ثلاثة أرباع ..ونصفين

نفسي مقسمه الى ثلاثة ارباع ونصفين

في كل يوم تتقطع نفسي الى اشلاء , ارباع واخماس واسداس وانصاف ما عاد للنفس بقاء..
وما عاد للنفس سعادة وما عاد لها رغبة في البقاء او الفناء

لملمت نفسي وما تبقى منها ووضعتهما في وعاء

ورميت منها كل ايام السعاده وكل ايام الفرح وكل ايام الحزن وكل ايام الشقاء

رميت منها كل ما يشدني الى الماضي او الحاضر او المستقبل ..

كي يسهل علي ان اسير بدون هذا الحمل الثقيل....

جهزت حقيبتي ووضعت فيها ما يكفيني من الزاد لسنتين , بضع صور وقليل من الاوراق وقلم, والقليل من الذكريات , ومصباح لينير لي ظلمة نهاري وظلمة ايامي

طرحت من ذكرياتي بعض الكلمات والابجديات ,طرحت منها كل حرف ينادي وطرحت منها كل حرف يعادي وكل حرف يصادق وكل حرف ينافق وكل حرف يداهن وكل حرف يزاود و يراهن.

ليس في ابجديتي احرف تنادي امة ماتت ومات ضميرها وماتت اطلالها وما عاد احد يذكرها . .

وليس في ابجديتي احرف تعادي من كان في يوم من الايام حبيب ..

وليس في ابجديتي احرف تصادق من كان سبباً من اسباب مأساتي..

وليس في ابجديتي احرف تنافق اصحاب الكراسي والمعالي والسياده والنيافه ..

وليس في ابجديتي احرف تراهن على شعب اهترأت من تحته الحديده وأن تداهن رجال هم اقرب منه الى اشباه الرجال ..

لذا لملمت نفسي وحملت امتعتي وقررت ان اسافر الى المجهول الى حيث لا اعرف احدا والى حيث لا يعرفني احد الى

مكان تكون فيه للانسان نفس وكيان ..

فليس عندي وقت للبقاء وليس عندي وقت للسفر وليس عندي وقت للتقدم او للتأخر وليس عندي وقت للفرح وكذلك للحزن .

فانا مشغول من شدة الفراغ , ومهموم من كثرة الفرح ,ومتعب من كثرة الراحه ..

هكذا انا وهكذا هي نفسي..

تسلم إيدي يا رب .... معقول ولا رد ؟؟؟؟

طبعاً ما في مشكلة إذا تأخر الرد بس هيك الله خلقني نقاقة شوي شو بدكن تعملوا لازم تتحملوني

بالعنوان لاتتعب حالك لأنو أكيد الكاتب ما كان عميحسبا رياضياً متل ما حسبتا أخي فارس هههههه

ليش ما حكيت رايك أخي عن الطريق يلي اختارو الكاتب لحتى يخلص من وجع راسو ؟؟؟؟

طيب أنا حسيت انك ظلمتو للكاتب حبيتين لانو كتير احيان مو بس هالكاتب ممكن أي واحد فينا

توصل معو الأمور لهون واكتر كمان، وما بيعرف وين بدو يروح بحالو وبيتمنى انو يطلع من كل

هالدنيا ويتجه للمجهول يلي أحيانا بكون فيه أمان وراحة أكتر من الواقع المليء بالالم والمعاناة

وأنا برأيي انو الواحد ما بتيوجه للمجهول الا لما تنسد بوجهو كل الابواب وما يبقى غير ثقب صغير

كتير عميدخل منو النور واكيد هالثقب ما منكون شايفينو بلحظة الضعف والهم يلي منكون عايشينا

نوووورت الموضوع أخي فارس بس ما تنطر ابداعي كتير مشان ما تمل

صح لسانك اختي ....وبعدين يا فارس مش كل الناس عندها ايمان قوي ....والانسان في لخظة ضعف ممكن يحكي او يعمل اي اشيء حتى لو كان ايمانه بالله قوي ....

ممم برجع بقرأها لانو عجبني العنوان اسوم
لانو هلا راسي ما بيتحمل

يسلمو أسوم

fareslove كتب:

((((((لذا لملمت نفسي وحملت امتعتي وقررت ان اسافر الى المجهول الى حيث لا اعرف احدا والى حيث لا يعرفني احد الى

مكان تكون فيه للانسان نفس وكيان ..

مابظن ياكاتبنا العزيز بعد ما تخليت عن كل تخليتو رح تلاقي مكان بالعالم تكون فيه انسان)))))

رح صلح اخر كلمة تاع انسان انا بقصد مافينو الواحد بعد ما يتخلا عن كل شي يكون الو كيان

لانو الانسان خلق قوي وحر ولازم يواجه الصعاب ويتسلح بالقوة والايمان بالله ومايوصل لهالدرجة من الضعف والهروب يا اختي اسماء

أخي فارس يلي وصل لهالمرحلة وتخلى عن كل هالأمور بلحظة الألم والضعف أكيد ما عاد في عندو كيان

وبهالمرحلة بكون عبارة عن جسد فقط بدون روح وممكن نعذرو عأي شي بيطلع معو ..

لكن أنا معك أخي فارس بهالفكرة 100% الله خلقنا لحتى نكون أقوياء بالحياة وما تهزنا كل قصة

وكلامك ذكرني بحديث رسول الله عليه الصلاة والسلام :

( المؤمن القوي خير وأحب إلى الله من المؤمن الضعيف وفي كل خير )

معك حق أخي الله يجزيك الخير

عصفورة النهرين كتب:

صح لسانك اختي ....وبعدين يا فارس مش كل الناس عندها ايمان قوي ....والانسان في لخظة ضعف ممكن يحكي او يعمل اي اشيء حتى لو كان ايمانه بالله قوي ....

نووووورتيني ندوش تسلمي عالمرور الحلو

أنا بعدني عند رأيي لكن متل ما حكى الأخ فارس لازم نكون أقوى بكتير من هيك وما نسمح

لطيور الألم انو تعشش فوق رؤوسنا لأن المؤمن القوي أحسن من المؤمن الضعيف

red rose rema كتب:

ممم برجع بقرأها لانو عجبني العنوان اسوم
لانو هلا راسي ما بيتحمل

سلامة راسك يا رب ريما

حاولي تبقي قوية دايما شو ما صار

وياريت اسمع رأيك بعد ما تقرئي الموضو ع

وشرفني مروووورك حبيبتي

max كتب:

يسلمو أسوم

هلا والله بأنوسة نووووورتني الله يسلمك يارب