الميه سر الحيـــاه
حاسب على الميه
وحافظ على كل نقطـة
لايام كتير جاية
وانا من البشر فى الدنيا
اللى باخاف على نقطة الميه
بخاف عليها زى نقطة
الميه اللى فى عنيـا
ولو شفت حنافية تلفانة
اجرى اصلحها بادية
وازعل من كل البشر
اللى بيبددو ثراوتنا فى الميه
والميه ثروة ما بعدهـا
فى الحياه ثروة
تعلوا شوفوا الجماد
وهو بينده على الميه
تعالوا شوفوا الحنين ما بين
الرمل ..والميـه
والارض من غير مياه
يظهر عليها القشف
تشقق من قلة الميه
حاسب على نعمتك
دى الميه ام النعـم
من غيرها نبقى عـدم
وتكون السبب هى
اتمنا اشوف البشر
فى الحب ذى الرمل والميه
ودوب بقى المصالـح
وكل اللى على الارض يتفقـو
بخاف على الميــــه
لانى عشت فى جزيرة
ميتها حدقة بمرارة
خلت حياة البشر نيلة
وعشت سنين من العمر فى الصحـره
لقيت نقطة الميه
تساوى الدنيا وما فيها
والنيل حدانا وخيره
مغرق اراضينا
لكن يوسفنى كل الاسف
والدولة قابلينا
التعدى على النيل
من اسوان حتى القاهـرة
واضح كتير لينا
والنيل هبة من الرحمن
رحمنا به وراحم اراضينا
موضوع المياه فى مصر
لابد بيه الجميع يهتم
اطالب الدولة بعمل مشروع قومى
لحمية النيل
ونحدد له يوم فى السنة
يا ريت يكون عيد وفاء النيل
والشعب باكمله يطلع يقول جاهزين
ونقسم قسم الولاء للنيل
ونقول من اليوم ها نحافظ على النيل
ونحافظ على الميه
دا الميه النيل عسل رحيقه من الجنة
رمزى حسن شحاتة
موضوع: الميه سر الحياه 
