلينا ماتخبي
الكسب غير المشروع
ها يكشف الأعببك
لالك ولالغيرك ماهيخلي
كل المتغطي انكشف
وبقا على الملا يضوي
وللكل بقامكشوف
وعلي الجميع أهو بان
يا ريت للعداله توضح
منين يا لورد زمانك
جمعت هذا المال
ومنين يا سكرتير الملك
اللي برك علي قولبنا
3عقود من الزمن

ما شفنا فيهم خير

دا لشعب داق المذلة

وعاش نهاره ليل
اصابتم المجتمع بالمرض

وتركتم عن الفقير عله

حرمتم علينا الزاد

الشعب شاف فيهم

كل أصناف الهوان والويل
وضح للجميع مصادر اموالك
هل جمعت المال
بدموع والشقا والعرق
ذي كل الناس
ولا بالفهلوا جمعته حرام
و لاأنتي تجار ولا تمتلك شركات
ولا جدو الباشا تركلك
أموال كدا وعقارات
ولاوجودك في عزبه مبارك
جمعت كدا البركات
والعبت بالمال وأغتنيت فى الحال
دا مفيش أسرة في مصر
ورثت كدا المليارات
لا في عصر الملك فاروق
ولا جمال عبد الناصر
ولا السادات
اللي فتح لنا الأبواب
ولا عمر إنسان قبل وظيفة
وهو ملياردير وغنى بالمال
دانتي موظف بسيط
وعارفين مربوطك
في الوظيفة كأم
فسرلنا تبقي المال جمعته
أذاي
وأذاي خلال السنين
دي كلها
كانت بتقبض كأم
وبتصرف كأم
وقدمت في حياتك
لجهازالمحاسبات
في الزمة المالية كأم أقرار
ولا كل اللي أتوظف
في عزبة مبارك متعافى
أنه يقدم كدا أقرار
خربتم اقتصاد البلد
ياشله من البوم و الغربان
له حق شعب مصر يتسول
في كل مكان
ويقف على الابواب
مع العلم احنا دوله
غنيه بالمال
ولادينا أرضي متسعه
ولدينا ثروه بشريه
تغنينامليون سنه لقدام
رمزي حسن شحاته

******************************************************************************

سنين العمر ليه تجري

سنين العمر ليه تجري

ومن أعمرنا بتعدي
وفي السرعة وبتمدى

دائمن كأنك ضوء

وعلى مدا الدهر

بتمرى كانك برق

وفي أيام مابطولش
عليناالشمس
أزهق أتخنق
تضيق النفاس
تعدي كأنك دهر
وايام وليالى
وبتعدي وبتمدي
أشوف وفائك نهر
وايامك بينا تلعب
بتحول صباحك عصر
وعلى الدوام
تخدي وما بتدي
لا ليه ولا غيري
ولا في يوم قولتي
ولا شرتي أي كائن حي
ولا في العمر جاملتي حد
ودنيتك يا سنين العمر
تقيم علي الجميعالحد
و كل يوم لكي في الحياة
علي الدوام لكي طرح
أيام عليكي أعيش الفرح
أشيد و أبنى وأعلي
وأيام عليكي أعيش
الهوان والضنك
ومنك ومن دنيتك أغضب
ولكنى في الحياه ما اهد
و أنا في دنيتك شقيان
أنام وأصحي
من أدان الفجري
اشد حازم الوسط
وفى ضروب الحياة أسعى
أتلوي كالتعبان وكاالأفعى
وعلى رزقي و أتكفا
الملم رزقي بالحته وبالعفية
وأبوس تراب أرضالوطن
وأقول عليه نعمه
وأخد في حضني مصر
ويعدي اليوم يطرد يوم
وتعدى أيامنا وسننا
كانها سحابة صيف
وعليكى ايام تعدى
كالسحلفاة على الارض
ولا نقيد ولا نحسب
سنين العمر ايه فيها اتعمل
وايه فيها مر
وايه فيها بطعم العسل
وايه فيها بطعم الخل
مع أنى لحظتها ودقايقها
بتتحسب من العمر
مع العلم أن دفاترها مفتوحه
بتقيد ثواني العمر
من المهد حتى اللحد
وعلمتيني سنين العمر
فى بحر الدنيا اكون بحار
واكون عوام
وضد التيار ماسبحش
وفي البحر
سلاحي هو المجداف والدفه
وشراعي يداعب الهوا
يعمل في بحرنا زفه
وعلمتيني اكون في السما طيار
وعلمتينى اكون فارس
وحصانى علي الدوام قلمي
وافى ايدى تملى الصرع
وضميرى دائمنصاحى
واللى ما يرضى نفسى
ما رضي بيه على الناس
وعلمتنى اعيش انسان
وعلمتينى اعتمد على دراعى
وعلى كتفى اشيل الحمل
و حذرتني أعيش عليهاجبان
----
وعليكى امرنى دينى الحنيف
امرنى اناصر تملى الحق
واحافظ على الانساب
واتلزم بالعهد
واحافظ على صلت الرحم
بالتواصل كدا والود
ووصانى جدى وابوبيا
وقالولى حافظ علي الضفر
ميطلع كدا من اللحم
وقالى حافظ على الجار
واذا معاة اختلفت
واربله تملى الباب
وافتح قناة للصلح
تعود الميه لمجاريها
والقناة بالود تكبر
بتبقي بحر
يا ريت يا سنين عمري
عليه تستنى وتهدى
تعبتينى اديني فرصه اتنفس
وتهوا واخد نفسي
مشوار الدنيا علي كل كائن حي
كتير كتير بيكون صعب
واعيد انفاس الصبا لحظات
ويعود الربيع
للخريف والمشيب
من تاني ويستنى
ما هو للخريف والمشيب ربيع
وبيكون اجمل ربيع في العمر
واعود تاني فى الحياة اخد لفه
ودور على اللى راح منى
مش من مال ولامن جاه
ادور دائمن علي الخلق
واعتذر على ما بدى منى
من خطئ لكل الناس
واسامح الايام
واغتسل من مساواء الدنيا
واطهر من كل ماحدث فى العمر
واسجد لرب الكون
واعود عليكى كدا طاهر
كاجنين فى بطن الام
رمزى حسن شحاته
20-9-2011

**************************************************************************

عتاب
الي الدكتورة لميس جابر
اديبه عظيمه

وكلمتك على الفضائيات

على المجتمع لها تأثير

معرفشايه اللى جرى

يا استاذة
وبينك وبين المجتمع
وكلام منسوب اليكي
قلب بينك وبين الشعب
كدا الموا زين
وفيه ناس كتيره بتحبك
وتحترم فكرك وتحترم قلمك
و أنا كاتب واحترم
الاديب من حبر اقلامه
اتمنا يكون ما قيل خطئ
لأنك عند الشعب
قيمه كبيرة
وفكرك له دائمن تقدير
من اجل مصر ليه عتاب
وعتاب مثقف
خالى من التجريح
فينك يادكتورة من الميدان
ودم الشهيد
على ارض الميدان انهار
مش محتاج كدا النكران
لامن عدو ولا من صديق
مصر العظيمة النهارده
محتاجه كل فرد امين
والكل بسلاحه عنهايدافع
وخاصه سلاح القلم
على مدا الدهر هو خطير
لازم يكون حامله د ايمن
صادق تملى امين
---------------
ماعرفش ليه البلدى بتهون
على بعض ابنائها
ويوصل بيهم الجحود
ونكران الوفاء والجميل
فى زمن الدوله محتاجه
الموسا ندة من كل ابنئها
و فى المحن والشدائد
بالمال والولد والنفس
الكل يساندها
واللي المفروض
ويكون على الدوام
الوفاء في دم أبنئها
معرفشي ليه
كل اللي منها استفاد
واستفاد بمجهودة
او تربحوا في زمن التربح السريع
وفى دا مش من حقنا نسئل
أيه يملكه الفرد وأيه عنده
معرفشي ليه البعض منهم
علشان جمع الملايين
مش حاسين بالأم الغير
ما هي الفلوس في جيبه
والسلع في السوق
وماش حسد مننا او من الغير
أحنا العدد الكبير في المجتمع
والرب ساترها
بالقناعة كلنا عايشين
حتى في الزمان
اللي حوج
من شعبنا الملايين
ولوطاوعنى القلم
لكتبت عنه كتير
ولمابكتب
عن اللى جرا فى بلدى
دموعى على الوطن بتسيل
معرفشى ليه قله
بتجنوعلى ثورتنا وشهدئها
مع العلم اذا مر الوطن بسحابه
يبقا الجميع حراس عليه
من اى تيار يعوق تقدم الامه وانتجها
ومعرفش ايه السبب
اللى بيتجنى على مصرنا
اليوم
ولازالوا عايشين
في مناخ الأمس
مع العلم هما الليخدو من مصر واد تلهم
وعلى المناصب ركبو
وفى كل موكب ظهرو
وركبو قطار الفضائيات
واللي يقولوه يعيدوه
واعلام قائم على المكاسب
وداخله من الاعلان
ما يقولو ما يريدو
ونعدلهم بحكام
ماهو بيدفعو تمام
والدوله مستباحه
من ا للى ماعندهم ضمير
واللي منهم كبش كبشته واغتنى
وعمل الملايين
من دمها ودم ابنئها
فى عهد بائد
ولسه القضاء مافصلشى
في اوضعهم
ومنهم اللي جمع الملايين
في عهد حاكم
ظلم نفسه وظلم شعبه
واللي البعض منا
عنهم يدافع بلا دراسة
من اللي أصاب الوطن
وهز أهرمها
واللي نسيو أنفسهم
ومنهم باعوا الأصول
وحرموا أبنائها
من شركات ومصانع
و خصخصو كل أملاكها
وكأنهم اصحبها وملاكها
الحمد الله أن هما
مخصخصوش الهوا والنيل
بلاش ندافع عنهم
وننكر فضل الشهيد
ونوصفه بأي وصف
ودمه الشريف لازال
على ارض الميدان
لسه بأمانه ماجف
قضئنا ها يفصل
يا بالادانه يابالبرائه
وكل من مس الوطن
ونهب اموال شعبه
وفلوس أصحاب المعاشات بالمليارات
و الموضوع الجميع عارفه
لابد نهدى أحنا الجميع
ونبطل استفزاز
حتى يفصل قضائنا
يقول في المخطئ
والمذنب يقول حكمه
ها يبقى لكل حديث حديث
وكل واحد في راية حر
لكن بنرفض جمعيا
أي اعتداء على الشهيد
مرفوض و من الجميع مرفوض
وكفاية مات من الظلم
رمزي حسن شحاتة

» دوان لاانا نجار ولااسرجى
» امهر نجار بالعالم