لمن يريد ان يغير اسم عضويته بالمنتدى ((الأحوال المدنية )) ^^

تذكير بمساهمة فاتح الموضوع :

السلآم عليكم ورحمة الله وبركاته ..

أرحب بكل من يمر بهذه الصفحة .. بتحية ملؤها الود والأخوة التي جمعتنا

وستضل تجمعنا على مدى الأيام بإذنه تعالى ..

فأهلا بكم أعضاء ومشرفين ومراقبين وزوار لهذا المنتدى الغالي ..

//

سوف نحلق مع ضيف هذه الحلقة
إنها أختنا الغالية (رولا) التي شرفتنا ببيتنا هذا بفتره ليست بعيده فدخلت قلوبنا بتواجدها العطر وبدمها الخفيف وسعة نظرها وإطلالتها المميزة
وكم نحن متشوقون لمعرفة خبايا افكارها ومبادئها بالحياة
..

فأهلا بكِ ضيفه على كرسي الإعتراف ..

شاكرين قبولك الدعوة ..

متمنين لك المتعة والراحة بتواجدك معنا ..

//
والبداية مع الاسئلة التقليدية ببداية الجلسه

1‏
‏- الإسم 2- العمر 3- المدينة - 4 - قصةو طريقة تسجيلك بالمنتدى بالتفصيل (
عم كنتي تبحثين من دعاك وكيف سجلتي .... ) 5- المستوى العلمي
وإليكم أعزائي .. حرية طرح اسئلتكم على ضيفنا

مع مراجعة قوانين كرسي الإعتراف ..

تقديري واحترامي للجميع ...

المدير العام المشاركات : 22454

صباح الخير اختي رولا

وين مدينتك الاصلية بفلسطين ؟؟

وليش ما بتشاركي بباقي الاقسام؟

مشرف سابق المشاركات : 364

حبيبتي رولا منورة كرسي الاعتراف
بس افكر شوي وارجعلك جهزي حالك

آسفه كتيييير ع التأخيييييير

\

/

^_^

بسيطة اختي راحتك اختي

نحن بالانتظار

مرحبا اختي

أهلا وسهلا ومرحبا ,,,

كيفك

انا منيحة الحمد لله مشتاقالك

عندي كم سؤال خفيف

تفضلي يا الغلا

-عضو عاجبتك صورته الشخصيه وتوقيعه ؟

ممممم انتي ^_^

-عضو نشيط... ؟

ممممممم ابتسامة أمل ,,,

-عضو مفقود... ؟

مممم أنا عضو جديد ,, وصدقا مش كتير بفوت المنتدى .,,

-عضو واثق من نفسه ... ؟

,,,,

-عضو داخل مزاجك ... ؟

انتي ,,

-عضو تتمنى تلقتي به ... ؟

,,,,

-عضو مثقف ... ؟

صدقا الواضح انو الكل مثقف ...

-عضو نفسك تغير اسمه ... ؟

ما حدا ,,,

-عضو نفسك تقول له ( برافو عليك ) ... ؟

الجميع ,,

- شي حابه تغيريه بالمنتدى ؟

بصراحه لهلا ما في شي ,,,

نورتي يا الغلا ,,

صباح الخير اختي رولا

صباح الورد والفل والياسمين ,,

وين مدينتك الاصلية بفلسطين ؟؟

أنا من يافا ,,,

وليش ما بتشاركي بباقي الاقسام؟

والله أنا الموضوع اللي بجذبني بفوت عليه بس للأسف ما عندي وقت أفوت ع كل الأقسام وأشارك ,,,

منور والله

يييييييي تسلملي يارب هههه اخجلتي تواضعي

نورك ونتمنى نشوفك كل يوم تنوري المنتدى

حبيبتي ,,,

الله ينور عليكي ويحققلك كل اللي بتتمنيه يارب ,,,
^_^

مرحبا رولا كيفك..؟

سؤالي اليوم إلك ..

ماذا تعني لك هذه الكلمات :

الظلم
الحب
الوطن
الغربة
الاخلاص
الصداقة
الكرامة
النت
الأمل
الصبر

شكراً إلك أختنا (( رولا ((ضيفة الحلقة الجديدة من كرسي الإعتراف (تفضلوا ) - صفحة 3 2896587072

أختنا (( رولا ((ضيفة الحلقة الجديدة من كرسي الإعتراف (تفضلوا ) - صفحة 3 2896587072

مرحبا رولا كيفك وشو اخبارك ؟

اسئلتي عن كلام الناس

هل تتأثري من نظرات الناس إليك..؟!
وهل تجعلي لها حساباً أم أنكِ لاتتهتمي..؟!
وهل نظرات الناس تجعلك تندمين علي حالك أحياناً أو تغيرين وجهه نظرك..؟!
أم أنك لا تبالي بكلام الناس أخذاً برئيك أن إرضاء الناس غايه لاتدرك.؟!
هل اذا تعارضت رغابتك بنظرات الناس.. ايهم تفضل رغبتك أم تتخلي عنها من أجل نظرات الناس..؟!
هل تتذكري موقف أنك تضايقتي او ربما تخليني عن شئ من أجل نظرات الناس..؟!

مرحبا رولا كيفك..؟
يا أهلا ومليون وردة ,, نورتي ,,, انا بخير الحمد لله ,, انتي كيفك؟

سؤالي اليوم إلك ..
تفضلي
ماذا تعني لك هذه الكلمات :

الظلم ,,, أقسى ما في الوجود
الحب ,,, أروع ما في الوجود
الوطن ,,, أغلى ما نملك
الغربة ,,, صعبه جدا
الاخلاص ,,, معنى رائع وراقي
الصداقة ,,, ان كانت حقيقية فهي أقرب من الأخوه
الكرامة ,,, فوق كل شيء
النت ,,, عالم رهيب
الأمل ,,, فسحة للحياة
الصبر ,,, مفتاح الفرج

\
/
نورتي يا الغلا ,,,

مرحبا رولا كيفك وشو اخبارك ؟

أهلا أهلا ,,, تمام الحمد لله انتي كيفك؟؟

اسئلتي عن كلام الناس

تفضلي ...

هل تتأثري من نظرات الناس إليك..؟!
أكيييييييييد لأ
وهل تجعلي لها حساباً أم أنكِ لاتتهتمي..؟!
اكيد ما بحسب حساب لأي انسان بالدنيا مين ما كان الا لزوجي ,,وما بهتم بأي شي ممكن يحكوه ,,
وهل نظرات الناس تجعلك تندمين علي حالك أحياناً أو تغيرين وجهه نظرك..؟!
أكييييد لأ
أم أنك لا تبالي بكلام الناس أخذاً برئيك أن إرضاء الناس غايه لاتدرك.؟!
أكيييييد ,, بصراحه انا وزوجي شكلنا مملكتنا الوحيده ,, واللي بنعمل فيها اللي بدنا اياه بدون ما نحسب حساب لأي حد ,,, طول ما بنخاف ربنا بكل ما نفعل ومبتغانا مرضاة الله ,, ما بنحسب حساب ولا بنهتم لأي انسان مين ما كان ,
هل اذا تعارضت رغابتك بنظرات الناس.. ايهم تفضل رغبتك أم تتخلي عنها من أجل نظرات الناس..؟!
أكييييييد اللي بدي ياه بعمله ,,
هل تتذكري موقف أنك تضايقتي او ربما تخليني عن شئ من أجل نظرات الناس..؟!
بصراحه لأ , لكن نظرات الحسد والغيره هي اللي دايما تضايق الانسان ,, الله يبعد عنا جميعا الحسد والكره والغيره
\
/
نورتي يا قـــــمر

الله يسلمك حبيبتي

مرحبا اختي عدنا من جديد

ما رايك بالغيرة ؟؟؟؟؟؟؟

وهل انتي ممن يغاروون ؟ وما درجة غيرتك؟؟؟؟؟؟

الغيرة المفرطة تخرب بعض العلاقات ما رايك ؟؟؟؟؟

مرحبا اختي عدنا من جديد

أهلا ومليون سهلا فيكي يا عمري ,, نورتيني

ما رايك بالغيرة ؟؟؟؟؟؟؟

شعورررررر جميل جدا ,, الغيره جزء من الحب .

وهل انتي ممن يغاروون ؟ وما درجة غيرتك؟؟؟؟؟؟

أكييييييد بغار , يعني مش اوفر ولا ما بغار .. يعني غيره طبيعيه مش مُـؤذيه من وجهة نظري.

الغيرة المفرطة تخرب بعض العلاقات ما رايك ؟؟؟؟؟

أكييييييد هاد اشي مفروغ منه ,,
||
حبيبتي والله نورتيني ,, دائما بسعد بشوفتك هون ..
تحياتي يا الغلا

موضوع هالغيرة وراي وراي هههه صدفة ولا شو!!

هي الغيرة حلوة صح بس بتحرق الاعصاب ههه
و مرض نادر لا يصيب إلا من يعشق بصدق

سؤال إلك رولا ...

شو رايك بالصداقة بين الجنسين ؟

تسلميلي حبيبتي وانا بسعد بشوفتك اكتر

سؤالي

اذا تركك انسان غالي عليكي ورجع بعد فترة شو راح تكون ردت فعلك ؟؟؟؟؟

اول شي مبارك وصولك للمساهمة رقم 100 صديقة رولا وصارت عضويتك صديق مشارك

سوالي
هل يمكن ان تصل الصديقة رولا ل 1000 مشاركة في منتدى الاصدقاء

كم منتدى مسجلة حاليا وبتشاركي بيهم

ومالاقسام التيىتريدينها وغير موجودة

موضوع هالغيرة وراي وراي هههه صدفة ولا شو!!

ههههه:D وراك واك ,,

هي الغيرة حلوة صح بس بتحرق الاعصاب ههه
و مرض نادر لا يصيب إلا من يعشق بصدق

الغيره الطبيعيه مش مرض ,, بتسير مرض ازا زادت عن الحد الطبيعي ,,

سؤال إلك رولا ...

تفضلي يا قمر

شو رايك بالصداقة بين الجنسين ؟

ممممممممم
بصراحه ما بعتقد انو في صداقه من هادا النوع ,,, لانو أكيد الصداقه مفهوم كبير وبمنظور واسع جدا ,, لا اعتقد انه من الممكن أي فتاه انها تحكي أمور خاصه فيها لشب , لانه الصداقه بتشمل كل الأمور ,,, ولو في فبنظري بنسميها زماله ,, مش أكتر..
وبصراحه بحسها ما بتكون مبينه الا ع دوافع غير صحيحه ,, للأسف ,, أكيد في آراء تانيه ,, لكن هدا رأيي ,,,
نورتيني عزيزتي ,,

تسلميلي حبيبتي وانا بسعد بشوفتك اكتر

سؤالي

تفضلي يا الغلا ,,

اذا تركك انسان غالي عليكي ورجع بعد فترة شو راح تكون ردت فعلك ؟؟؟؟؟

ممممممم ,,
ازا غالي علي أكيد رح اكون مبسوطة لرجعته ,,, لكن لو في غيابه تعودت ع هالشي معناها ما كان غالي لدرجة اني أنزعج من غيابه ,,,وشي تاني ما بعتقد انو لو أنا غاليه عليه رح يتركني ,,,

||

نورتيني ,,

اول شي مبارك وصولك للمساهمة رقم 100 صديقة رولا وصارت عضويتك صديق مشارك

الله يبارك بعمرك يارب .,,

سوالي
هل يمكن ان تصل الصديقة رولا ل 1000 مشاركة في منتدى الاصدقاء

آها ,, ممكن ليش لأ ,,, لكن متأكده اني بدي وقت طويييييل جدا ,,

كم منتدى مسجلة حاليا وبتشاركي بيهم

بصراحه أنا بحياتي اشتركت بمنتديين ,,, هدا المنتدى ومنتدى أيام الجامعه بس للأسف اتسكر ,,,
وبشارك في هدا المنتدى .,

ومالاقسام التيىتريدينها وغير موجودة

ممممممم ,, قسم الكافيه ,, أكتر قسم كنت أفوته بهداك المنتدى ..
كافيه بكون فيها مواضيع متنوعه ومختلفه ,,, واعترافات من الاعضاء وغيره ,,, تعبير عن حالة الشخص النفسيه ,, وهيك
||

نورت أبو برهان

القسم الذي تحدثتي عنو موجود اختي ولا

اسمو المقهى لعام للمنتدى

تابع للمنتدى العام

افتحي صفحة المنتدى العام بتلاقيه اعلى القسم من فوق

سوالي الك ...

هل تزوجتي عن حب ام زواج تقليدي ^^

القسم الذي تحدثتي عنو موجود اختي ولا

اسمو المقهى لعام للمنتدى

تابع للمنتدى العام

افتحي صفحة المنتدى العام بتلاقيه اعلى القسم من فوق

ههه حقـــــــك علي ,,, بصراحه ما انتبهتلوا !!!

سوالي الك ...

هل تزوجتي عن حب ام زواج تقليدي ^^

ممممممم ,,
بصراحه انا بعتبر زواجي تقليدي .. بالرغم من انه زوجي اللي اختارني .!! لكن ما سمحتله يحكي معي ولا كلمة الا بعد ما تقدم لخطبتي ,., كانت كل مواضيعنا اللي بنفتحها فقط بخصوص التدريب (طبعا زي ما سبق وحكيت انو ايام الجامعه كان عندي تدريب واتدربت بنفس المكان اللي بشتغل فيه زوجي ) ,, ولما كان يحاول يحكي بمواضيع شخصيه كنت أسكته.,, هههه:D
يعني لحد الان بضل يراجعني بهديك الأيام ... بس بصراحه ,,! كان انسان رائع وأي بنت ممكن تحبه وتعجب فيه ,,بس بستاهل ^_^ ,,, وبتهيألي لو ما كنت هيك من البدايه ,,! ما صار نصيب بيننا ..,

||

نورت ابو برهان ,,,,
تحياتي

كيفك رولا ؟

أن شاء الله تكوني مبسوطة على الكرسي ههه

عندي كم سؤال إلك

1_شو هي برامجك المفضلة ؟

2_الحياة مدرسة شو اتعلمتي منها ؟

3_مين أحلى الحياة العزوبية ولا الارتباط؟

4_ انتِ بالعادة بتحكمي عقلك أم قلبك؟

5_بتحبي القراءة ؟ واذا بتحبي شو افضل كتاب قراءتيه؟

وبس

اه عندي كمان أسئلة يا رولا

بما أنك فلسطينية ولاجئة بالاردن بدي اسألك

انتِ بترضي بتقسم فلسطين لدولة فلسطينية 20% ودولة صهيونية 80%؟

وهل أنتِ متنازلة عن حقك بالعودة ؟

وهل أنتِ مع استمر المفاوضات بين السلطة الفلسطينية والاسرائيل ؟ وهل تعتقدي بأنه المفاوضات هي الطريق الامثل لتحرير فلسطين ؟

وشكراً إلك
أختنا (( رولا ((ضيفة الحلقة الجديدة من كرسي الإعتراف (تفضلوا ) - صفحة 3 2896587072

مرحبا رولا كيفك يا حلوة

2-رتبي الكلمات التالية حسب أهميتها عندك:

الحب -العائلة -المستقبل المهني-الصداقة-المال:

3-أغمضي عينيك لدقيقة وتخيلي أنك تملكي العالم بين يديك ماأول أمرين تفعليهما؟؟:

4-كتاب حياتك بما تصفيه؟؟"

5-لوعاد الزمن ما الشيء الذي ستفعلينه مرة أخرى؟؟؟:

6-ومالشيء الذي لن تفعليه مرة أخرى:

اين انتي ياورلا هههه

» أختنا ((خولة عطر الورد )) ضيفة الحلقة الجديدة من كرسي الإعتراف ((تفضلوا ))
» أختنا زهرة الجزائر ضيفة الحلقة الجديدة من كرسي الإعتراف (تفضلوا )
» أختنا (( تميمية يمانية ))ضيفة الحلقة الجديدة من كرسي الإعتراف (تفضلوا )
» الصديقة ((نجوى حلوة البسمة)) ضيفة الحلقة الجديدة من كرسي الإعتراف ((تفضلوا ))
» أختنا لؤلؤة ضيفة الحلقة الأولى من كرسي الإعتراف