لمن يريد ان يغير اسم عضويته بالمنتدى ((الأحوال المدنية )) ^^

مرحبا

هالموضوع هاد إلي منو هدفين :
الهدف الأول : بدي وضحلكن سبب غيابي عن المنتدى لهالفترة الطويلة :
بالحقيقة القصة ما متل ما البعض مفكر إني متقاتل مع حدا لاء أبداً , القصة أنو أنا كنت مسجل بخمس منتديات و من كام شهر أخدت قرار أنو بدي وقف نشاطي بكل المنتديات إلا بمنتدى واحد هو منتدى كليتي , طبعاً إلا إذا شفت أنو في سبب وجيه بيخليني استمر بمنتدى تاني , و وقت وقفت نشاطي بالمنتديات بصراحة أخدت على خاطري , ليش ؟ لإني و - مع إني كنت من الأعضاء البارزين بالمنتدى و الأعضاء القدامى شاهدين على هالشي _ قطعت و ما حدا من الأعضاء لا شباب و لا صبايا فطن فيي و سأل عني و بعتلي رسالة خاصة عم يسألني فيها و يقلي : ( وينك يا قليل الزوق ؟ ) , أنا هالشي شجعني على عدم العودة للمنتدى لأنو معناها نحنا ما سألانين على بعض و ما حدا فطنان بالتاني و من وقتها طنشت بشكل كامل عن المنتدى .....
أما بالنسبة لسبب رجعتي ع المنتدى فرح تعرفوه من ضمن هدفي التاني من الموضوع :
الهدف الثاني : توجيه كلمة شكراً كبيرة جداً جداً نابعة من القلب للعضو الذي راسلني و سألني عن سبب انقطاعي و طلب مني العودة لدرجة إني و مع أنو أنا عنيد خجلت كتير منو و وعدتو إرجع للمنتدى بس مو بنفس المستوى اللي كنت فيه سابقاً و أنا عن جد ممنون كتير لأنو أخيراً بعد هالفترة الطويلة شفت أنو لسا في حدا متذكر أبو سيفو ....( اسمي الحقيقي : أمجد / أبو مالك )

عذراً على الانقطاع و عذراً على الإطالة

الله يسامحك أول شي ياغالي
انت بالئلب ياأجدب وعفكره ماكان يمرق اسبوع توقعات وإلا نجيب سيرتك ونسأل عنك
وكان بالنا سبب غيابك الفحوصات والدراسه ورح ترجع بعدها شو بعرفنا انك مقاطع الدنيا بأسرها
بس مو حرام تبطل سباق التوقعات اي كلنا ضلينا إلا انت قطعت ..الله يسامحك
وعكل حال أهلا وسهلا فيك اخي امجد من جديد ونورت وهون بيتك ياغالي ومهما غبت وامتا ماحبيت ترجع فمكانك محفوظ بقلبنا
تحياتي
اخوك فارس

وعفكرة هلأ بعد ماعرفنا السبب كلنا آخدين عخاطرنا منك
طب رح تترك المنتديات بس معقول تنسى اخوتك وأصدقائك فارس وابو عبدو ونضال وقيصر وشاكول وشمس ودام الهنا وفوفو وسهى وأمر الليالي وغيرهم وتختار بنفسك تبعد عنهم بدون أمر يجبرك عهالشي

ونيال كليتك اخترتها الها عحسابنا
بس ماصار شي
المهم إنك بخير وصحتك تمام وناطرينك ارجاع شارك بالسباق بركي بتلحق تتصدر

اهلا وسهلا بيك ابو مالك معنا مجددا معك اخوك فؤاد من حمص

اهلا وسهلا بالكينغ ابو سيفو والف الحمد الله على سلامتك ياغالي والبيت بيتك
وانا كنت بظن غيابك بسبب الامتحانات
سيدي ماصار شي انا هون احد اقدم الاعضاء ولما غبت ماحد ا اتذكني برسالة خاصة
اهلا وسهلا بيك

اهلا وسهلا بيك ياقمر

اهلا وسهلا بيك امجد معنا
وشكرا كثير

مية هلا شباب و صبايا
مشكورين
تسلمولي انشالله

أي أي صعي
ولك فارس يا هايشي كيف بدي إتصدر فهمني أي مستر نضال بيكون صار عندو ألف نقطة
تعو نرجع من أول
شو رأيك نضال ؟

هوهوهوهوهوهوهوهو
يا أبو سيفو
ولو يا رجل
إعمل يلي بخاطرك بس وارجع بكيفك وهون كلنا إخواتك
أهلا وسهلا

ع راسي زعيم

وعلى راسي إنت يا أبو سيفو الغالي

اهلا وسهلا بامجد

الحمد الله على السلامة

الله يسلمك هبة

أبو سيفو رجع بكيفو ...
نيال من شاف أبو سيفو ... و شاف طلتو البهية ...
نورت يا حبيب القلب ...

أهلين أحلا أبو حميد
اشتقت لتعليقاتك الحلوة يا حلو

تسلم يا غالي ...

أهلا أمجد

أهلين فيكي

ليش عم تغطي ؟

» حكم تستحق القراءة
» النوم .. أسرار في فلك العلم
» ثماني ملاحظات على طرق الكتابة لمزيد من القراءة!
» أقوال الحكماء يستحق القراءة لن تخسر شيء
» العلم السوري على مر التاريخ

يرجى من الجميع القراءة و أخذ العلم