السلام عليكم
كيفكم شباب و صبايا المنتدى
اليوم معي شغلة مهمة كتير لمستخدمين انترنت 3G سواء كان سيرياتيل أو MTN أو أي شي حتى لو كان بأي دولة
كل الناس اللي استخدموا ال 3G اشتكوا (و منهم أنا) من الإستهلاك الزايد
يعني الواحد بيفتح صفحة في شوية صور و بيرحله شي 3 ميغا و كم موقع كمان بيلاقي رحله شي 30 او 40 ميغا
و بالتالي إذا مشترك اشتراك طلابي 1 غيغا ما بتضل معه شي من أول 10 أيام أو أكتر بشوي بيكون مخلصها
طيب شو رايكم أنو الواحد بيصير بيحرت عليها حراتة (متل ما بيقولوا بعض الناس) ؟؟؟!!!
معي برنامج اسمه Nitro و نفسه عرضته بموضوع بالمنتدى لتسريع النت بس مو لهي الشغلة و كمان مو بالتفصيل التالي :
[ندعوك للتسجيل في المنتدى أو التعريف بنفسك لمعاينة هذه الصورة]و صرلي عم استخدمه حوالي السنة أو أكتر و بال 3G شي 6 أشهر
هادا البرنامج بيشبه كتير برنامج أسرع نت اللي كان لمخدم سوا قبل ما يلغوه
شغلة البرنامج الرئيسية هي تسريع النت عن طريق ضغط الصور و كل ما زاد الضغط بتتشوه الصور أكتر و بتزيد السرعة و بيخف الاستهلاك
و بالتالي بتزيد امكانية استثمار ال 1 غيغا لأبعد حد و هادا البرنامج كمانمفيد لشتركين ال ADSL Traffic يعني تبادل بيانات على عدد محدد منالغيغايات
و تاني شي هو بيكسر البروكسي يعني اليوتيوب و الفسيبوك شغالين تمام بس كمان أنت و ضميرك شلون بتستثمر كسر البروكسي
[ندعوك للتسجيل في المنتدى أو التعريف بنفسك لمعاينة هذه الصورة]و لتحميل البرنامج :
[ندعوك للتسجيل في المنتدى أو التعريف بنفسك لمعاينة هذا الرابط]بعد تنصيب البرنامج بيطلب إعادة إقلاع الجهاز و لما يرجع يفوت ع الويندوزبيطلع أيقونة جديدة جنب الساعة عليها مثلث أصفر فيه إشارة تعجب و بتعني هيالشغلة أنو البرنامج غير متصل بالسيرفر تبعه
1- منضغط على ايقونة البرنامج جنب الساعة (زر يميني أو يساري) و منلاقي هي القائمة :
[ندعوك للتسجيل في المنتدى أو التعريف بنفسك لمعاينة هذه الصورة]2- منختار settings و أول الشي منلاقيه بالنافذة هو image quality :
[ندعوك للتسجيل في المنتدى أو التعريف بنفسك لمعاينة هذه الصورة]و هادا عبارة عن خط التحكم بضغط الصور كل ما أخدناه لليسار اكتر بزيد الضغط و بتتشوه الصورة أكتر و متل مو شايفين بالصورة الضغط وسط
- هلأ مننتقل لتاني tab (لسان) و اللي هو connection :
[ندعوك للتسجيل في المنتدى أو التعريف بنفسك لمعاينة هذه الصورة]و هون بدنا نحط username و password و منحصل عليهم بإنشاء حساب مجاني على موقع البرنامج
[ندعوك للتسجيل في المنتدى أو التعريف بنفسك لمعاينة هذا الرابط]بيعطيك اسم مستخدم و كلمة مرور تجريبيين فعالين لمدة شهر و بعد شهر بتساوي اسم مستخدم وكلمة مرور جدد على إيميل تاني و هكذا
و بعدين مننتقل لآخر tab و اللي هو Features :
[ندعوك للتسجيل في المنتدى أو التعريف بنفسك لمعاينة هذه الصورة]منفعل كل الخيارات متل الصورة و متل مو شايفين مو بس بيضغط الصور كمان الفلاش و برتوكولات الإيميل
و لو منرجع شوي لأول صورة و هي قائمة البرنامج منلاقي select server
يفضل لا حدا يقرب عليها لأنه الوضع الافتراضي الها بروكسي استرالي و اللي هو أفضل من البروكسي الأميركي (الخيار التاني)
و كمان منلاقي Performance :
و اللي بتعرضلنا حجم البيانات الأصلي و حجمها بعد الضغط من أول ما نزلنا البرنامج على الجهاز
و أنا صرلي 3 أشهر تقريباً مفرمت و منزل البرنامج و هي الصورة من جهازي
[ندعوك للتسجيل في المنتدى أو التعريف بنفسك لمعاينة هذه الصورة]و هون منشوف انو حجم البينات الأصلي 13 غيغا اما بعد الضغط صاروا 4 غيغا والضغط مرتين و تلت و قابل للزيادة فياترى فديش ممكن يوفر الواحد بهيالطريقة
[ندعوك للتسجيل في المنتدى أو التعريف بنفسك لمعاينة هذه الصورة] و بعدين بالقائمة السابقة منلاقي Statics هي نفسها Performance بس لوقت التصفح فقط
يعني بعد ما نفصل النت بيصفر العداد
و أتمنى من كل واحد استفاد من هي الطريقة لا ينساني من دعوة صالحة بظهر الغيب
بالتوفيق للجميع