البطالة.... حقيقة ام سراب ؟؟؟

السلام عليكم ورحمة الله وبركاته
ازيكم يا اعضاء فارس
يارب تكونوا بخير وبصحة وسلامة

عفوا انه مجرد راي نابع من فكري ورؤيتي للواقع

موضوعي انهاردةعن البطالة يمكن انا ليا وجهة نظر تانيه يمكن محدش سمعها قبل كده من حد بغض النظر هو في شغل اصلا ولا لا
لو مفيش شغل فعلا امال الناس اللي بنشوفها من الساعه 6 الصبح دي رايحه فيين ولا هما عاملين نفسهم شغالين عشان الحسد وكده
طب البيوت دي كلها اتفتحت منين والعيال الصغيره اللي مليت الشارع دي جت منين علي حسب علمي انهم بيجوه عن طريق رجل وامراة
متزوجين علي سنة الله ورسوله يعني في جواز وشغل واب فاتح بيت وام ترعي هذا البيت وعيال تملي البيت
والعيال اللي بتروح المدارس دي عيال كتير جدا ربنا يزيد ويبارك فيهم
لما هو مفيش شغل امال ايه عدد العربيات المهول اللي في البلد دي وانواع الموبايلات اللي مع الناس اشكال والوان
لما هو مفيش شغل وفي بطالة
الحاجات دي بتيجي منين الناس اللي بتتجوز كل يوم دي جابت فلوس منين ولا هما مولودين في بقوهم معلقة دهب مظنش
ده كلهم من الطبقة بتاعتنا الطبقة الوسطي او السفلي

البـــــــــــطالـــــــــــــــــة

بقت اسهل كلمة ممكن الواحد يقولها لو فكرت تقوله انت ليه قاعد في البيت
بقت اسهل كلمة ومبرراتها اسهل منها بكتير
البطالة ومبررها

بقوه اسهل من عملية التنفس عند معظم الشعب
بغض النظر هي موجودة ولا مبتدعة

يعني تعالي وقول لحد انت لييييييه مش شغال
اول ما هيخطر علي باله وهيقوله
هو انت هندي ولا عايش في ماية البطيخ
اشتغل فييييييييين وهو في شغل اصلا كانوا اخواتي اشتغلوه وبعدين هروح اشتغل ايه
بياع - محاسب في شركة صغيره -مساعد -..........الخ
وهاخد كام 450 او 350
اعمل بيهم ايه بقي ان شاء الله
انا لسه عاوز اكون نفسي واتجوز واجيب عربيه وشقة كلام كتير اوووووووووي

ده هيكون رده وهيقولك رده باقتناع يحسد عليه لدرجة لو انت من نوعه هترد زيه بالضبط بعد كده لو حد سألك نفس السؤال
اسالوا بقي انت
بتصلي
بتصحي الساعة كام
معاك كام في جيبك
وقتك بيعدي ازاي

هنا بقي هتعرف هو ليييييييه مش لاقي شغل

هيقولك انا بنام الساعه 4 الفجر وبصحي الساعه 4 العصر
خميرة نوم ما شاء الله
طب ده كلام هتشتغل ايه بقي حضرتك وان بتنام النهار كله وصاحي الليل كله
طب هما هيجبولك الشغل لحد عندك ولا ايه بالضبط فهمنا جايز احنا مش فاهمين
طب اصحي بدري ودور وربنا هيكرمك لما يلاقيك بتسعي وبتتعب
معاك كام في جيبك
معهوش ولا نكله في جيبه وغير كده قارف ابوه ومامته كل شويه عاوز سجاير وكلام من ده وعاوز اخرج
وطلبات مش بتخلص

بيصلي اكيد لالالالالالالالالالا ده بيصحي 4 العصر يا عمنا
هيصلي ايه ده
وقتك بيعدي ازاي يا اما قاعد علي النت يا اما قاعد مع اصحابه اللي زيه بالضبط بايظين فكرا وشكلا ومضمونا زيه بالضبط
كل واحد فينا بيصاحب اللي شبه بالضبط
مفيش دكتور بيصاحب حرامي
طب سيبك من كل ده انت نزلت دورت علي شغل
بص هيرد ازاي
ادور علي شغل مممممممممم
انت جاي تهزر صح
انا خريج حقوق ..........انا خريج تجارة
ال ادور علي شغل حلوه دي
غرور ملوش حل مش عاوز يدور علي شغل لان( امكانياته الفكريه والعلميه )متسمحلوش ان يهين نفسه
طب بتصحي العصر ومش بدور علي شغل طب ما النتيجة معروفه
يعني انت نومك العصر ده بيوفرلك 450 جنيه اللي مش عاجبين حضرتك
بيوفرلك مصاريف السجاير والخروج مع اصحابك

صلاة مش بتصلي
والمشكلة يقولك انا عندي ثقة بالله وعارف انه هيرزقني كل خير

بتـــــــــــضحـــــــك علــــــــــــــــــي ميـــــــــــــــــــــــن يــــــــــــــا كـــــــــــابتــــــــــــــــــــن
لا تحـــــــــــــسن الظــــــــــــــــــــن بالله مــــــــــــا لـــــــــــم تحــــــــــــــــسن العـــــــــــــــــــــــــــمل

بعد كده
يقولك انا خريج طب او حقوق او تجارة
يعني حضرتك اتفطمت لاقيت نفسك دكتور ولا محامي ولا محاسب
ما انت دخلت حضانة وبعدين دخلت ابتدائي وبعدين اعداديه وبعدين ثانوي وبعدين الجامعة
يعني وصلت لشهادتك دي واحده واحده
طب ما تعمل كده انزل اشتغل بـــ450 واجتهد وربنا هيكرمك ومرتبك هيزيد برضو مع العمل
خدها درجه درجه زي ما خت الشهاده درجة درجة
انما تقضيها اكل ومرعه وقلة صنعه
اكيد مش هتوصل لاي حاجه من اللي حضرتك بتحلم بيها
المشكلة ان النماذج دي كترت اوووووووي بدرجة فظيعة وبيشجعوه بعض علي الانتخة والنوم
يعني تلاقي واحد كانت كل مشكلته ان مش لاقي شغل قابل واحد زيه قام قاله يعني هتشتغل بــ350 جنيه
قام التاني اقتنع بكلامه بقي عنده مبررين وجه واحد تالت قاله مبرر جديد قام انتخ اكتر ...وهكذا

انا حبيت اتكلم عن الناس اللي بتفكر كده وهما موجودين فعلا بطريقة ملفته وعندهم غرور وكبرياء من فراغ يقول أحد الصحابة :
ما وجد أحد في نفسه كبرا ، إلا من مهانة يجدها في نفسه ....


شـــــــــــكـــــــــــرا
اتمني يكون الموضوع عجبكم وقدرت اوصل فكره محتله عقول الناس من فراغ

وعشان محدش يقول اني بداري علي الحقيقة وعامل هندي
هو مفيش شغل الي حدا ما وبدرجة كبيرة
بس برضو في شغل للناس الجدية اللي عاوزاه تبقي حاجه الناس المتواضعه اللي عارفه
ان الحياة درجات وانت لازم تخدها
درجة
درجة
درجة