لمن يريد ان يغير اسم عضويته بالمنتدى ((الأحوال المدنية )) ^^

مساؤ التعلم فى مصر
أديب وبكــتب أدب
وقلمى زعـلان ليه
سألته إيه السبب
قالى بتسـال ليه
ولو قلت ليـك السبب
ها تعمل فى المسبب إيه
التعليم فى مصر انتهى
لازم أرد عليـه
وأدعى كل مثقفى مصر
يكتبوا تملى عليـه
وأنا القلـم
بعتنى رب العباد من العدم
علشان أسطر العلم
و أحافظ تملـى عليه
وأنا القلـم
بكون فى أيدك واسالك
أنت هـا تكتب إيه
وطول عمرى أحب العلم
وأخاف تملى عليه
ولما العلم بدا أنا اللى كنت عليه
سيبونى كاتم آلامي
من القائمين على التعليم
فى مصر بتألم
سيبونى أنا المتغاظ
بكيت حبرى وبتالم وها تكلم
يا قائمين على التعليم فى مصر
لله اسمعوني فى الحياة مره
أنا القلم اللى انحرم من العلم بالمره
أيام ما كنت من بوص
كان العلم يحلالنا
ولما بقيت من دهـب
عبوا العلم فى مشنة
ورغم ان العلم فى الدنيا ازدهـر
واللى معاه يرفع يشيل
من العلم يا أخوانا
ويأخد ليه ولجرانه بالمره
والتعليم فى مدارسنا
عبوه كده فى جرة
وشمسناه فوق السطوح
حليب خالى من الدسم
قدم فى غشه بالمرة
الطالب بيرجع من الامتحان
سعيد ويترقص
لانه غـش
يا ناس التعليم فى مصر غير موازيننا
وعيشنا كلنا فى الوش
أنا بعت أبني علشان يتعلم
مش تعلموه الغش
وبأمانة الله الدولة تصرف كتير
على العلم والتعليـم
هذا الكلام ما هواش رياق ولا فيلم
لان العلم فى مصر
قبل العصر كان فى مصـر
والتعليم عندنا دايما طالع له بروز
وجايبين له كمان ضره
تغيير سنوات التعليم
بيضر عقود يا أخوانا
يا قائمين على التعليـم
بعض خريجى الكليات
والمعاهد والمـــــدارس
ما يعرف يكتب كده اسمه
ولو قابلته وناقشته
تجده كده محدود ناسى كده نفسه
إزاى ها نكرر زويل وطه حسين
وإزاى ها نكرر رامى ونجيب محفوظ
جدول الضرب اللي هو السلم الحسابى
إللى اتعلمناه فى الصغر بالضرب
لو سألت أي خريج
يقول حدد لى اختيارات
يا ناس حرام الكلام ده
دا أنا عقلى منى طار
أعيدوا حسابات التعليم عندنا
لان التعليم بقى عندا كده
جـــملة وبالقنطــــــار
ودجاج على البيض بيفقس
وفقسها فى وقته طلـــع له نهار
وعملين نرحل اجيال اتعلموا
لكن من العلم ما اتاسس وما اتمكنش
وبلاش كده تفريخ
البيض الممشش
لا ينتج لا فراخ ولا ديــك ولا كتكوت
ولا عمره يصنع ريش
المعلم فى مصر مذنب وغير مذنب
تناسى حقه
وقعد جانب الحيط يندب كده حظه
لابد للمعلم يكون له فى الدولة قدسية
ونعطى له أعلى المرتبات
ونهيأ له أفضل مناخ للعلم
ها يبقى بين المدرس والعلم أحلى سلم
ولو اخطأ المعلم ها يكون حسابه
فى المجتمع هم ما يتلم
أنا بعاتب القائمين على التعليم
مطلوب من الطالب يتعلم ويتثقف
ولا انتم عازين تفرخوا اجيال
ليكم فى المناسبات بتسقف
رمزي حسن شحاته

تعجبني جداً اشعارك بتحكي عن مشاكل وهموم الواقع الي بنعيشو
بطريقة شعرية رآئعهـ اسلوب كتابة حلو كتير
الله ينور عليكَ ويعطيك الصحة Smile

ابنتى كريم الخلق الا فحونه الملكيه الحرف تنادى على الاديب وتقولوله اقرئنى اولا قبل ما تكتبنى

فانتى اديبه واطلعت على بعض اعمالك وفى معامل الادب وزنتها فانتى ابنتى اديبه تستحقى

السناء من الجميع

شكرى لمرورك الطيب

جميل جدا بتحكي بطريقة لطيفة مساويء التعليم عندنا في مصر وجروح القلم الي خلاص ما عاد ليه تمن بس فيه إليّ لسه بيخاف عليه ^^
بسجل إعجابي مرة أخري

بياض الشمس

اسعدنى مرورك ياعظيمه

» حياتى مدرسة لمن يريد التعلم